O SOU MANATU!
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Fepulea’i Tu’uese
62 tausaga o Toamua-uta
O itua’iga tagata fa’apenei e lē tatau ona talia i totonu o le atunu’u. O le tau fa’avalea ma le tau fa’asesē e le’o se mea lelei. Ua tatou iloa lelei le tigā o tagata ua a’afia i lea faiga lē alofa. Ou te tautala o lo’u uso o lo’o nofo i Tutuila sa a’afia ai fo’i. E le’o se itu lelei pe a va’ava’ai i le soifua o lo’o tatou ola ai, o lea e tau atia’e o tatou aiga, a’o lenei fo’i ua i ai ma ia ituaiga tagata mata’utia le sogasogā i uiga so’ona fai.
O lea ua a’apa le Malo mo le fa’atuina o lea vaega fa’apitoa, e tatau fo’i ona tagataga’i i se sala talafeagai e tu’u i tagata nei. Auā e i ai lo’u talitonuga, e lē muta le latou galuega pe afai e māma le sala e tu’u i ai, ae a tu’u i ai se fa’asalaga e iloa e mafai ona liliu ai, ona manaia lea.
Ae talosia o avatu e le Koviti – 19 ia ituaiga tagata taufa’avalea. Ae talosia fo’i e leai ni tagata Samoa o fesoasoani i le fa’atinoga o lea galuega leaga.
O SOU MANATU!
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Iefata Ioapo
56 tausaga o Tanugamanono
O lenei mataupu ua leva tele. O le uiga o la’u tala, ona o a’u le isi tagata sa a’afia ai i le galuega fa’asolitulafono lenei. O tagata nei e faia ia galuega, o le matua’i lē alolofa lava. O la’u tatalo, talosia e leai ni tagata Samoa o latou faia, auā e i ai lo’u taofi, afai o i ai, o lona uiga e le’o ni tagata Samoa ia tagata. Leiloa pe ‘ese ni paneta e omai ai.
O le tolu po’o le fa tausaga talu ai, e tusa ma le $1,500 la’u tupe sa gau i le tulaga lea. O le tama a lo’u tuafafine sa faigaluega i se tasi o kamupani i totonu o le atunu’u, na sau ia te a’u mo se tupe se’i fa’aāoga ma le fa’amatalaga e toe sau i le afiafi pe a ta le tolu (3) po’o le fa (4) fo’i, e totogi mai la’u seleni.
O lea ou te manatu, o se loan a le teine o lo’o mo’omia ai se tupe e totogi ona fai lea ae toe maua mai. E po lava le aso, e le’i sau lava e toe fa’afo’i mai le tupe, na i’u na ou vili i lo’u tuafafine ma ou talanoa i ai, po’o fea le teine o lea na sau avatu le tupe e fa’aāoga ma le tala e sau e toe fa’afo’i mai le tupe, a’o lea ua fiu e tatali. O i nā ou maua ai fa’amatalaga i le lalolagi lea ua o’o i ai la’u tupe. Ua o’o ai lava ina fai loan ona o le mafaufau fo’i lea, e sili atu le tele o le tupe e maua mai nai lo le tupe lea la’a ave. O le mea na tupu, ua faitau masina, o tausaga e leai lava se tupe ua maua, a’o lea ua gau atoa atu ai ma la’u tupe ona o faiga taufa’asesē nei.
O le uiga o la’u fa’amatalaga, o lea e pei e aga’i le galuega fa’asolitulafono lea, i le tupulaga, po’o i latou fo’i e leai se latou malamalama i ituaiga galuega nei. E pau lava le faiga e fai i tagata nei, o le matua’i tu’u ai lava o le ta, auā fai mai le upu, e lelei le tu’u o le ta i le tua o le vale. Atonu o lea faiga, e ono fa’asagatonu ai ma liliu o latou mafaufau, ae a fai e leai, e sili ai le ‘ave e solo atoa i le falepuipui, o ituaiga tagata na e le’o toe mo’omia i luga o le fogā’ele’ele.
O SOU MANATU!
