RESITALA O NOFOAGA E NOFOMAU AI SUI TAUVA O LE PALOTA
Tusia: Tusiga Taofiga
“Manatua fo’i e lua agava’a e mafai ai ona avea oe ma tagata palota, muamua o le vaega o lo o e nofo ai, lona lua o lou matai, ona e filifili ai lea o oe.”
O lona uiga o lo o manino i totonu o le Tulafono o Faiga Palota 2020, pe afai o lo o e nofomau i Upolu ae e te fia tamo’e mo lou Ituamalo i Savaii, e mafai ona e aga’i Savaii e fa’aaoga ai lou suafa matai.
“E leai ma se a’afiaga o le vaega lea o lou resitala i le nofoaga o lo o e aumau ai i le Sui Tauva, auā o lea e matuā malu puipuia le vaega lea i lalo o le tatou Tulafono,” o le saunoaga lea a Faimalomatumua Mathew Lemisio, Komesina o Faiga Palota.
Saunoa le Komesina o Faiga Palota e fa’apea;
“O le teuteuga lea na tu’uina atu i le tatou Tulafono lea na pasia i le vaiaso ua mavae, o le fa’a’opo’opo ai lea o le ono masina, e tatau ai ona e nofo i totonu o se Itumalo, ona mafai loa lea ona fa’amalieina agava’a ia o lou nofo ai i totonu o se Itumalo.”
“O le mea lea na tupu ma na tupu fo’i i isi tausaga, e latalata loa i taimi o Faiga Palota, amata loa ona la’u solo tagata, o le mea la lea ua taumafai ai le Ofisa o Faiga Palota, ia i ai se fa’atonutonuga o le vaega lea, a fa’apea na e sau ananafi e te nofo i se nu’u i le taulaga, o lona uiga e te le agava’a la, o lona uiga e te le agava’a la, ona o lona uiga o lea e i ai lava le agaga lena e te sau ai e te alu i le lola palota, ina ia mafai ai ona e palota i se sui i totonu o lea Itumalo, ma o lea la ua i ai le fa’atonutonuga o le vaega lea ma o lo o i ai i si atunuu o lo o i ai le tulaga fa’atonutonu lenei.”
“Po’o le fesiligia pe a’afia ai le Sui Tauva, o le tali e leai, aisea, muamua o le tali o agava’a mautu mo le Sui Tauva, o le tatau lea ona i ai sou matai, o lona uiga afai out e filifili ou te fia tauva mai tuā, e muamua la ona ou alu out e resitala i le Itumalo lea i tuā lea ou te taumafai ou te tamo’e mai ai.”
“O le a la le agava’a ou te alu ai i luga o le lola palota lena o se tagata palota, muamua o lou matai, a fo’i o lea e fa’ataga e le tulafono, i aiaiga ia e lua, ona ou alu i luga o le lola le la i lo’u suafa matai, o lo’u suafa matai fo’i lena, e si’i loa lo’u lima o le a ou tauva i le Faiga Palota, o lona uiga ua mana’omia lo la lo’u suafa matai lea, ou te tauva ai.”
“E leai ma se a’afiaga o le vaega lea o lou resitala i le nofoaga o lo o e aumau ai i le Sui Tauva, auā o lea e matuā malu puipuia le vaega lea i lalo o le tatou Tulafono.”
