O SOU MANATU?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Faiane Tomasi
58 tausaga o Falelauniu
E to’aiva le aofa’i o fanau a la’u fanau o le a aumai e ao’oga i le St Paul’s Academy e ao’oga ai. O nisi o fanau a la’u fanau, sa ao’oga i le Aoga Tulagalua a Lepea, Aoga Tulagalua a Vaitele ma Vaimoso, a fua la i le mamao o le nu’u matou te nonofo ai ma aoga sa ‘ave i ai le fanau, oka! e pei lava o lea te usu i le galuega i taeao uma taeao uma i le momoliga o tamaiti, ona o le fa’a’eteetega i lavea se isi i se ta’vale.
Peita’i ua fa’atu e le Malo lenei aoga i Tafa’igata, e lagona lava le loto fa’afetai, ona o le silasila mamao a o tatou Ta’ita’i i nai fanau aemaise o matou o lo’o nofoia lenei nofoaga. O lea o le a faigofie mea uma, o le a lē toe tu tu i luma o le auala e fa’atali le pasi, ae o le a la’ala’a lava i le aoga, auā e lē mamao le matou nei.
E i ai fo’i la’u fanau e fia aumai iinei pe a tatala le Kolisi i le tausaga fou. O avanoa le aumaua ia lea ua fa’amanuiaina ai Tafa’igata ma ona nu’u tuāoi. Ae tatou tu’u pea ia manatu o le tagata ma ona lagona, o lana ia lea aiā tatau, ae aga’i mai pea matou o lo’o fia fa’aāoga nei faleaoga e fa’aao’oga ai a matou fanau, ina ia maua le poto ma le atamai e sa’ili ai so latou lumana’i manuia.
O SOU MANATU?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Faaloia Suluvale
36 tausaga o Tafa’igata
E ‘ese’ese lava tagata ma ona lagona ma manatu. Ae ia te a’u ma lo’u lagona o lo’o i ai, o lagona o le loto fa’afetai. Ou te ofo fo’i i se matua ae le to’aga e una’i le fanau i le aoga, auā o lea ua tu tonu le faleaoga i le nofoaga o lo’’o nonofo ai. O le a sefe tupe e feoa’i atu ai i Apia e ‘ave fanau i le aoga, maua ai ma taimi e fa’atino ai isi feau tāua i totonu o aiga, ona o lea ua latalata atu le faleaoga i le matou fale.
E lē toe fa’asilia se fa’amatalaga, pau o lea, fa’afetai tele i le Matagaluega o Aoga, Ta’aloga ma Aganu’u ma le Malo, ona o le tofā ma le fa’autautaga poto ua fa’atu ai lenei faleaoga i Tafa’igata nei. O se miti a le Malo e pei ona fa’alogologo atu i le saunoaga a le Palemia, ae o se miti fo’i i ‘ai matou lea e nonofo iinei, ona o le tulaga tau femalaga’iga i taeao ma afiafi.
Ua uma upu, ua leiloa fo’i po’o a nisi tala o le a fai, ona o lea ua matou va’ava’ai i le toe fa’aleleia e le Malo o potu o le falepuipui tuai, e maeu le matagofie ma le manaia. O lea fo’i ua matou va’ava’ai i aseta o le a fa’aāogaina e le fanau, amuia fo’i nei fanau ona o lea ua tilotilo atu, e i ai masini ou te iloa e le’o maua e isi aoga tulagalua, lea ua fa’aāogaina i le Aoga i Tafa’igata. O le galuega lenei o le a fa’atino, o le una’i o fanau i le aoga, o lea ua i ai le aoga Amata, Aoga Tulagalua, a’o lea fo’i ua saunoa le Palemia, atonu e o’o atu i le tausaga fou, ua i ai ma le Kolisi. Ua matuā 100% fuafuaga fa’ata’atitia a le Malo mo si o matou fo’i nu’u aemaise o le vaai mamao i le manuia o nai a matou fanau.
