CABINET RELEASE (English and Samoan)
1. Malaga Afioga i le Palemia mo fono i Amerika
Ua faamaonia e le Kapeneta le malaga ai o le Afioga i le Palemia, Susuga Tuilaepa Sailele Malielegaoi mo fono e faia i Niu Ioka i Amerika i le aso 25 o Setema – 5 Oketopa 2015.
O le a mua’i faia le Fono a Taitai o Malo mo le Faamautuina o Taiala o Galuega o Atina’e i tua atu o le 2015 e faia i le aso 25 – 27 Setema. O lea fono ua fuafua e faamautu ai taiala faataatitia mo le soifua manuia ma le atina’e mo tagata uma faapea mataupu tau suiga o le tau. Ua fuafua foi e faia ai se saunoaga a le Afioga i le Palemia, Susuga a Tuilaepa i lea fono. E tele se sao o Samoa i le tapenaina o lenei taiala. E le gata i lea, o le taiala lenei o lo o i ai i lalo o le faaiuga o le SAMOA Pathway lea na faamautu i le Fono a Malo Aufaatasi mo Atunuu Laiti Tau Atia’e lea na faia mai i Samoa i le tausaga ua mavae.
O le Fono tele Lona Fitu Sefulu a Malo Aufaatasi e faia i le aso 28 Setema – 5 Oketopa. E taua tele le auai o Samoa i lenei fono e tapu’e atili ai sootaga ma atunuu o Malo Aufaatasi ma paaga faavaomalo.
O le usugafono a Samoa e aofia ai le Afioga i le Minisita Lagolago mo le Matagaluega a le Palemia ma le Kapeneta, Afioga Peseta Vaifou Tevaga ma le Minisita Lagolago o le Matagaluega o Tupe, Afioga Lafaitele Patrick Leiataualesa faapea ma le Ofisa Sili o Pulega o le Matagaluega o le Vaifafo, Afioga Aiono Mose Sua.
Prime Minister to attend meetings in New York
Cabinet has approved the participation by Honourable Prime Minister, Susuga Tuilaepa Sailele Malielegaoi at two meetings in New York, USA on 25 September – 5 October 2015.
The Summit for the Adoption of the Post-2015 Development Agenda will convene on 25 – 27 September. The 2030 Agenda for Sustainable Development and a universal agreement on climate change are expected to be adopted at this meeting, where Prime Minister Tuilaepa will be presenting a speech. Samoa has contributed in the drafting of the Post 2015 Sustainable Development Goals. These goals are featured in the SAMOA Pathway Framework adopted at the UN Small Islands Developing States (UN SIDS) Conference hosted in Samoa last year.
The 70th United Nations General Assembly (UN GA) will be held on 28 September – 5 October. Samoa’s participation at this meeting is crucial to further develop relations with other countries of the United Nations and international partners.
Samoa’s delegation includes Associate Minister for the Ministry of the Prime Minster and Cabinet, Afioga Peseta Vaifou Tevaga and Associate Minister for the Ministry of Finance, Afioga Lafaitele Patrick Leiataualesa; and the Chief Executive for the Ministry of Foreign Affairs, Afioga Aiono Mose Sua.
2. Fetuunaiga o le taimi i Samoa 2015 i le 2016
Ua faamaonia e le Kapeneta le fetuunaiga o le taimi mo le tausaga 2015 i le 2016.
O le Aso Sa, 27 o Setema 2015 o le a amata suia ai le taimi, e tasi le itula agai i luma. Mo le silafia lautele, afai e ta le itula e tolu (3:00am) i le vaveao o le Aso Sa 27 o Setema, ona sui lea i luma o le taimi i le itula e fa (4:00am) i le vaveao.
O le Aso Sa, 3 o Aperila 2016 o le a toe suia ai i tua le taimi. Afai e ta le itula e fa (4:00am) i le vaveao, ona sui lea o le taimi agai i tua i le tolu (3:00am) i le vaveao.
O le toe fesuiaiga o taimi ina ia tusa ai ma le Tulafono o le Fetuunaiga o Taimi 2009.
Daylight Saving time schedule for Samoa 2015 to 2016
Cabinet has approved the Daylight Saving time schedule for 2015 to 2016.
The daylight saving time starts on Sunday 27th September 2015. The public is advised that when the time strikes the hour of three o’clock (3:00am), then all instruments used to measure standard time are to be adjusted or changed one hour forward, to four o’clock (4:00am).
