(MATAGALUEGA O TUPE); E pei ona fa’alauiloaina ile Fono Aoao a le Palemene ile masina o Me 2020, ua tu’uina atu nei le fesoasoani a le Malo i lalo o le Vaega II o lana Polokalame e Tali Atu ai i Aafiaga o le Koviti19 mo fa’alapotopotoga i totonu o le atunu’u o lo’o fa’atinoina auaunaga fa’apitoa mo nisi o le mamalu o le atunu’u (vulnerable groups).
O le maitau a le Malo, o le tele o nei fa’alapotopotoga e faamoemoe tele i fesoasoani tau tupe mai ile mamalu o le atunu’u ma o le tele fo’i o nei fesoasoani e lē taumateina ua amata ona tu’uitiitia talu ai le feagai ai pea o le lalolagi ma lu’itau ona o le fa’ama’i o le Koviti19.
O nei fa’alapotopotoga e aofia ai:
• Mapuifagalele
• SVSG
• Goshen Trust
• Faataua Le Ola
• Nuanua o le Alofa
• Loto Taumafai
• Senese Institute
• Divine Mercy
• Aoga Fiamalamalama ma le
• Cancer Society
O le fa’amoemoe ina ia tu’uina atu lenei fesoasoani e fa’aauau ai pea auaunaga a nei fa’alapotopotoga a’o feagai ai le atunu’u ma le tele o lu’itau ona o le fa’ama’i o le Koviti19.
E lagolagoina pea e le Malo galuega a nei fa’alapotopotoga ma e fa’afetaia le latou sao tāua mo Samoa atoa aemaise ai ana tagatanu’u.
O le fesoasoani ua tufatufaina ile asō e tusa ma le 70% o le vaegatupe sa faatatauina ma o lo’o tatala pea le avanoa mo isi fa’alapotopotoga ma o le a iloiloina a latou galuega ma auaunaga e tusa ai ma faiga faavae masani a le Malo o Samoa.