O SOU MANATU?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Puletua Tapumanaia
60 tausaga o Tafa’igata
E lagona le loto fa’afetai ona o lenei atina’e ua fa’atuina e le Malo e fa’aāoga i ai fale o le falepuipui tuai. E leai se isi na mafaufauina o le a fa’atu se aoga i lenei nofoaga, ae o se tofā ma se fa’autautaga ua a’e i le Palemia ma le Malo, e lagona ai le loto fa’afetai. Ua tele lava atina’e ua fa’atino i lenei vaitau, e le gata o le fa’aliliuina o lenei nofoaga i tulaga o fa’asalaga aemaise o finagalo e toe suia le tagata tuai e avea ma tagata fou, a’o lea ua fai ma ‘ele’ele e a’oa’oina ai alo ma fanau, ina ia maua le poto ma le atamai mo le lumana’i.
E tofu ava le tagata ma ona lagona, atonu e alu alu lenei atina’e, e i ai le taimi o le Alii e lagona ai e le tagata le tāua o nei fale. O lea ua tatou molimauina le matagofie ua i ai lenei nofoaga, ina ua toe tapena ma teu e le Malo, ma le fa’amoemoe, o galuega uma e faia i totonu o lenei nofoaga, o le a atagia ai le fa’amoemoe o le Malo, mo le ola a’oa’oina o fanau, auā se lumanai manuia.
O aga masani ia a le tatou atunu’u, tatou te galulue mo le manuia o a tatou fanau. Tatou te talitonu i ai, auā o fanau ia o le a a’oa’oina i totonu o ia faleaoga, o le lumana’i lena o Samoa i aso o i luma. O tatou fanau tatou te fa’alagolago i ai, auā e uma atu tatou, ae fotua’i mai isi augātupulaga, latou te fa’aāogaina ia fale.
O SOU MANATU?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Mina Finau
75 tausaga Tafa’igata
Atonu o lagona lava ia o nisi o tagata, ona e ta’u loa Tafa’igata, e tasi lava le mea e oso mai lota mafaufau o le Falepuipui peita’i o lea ua tatou molimauina le fa’amoemoe o le Malo, e mo le manuia ma le lumana’i o fanau a Samoa. E leai lava se matua e lē mana’o e ‘ave sona alo i le aoga, ona o le vaitau lenei, e lē tatau ona toe nofonofo mātua i le ‘ave o fanau i le aoga. O lea ua alualu i luma le soifuaga, e le’o toe i ai Samoa i le mea sa i ai muamua, e tatau fo’i ona alualu i luma le ola a’oa’oina o fanau. A’o lea ua fa’atu e le Malo le aoga e fa’aāoga i ai fale o le falepuipui tuai, aisea e ala ai ona tu’u fesili ma manatu fa’apea isi tagata. O lea ua fa’amāmā avega mai le Malo mo matou o lo’o nonofo iinei, ma e lagona ai le agaga fa’afetai tele i le faigamalo o lo’o i ai nei, ona o le fa’ama’ite i mea lelei, o mea e manuia ai o tatou tagata, aemaise lava i tatou fanau.
‘Aua tatou te toe mafaufau i futia ua alu, ae ia tatou toa’aga e ‘ave a tatou fanau i le aoga, auā e lē tutusa pea aso uma. O le ā le finagalo o le Atua i ‘ai tatou, ae o lo’o lelei a’oa’oga a fanau e mafai ai ona sa’ili galuega e tausi ai latou ma latou aiga ma fanau i le lumana’i.
O a’u i le taimi nei e matuā lagona le fiafia ma le loto fa’afetai i le Atua, ona o lona agaga sa galue i le Matagaluega o Aoga ma le Malo e fa’atu se aoga i totonu o lenei nu’u. O le a faigofie mea uma, leai ni tupe e toe feoa’i ai pasi ma tama’i ta’avale e momoli ai tamaiti aoga, maua ma le taimi e fai ai tiute fa’alēaiga pe a mae’a ona momoli tamaiti i le taeao, auā na’o le malama lava o le taeao tapena tamaiti momoli loa, ona toe aga’i lea o mātua i le fale, e fai feau masani ma fa’atali ai le taimi e toe piki ai le fanau pe a tuua le aoga.
O SOU MANATU?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Talaitupu Seti
51 tausaga o Tafa’igata
E momoli la’u fa’afetai i le Malo, ona o le tofā ua a’e e fa’aāoga le nofoaga o le fale puipui tuai e fa’atuina ai se aoga mo matou i uta nei. Ua leai se toe popole i se tupe e pasese ai fanau i le aoga.
