E tusa ai ma le Poloaiga o Faalavelave Tutupu Faafuase’i ua fa’ailoa mai e le Malo mo Puipuiga o le Faama’i o le COVID-19, e faailoa atu ma le faaaloalo tele lava i le mamalu o faifaatoaga, failafumanu ma le au faifaiva e faapea:
O le a taofia uma Polokalame a le Matagaluega o Faatoaga ma Faigafaiva sa faatinoina ma sa fuafuaina mo lenei vaitaimi, e aofia ai fonotaga faalea’oa’oga, asiasiga, poloketi (SAFPROM ma isi) ma galuega faagasolo i nu’u ma afioaga.
Ona o taumafaiga ina ia puipuia ma faaitiitia le pepesi ai o le faama’i, e pei ona i ai le poloaiga a le Malo e faaitiitia ai le soona feoai, ua tuuina atu ai le talosaga ina ia faaaoga mai laina telefoni ua taua i lalo mo nisi faamatalaga e fia malamalama ai.
• Ofisa i Apia 22561,
• Ofisa i Salelologa 51222,
• Vaega o Atina’e o Lafumanu 21052,
• Vaega o Atina’e o Laau Toto 20605,
• Vaega o Atina’e o Faigafaiva 20005,
• Vaega o le Kuarentini 20924.
Faamolemole faafofoga mai i Leitio ma Televise mo seisi fa’aaliga mo a tatou auaunaga.
Faamoemoe lava i lo tatou galulue faatasi mo le puipuiga ma le saogalemu o Samoa.
Faia ma le faaaloalo e tatau ai
Tilafono David Hunter
OFISA SILI O LE PULEGA (Ministry of Agriculture and Fisheries – Samoa)
website: https://www.maf.gov.ws/