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Maiava Vilo
60 tausaga mai Si’usega
O la’u tatalo, talosia e le’o i ai se tagata Samoa o a’afia i faiga taufa’avalea nei. O le taimi nei ia Samoa, o lea tatou te galulue e atia’e o tatou aiga, nu’u, ekalesia aemaise o le atunu’u, mo le aga’i i le lumana’i. O lea fo’i o lo’o galulue le Malo e fa’atu se vaega fa’apitoa, o se galuega talafeagai, ona ua to’atele le au taufa’avalea ma i latou o lo’o aumaia fa’amatalaga sesē ua se’etia ai nisi o le atunu’u.
I lo’u taofi i lenei mataupu, e leai se faiga fa’apitoa e fai i ituaiga tagata nei pe a maua, o le falepuipui lava lona tali. A solo atoa i le falepuipui, o le tali lena, ma o iina fo’i, e ta’u atu ai i isi tagata o lo’o latou faia lea galuega, o le i’uga lava lea e tasi e o’o i ai pe afai e maua o fa’atino lea tulaga. E i ai lo’u talitonuga ua i ai nisi o le atunu’u ua a’afia i nei faiga lē alofa, ae talosia ia aogā le fa’atu o lea vaega fa’apitoa, e maua ai i latou o lo’o fa’atino nei ituaiga pisinisi.
Atonu o lea fo’i vaega fa’apitoa, o le a malu ai feso’ota’iga a le atunu’u, auā o ai na iloa, po’o o’u talanoa atu i la’u fanau i atunu’u i fafo, a’o lea e fa’alogologo mai, ae afai e lafo mai se tupe, e i’u na fai e nei tagata se auala leaga latou te ‘ave fa’asolitulafono ai seleni a le atunuu. O galuega leaga a i latou e popoto e fai, ona ua leva ona latou faia, ae o tatou o lea fa’atoa tatou iloa.
Pau le tatou galuega e fa’atino ia tatou mataala i taimi uma. Ua tatau fo’i ona fa’atino ni a’oa’oga e aga’i ai i nu’u i tua, e fa’ailoa ai tulaga ia, auā e i ai nisi o le atunu’u e va’ai atu loa i se tala tusitusia o sau i le telefoni, o oe lea ua manumalo i le fia miliona, oso loa le mimita ma musu e fesili i se isi e iai sona tomai fa’apitoa i ia ituaiga auaunaga, a’o lea la’a alu lava e taumafai e fa’atino, ina ia maua mai le seleni o lo’o fa’ailoa mai e le tagata taufa’avalea. O le ala lea e tāua ai tele le fai o ni fa’alauiloa i luga o televise fa’asalalau, o nusipepa ma leitio ina ia silafia lelei e le atunu’u le a’afiaga e ono tupu mai.
O SOU MANATU!
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Lupe Aitu
50 tausaga o Samusu
E momoli la’u fa’afetai i le Malo pe afai ua a’e se tofā e fa’atu se vaega fa’apitoa, latou te mata’ituina vaega ia. O le tulaga lea ua i ai le tatou atunu’u, ua matua’i to’atele le au taufa’avalea ma le au taufa’asese. O nei fo’i faiga e fai e nei tagata, e i ai lava lo’u talitonuga e i ai fo’i tagata o le tatou atunu’u o lo’o i ai totonu o le vaega lea. E fai la’u tala, ona o le vaitau tonu lava lea sa agiga ai i luga o le ea fa’amatalaga e uiga i le pisinisi o le One Coin, o se tasi o matou aiga o lo’o aumau i Tutuila sa a’afia ai.
O le fa’amatalaga e fa’apea, e kuata miliona le tupe e maua, pe afai e totogi le $650 tala Amerika. E o’o mai i le taimi nei, e leai ma se tupe ua toe maua. Sa matua’i gau leaga le matou aiga i Tutuila ona o nei faiga lē alofa. Na afua lea tulaga, ona o feso’ota’iga i luga o telefoni. O lea e feso’ota’i mai aiga ma feasiasia’i e fa’aāogaina ai auala o feso’ota’iga fa’atekonolosi, a’o lea fo’i ua omai ai ma le au taufa’avalea e fai fo’i le latou galuega.