The daylight saving time period ends on Sunday 3rd April 2016. When time strikes the hour of four o’clock (4:00am) then instruments used to measure standard time are to be adjusted or changed one hour backwards, to three o’clock (3:00am).
These changes are in accordance with the Daylight Savings Act 2009.
3. Galuega faaleleia faifaipea mo alavai
Ua faamaonia e le Kapeneta le tuuina atu o konekarate mo Galuega Faaleleia Faifaipea mo Alavai i Upolu i kamupani ua taua i lalo.
| Sone | Faamatalaga | Kamupani Manumalo |
| 1 | Alavai mai Malie – Vailoa | Captain Mark Contractors |
| 2 | Alavai mai Tuanaimato – Lepea | Aluminium Designs |
| 3 | Alavai mai Vaitele i Vailoa agai i Taufusi ma Matafele ma Sogi | Simalua Apisaloma |
| 4 | Alavai mai Vaitele i Vailoa agai i Taufusi ma Matafele ma agai atu i Matautu | Tama o le Mau |
| 5 | Alavai mai Seesee – Palisi | Aleisa Greenworks Ltd |
| 6 | Alavai mai Malifa i Afiamalu agai i Lelata ma Toomatagi | KLSS Landscaping & Civil Services |
| 7 | Alavai mai Vaivase agai i Laulii | A&J Lawnmowing & Drainages Services |
Sa faasalalauina nei tauofoga mo le silafia lautele, ma e 25 kamupani na tusi talosaga ane i ai.
Sa iloiloina tauofoga uma e le Soa Komiti e tusa ai ma aiaiga o le tusi o tauofoga, ma tuuina mai ai le fautuaga mo le faia ole faaiuga a le Kapeneta.
Drainage Routine Maintenance Contracts
Cabinet has approved the awarding of Drainage Routine Maintenance Contracts for Upolu to the following companies.
| Zone | Description of Zone | Contractor |
| 1 | Open & closed drainages Malie – Vailoa | Captain Mark Contractors |
| 2 | Open & closed drainages Tuanaimato – Lepea | Aluminium Designs |
| 3 | Closed drains along Vaitele St. Vailoa – Taufusi & Western CBD Matafele – Sogi | Simalua Apisaloma |
| 4 | Closed drains along Vaitele St. Vailoa – Taufusi & Eastern CBD Matafele – Matautu | Tama o le Mau |
| 5 | Open and closed drainages Seesee – Palisi including open drains within the CBD | Aleisa Greenworks Ltd |
| 6 | Open and closed drainages Malifa – Afiamalu and Lelata – Toomatagi | KLSS Landscaping & Civil Services |
| 7 | Open and closed drainages Vaivase – Laulii | A&J Lawnmowing & Drainages Services |
The tenders for the abovementioned contracts were advertised for public interest and 25 companies submitted applications of bids.
The tenders were assessed by the Sub Committee according to the tender bidding document before a recommendation was tabled before Cabinet for the final decision.
4. Lagolago autu le SIFA mo le Fusuaga Faatausala a Lupesoliai Joseph Parker
Ua faamaonia e le Kapeneta le avea o le Pulega o Tupe Faavaomalo (SIFA) ma lagolago autu, e faaaoga ai le igoa o le SIFA mo le Fusuaga Faatausala a Lupesoliai Joseph Parker, lea e faia mai i Samoa i le aso 23 o Ianuari 2016.
O se tasi lenei o faamoemoe mataina o le a faatinoina i Samoa i le faagatama o le faipele, lea o le a auai se tasi o alo tautaua o le atunuu le Afioga ia Lupesoliai.
O le Afioga ia Lupesoliai e siamupini aoao i Niu Sila ma o lo o numera tasi i le faatulagaga o le aufusu i le paga mamafa i Niu Sila. E numera 10 i le lalolagi i le paga mamafa WBA; numera ono i le paga mamafa o le WBO ma o le WBO Oriental Heavyweight Titleholder.