Leai se popole i taimi e usu ai i le aoga, auā o lea la’a ala ane i le taeao, fai feau masani o le taeao, fai le meaai a tamaiti e ‘ave i le aoga, ae leai se popole o lea ua fai mai autafa o le matou fale le faleaoga. O se fa’amāmā avega tele lea mo matou, ona ua fia tausaga o feoa’i, ō atu i o, aga’i mai iinei, oka! tele tupe e alu, auā e fai o pasese i ta’avale, a’o meā’ai a nai fanau.
E i ai lo’u taofi afai o i ai se isi o manatu fa’apea, o lona uiga e lē alala iinei le matou nu’u, ona o le taimi nei, e na’o le agaga fa’agae’etia o lo’o matou lagonaina ona o lenei aoga fou ua fa’atuina nei. O le a lē toe i ai se popole i fanau teine, ona o lea ua mamao le nofoaga ua ave i ai le to’ese, auā o se tasi lea o popolega ia matou i lea taimi, o matou fanau teine aemaise lava i taimi e maua ai se fa’amatalaga i pagota sosola ‘ese ma le toese. Peita’i o lea ua ave’ese atu le falepuipui ma inei, lea ua pei le matou nu’u o se nofoaga e aga’i mai ai tagata tafafao, auā o lea ua tele lava nai atina’e mananaia a le Malo ma le aufai pisinisi i le atunuu lea ua i ai i lenei nofoaga pei o le fa’atuina o le Kolisi Maualuga mo le Matagaluega o Leoleo aemaise o le nofoaga a le Fiafia Park mo fanau a le atunuu.
O Sou Manatu?
O le nofoaga sa i ai muamua le falepuipui tuai i Tafa’igata, ua avea ma nofoaga e saili ai le lumana’i ma le fa’aeaina o fanau lalovaoa a Samoa, ina ua fa’atuina ai e le Malo le Aoga a le St. Paul Academy.
Ua i ai nisi manatu latou te le’o talia gofie le fa’atuina o lenei aoga fou ona o le vaai o le nofoaga sa i ai muamua le to’ese peita’i o se fa’amāma avega lea mo aiga i lea vaega o Upolu, auā fanau mo a’oa’oga.
Sa fesiligia nisi o le mamalu o le atunu’u o lo’o ao’oga a latou fanau i lea aoga i so latou finagalo fa’aālia ona o ia lagona o isi tagata.
Ana Toomalatai
48 tausaga o Tafa’igata
E tonu le tagata i ona manatu ma manatunatuga o lona loto. A’o lo’u talitonuga i le fa’amoemoe o le Malo ua ala ai ona fa’aāoga le nofoaga sa i ai muamua le falepuipui tuai e fai ai aoga, ona o le matou nu’u nei, ua to’atele aiga ua nofoia fanua ma ua to’atele fo’i a matou fanau. O le galuega tele lea i taeao uma, o le usupo e momoli tamaiti i Vaitele, i le Aoga Tulagalua a Vaitele – Uta. A maitau mai la, e fai o pasese totogi i ta’avale laiti e feoa’i ai, auā e leai se pasi e alu atu sa’o iinei i Tafa’igafa e alu sa’o i Vaitele, e na’o le aga’i sa’o lava i Apia e fa’atali ai le pasi, ona aga’i ane ai lea i le aoga. O le galuega matua i aso uma, aso uma lava.
Ae silasila fo’i, e lē mafai ona tatou tu’u le galuega e tatau ona fa’atino, o le ‘ave o tamaiti i le aoga. Po’o fea lava le aoga e ave i ai, o le a le mamao, ae o le naunauta’iga, ia ‘ave a matou fanau i le aoga.
Ae fa’afetai i le Malo, o lea ua fa’aāoga le nofoaga sa i ai le Falepuipui tuai e fai ai aoga i totonu o si matou nu’u nei. Fa’afetai i le Matagaluega o Aoga, Ta’aloga ma Aganu’u mo le fa’autaga loloto, lea o le a manuia ai matou fanau ma maua ai se fa’amāmā avega mo matou.
