OFISA O LE SO’OUPU; Ua iai suiga I itula e tatala ai Supamaketi e pei ona faattulafonoina I teuteuga ile aso I le Poloaiga o Faalavelave Faafuasei, KOVITI 19.
O le teuteuga fou e pei poloaiga e pei ona taua I lalo;
FK toe teuteu 20/5/20: Faaopoopoina o le Vaega x o le faaiuga mo le faamaninoina atili o taimi e tatala ai Supamaketi mai le Aso Gafua – Aso Toonai mai le 6:00 i le taeao i le 7:00 i le afiafi.
Supamaketi
a) Le tatala o Supamaketi mai le Aso Gafua i le Aso Toonai mai le 6:00 i le taeao i le 7:00 i le afiafi.
e) E tatala Supamaketi i le Aso Sa i taimi masani mai le 3:00 i le afiafi ae tapunia i le 7 i le po.
E faatumauina pea isi aiaiga o Poloaiga o Faalavelave Faafuase’i na mua’i tuuina atu.
Le amata faamamaluina o lenei suiga i le Aso Tofi 21 Me 2020 seia toe iai se isi faaaliga.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