O le manulauti o lenei faamoemoe, o le avea ai lea o Samoa o se nofoaga mataina e mafai ona aumai i ai faamoemoe tetele ma faatinoina ai fusuaga tetele faapenei. E pei foi ona talimalo ai Samoa i le Fono Tele Lona Tolu a Malo Aufaatasi mo Atunuu Tau Atia’e i le tausaga ua mavae, faapea ma le taaloga tele a le Olopeleki ma le Manu Samoa i le tausaga nei. O le faia mai Samoa o le fusuaga lenei, o le a atili faamausali ai le tautaua o Samoa o se atunuu talimalo ma fai mea mafai ma o se atunuu foi e numera tasi i le Pasefika i le tulaga talimalo i taaloga faavaomalo.
O faamanuiaga mo le SIFA e aofia ai le faalauiloaina o le igoa o le Pulega i luga o le auala faasalalau ma le taimi o faagasolo le fusuaga. O le a faalauiloa foi le igoa o le SIFA i totonu o vaega eseese o le maea fusu, laupapa faasalalau a le aufaasalalau, auala savali ai tama fusu agai i totonu o le maea fusu, laupapa faailoilo a le SIFA, faalauiloa i luga o le upega tafailagi ma faalauiloa i luga o lavalava faaaoga e le aufusu.
O faamanuiaga mo Samoa e maua mai lenei fusuaga e aofia ai le faaaoga o le avanoa lenei e auai mai ai Lupesoliai e atina’e ai le taaloga fusuaga i totonu o le atunuu ma le faatosina mai o turisi i totonu o Samoa.
SIFA becomes Naming Rights Sponsor of the Rumble in Paradise fight for Lupesoliai Joseph Parker
Cabinet has approved for Samoa International Finance Authority (SIFA) to become the Naming Rights Sponsor for Lupesoliai Joseph Parker’s Rumble in Paradise fight in Samoa on 23 January 2016.
Lupesoliai is the current New Zealand Heavyweight Champion and his WBA rankings now stand at 10th in the World Heavyweight Division; WBO Ranked 6th in the World in the heavyweight division; and WBO Oriental Heavyweight Titleholder.
The focus of this event is to mark Samoa as a potential location to host big events such as a big international boxing event like this. Samoa successfully hosted the UN SIDS conference last year and the recent Manu Samoa/All Blacks rugby match in July this year. The hosting of the Rumble in Paradise boxing match will further promote Samoa’s potential as host country and a leader in the Pacific at hosting international sporting events.
Benefits for SIFA will include broadcast exposure such as onscreen graphics, commercial broadcast during fight time live etc., exclusive SIFA branding naming rights, SIFA logo display in many areas of the boxing ring, SIFA banners, website, apparel branding etc.
Benefits for Samoa will include gym visits by Lupesoliai and an opportunity for developing the sport in the country as well as more international exposure for Samoa and attracting more tourists to visit.
5. Aoaoga mo i latou e pasia aano o manufasi i totonu o le atunuu
Ua faamaonia e le Kapeneta le auai atu o sui o le Matagaluega o Faatoaga Vaomatua ma Faigafaiva i le aoaoga mo i latou e pasia aano o manufasi i totonu o le atunuu lea o lo o faagasolo i Adelaide, Ausetalia mai le aso 14 – 26 o Setema 2015.
O le faamoemoe o lea aoaoga, ina ia lelei, mama ma saogalemu aano o manufasi e maua i totonu o Samoa e ala i le lelei ona pasia ma vaaia.
O le a maua foi le avanoa e asia ai e latou ia fale fasi manu i totonu o Ausetalia ma faata’ita’i i le faatinoina o le galuega.
O le aumalaga e aofia ai i latou o lo o galulue i le Vaega o Lafumanu i Avele, o Faasoa Junior Seuseu, Tuiva Metuli ma Laufou Malaga. Ua mafai ona auai i latou ia i lenei aoaoga i lalo o le polokalame o le Poloketi mo le Faaleleia o Atina’e o Faatoaga.
Training in meat inspection and slaughter techniques
Cabinet approved the participation by staff members of the Ministry of Agriculture, Forestry and Fisheries at the Certificate II-Meat Inspection and Sanitary Slaughter Technique training currently being held in Adelaide, Australia from 14 – 26 September 2015.
The aim of this training is to provide exposure and enhance the capacity and capability of these employees so as to improve efficiency and standards in their roles.
The participants will also benefit from exposure to small scale abattoir meat processing facilities and learn new skills relating to their responsibilities under MAF.
Samoa’s participants are Faasoa Junior Seuseu, Tuiva Metuli and Laufou Malaga. They are able to participate at this training under the Agricultural Competitive Enhancement Project (SACEP).
###