Ae manaia le fuafuaga lea a le Malo, o se galuega ua leva ona tatau ona fa’atu pe a fuafua i le to’atele o le atunu’u ua a’afia ona o nei faiga taufa’avalea. I lo’u manatu i tagata nei pe a maua, o le ‘ave i Tanumalala e va’ai se fanua vaofefe, e vele vao ai ma avane ni vaofefe e sasa fa’ata’avalevale ai. E ma’imau ai o tatou taimi e fa’asagatonu ai ia ituaiga tagata, auā ua suamalie le ola taufa’avalea.
O SOU MANATU!
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Kalapu Aliifaalogo
46 tausaga o Faleapuna
O feso’ota’iga i le va o tagata o se mea e aogā tele, aemaise lava lenei vaitau o le fa’ama’i o le Koviti – 19, o lea tatou te feso’ota’i ai i aiga o lo’o i atunu’u i fafo, po’o a mai i latou i le fa’ama’i. Peita’i o lea fo’i ua aliali mai ai ma nisi o mea e lē talafeagai, i le fa’aaogā sesē e isi tagata o lo’o fai a latou pisinisi taufa’avalea, e fa’asesēina ai le atunu’u.
O Tanumalala lava le tali o ituaiga tagata ia. Auā e ma’imau le taimi tatou te talanoa i ai i tagata nei, e faigata ona sao se fautuaga, ona ua malosi le tupe. Pau le mea e fai, o le fa’anofo i le potu pogisa i le to’ese i Tanumalala, ae fue i lau ta’amu ia matua’i iloga na papala, atonu e a’oa’ina ai le mafaufau. Ae a leai, e sili loa le fa’anofo fa’asoloatoa i le falepuipui, se’i fai fo’i se ai o lena soligatulafono, ona a tatou mafaufau fa’aletagata lava i ai, e leaga lava le mea e ese le tigā, o le taumafai atu e atia’e aiga, ae sau ma le taufa’avalea, alu atu i ai seleni, ae pagātia ai le tausiga o fanau ma le aiga.
Pau le mea, talosia ae maua, ae talosia fo’i e leai ni tagata o tatou o faia lea galuega matagā. Ae a fai o i ai nisi o tatou tagata o faia ae maua, e sili ai na ‘ave e fa’anonofo i se nu’u po’o se motu tu’ufua, ina ia ‘aua ne’i tatou vaai atu i ai.
Ua i ai nisi o le atunu’u ua a’afia ona o faiga fa’asolitulafono i tulaga tau feso’ota’iga, e pei ona i ai le spams o scams lea e fa’aseseina ai le tele o tagata.
Peita’i o lea ua a’apa le Malo e fa’atu se Vaega Fa’apitoa latou te mata’ituina faiga ma gaioiga fa’asolitulafono nei, ma mata’itu le malu puipuia o feso’ota’iga a o tatou tagata e le gata mo atunu’u i fafo, ae fa’apea fo’i i totonu o Samoa lava ia.
Na fesiligia le mamalu o le atunu’u i so latou finagalo fa’aālia, i se fa’asalaga e fa’asalaina ai latou nei pe afai ae maua?
Nesa Aisa
56 tausaga o Nofoali’i
Ua talafeagai lelei le fuafuaga a le Malo mo lea vaega fa’apitoa, ona ua to’atele nisi o le atunu’u ua a’afia i nei faiga fa’asolitulafono. O lea fo’i ua tatou molimauina le saoasaoa o le fa’aāogaina e le atunu’u o feso’ota’iga tau tekonolosi, ua tatau fo’i ona mata’itu vaega ia, ina ia tau mamao ‘ese ma tatou.
O SOU MANATU!
E i ai lo’u talitonuga o ituaiga tagata fa’apea, e leai lava se galuega tele e fai i ai pe a maua. A maua loa, na’o le aumai lava togi i totonu o le sela e nofonofo ai mo le olaga atoa. Auā e ma’imau fua le taimi o Fa’amasino e fai ai fa’amasinoga, e lē mafai ona lagona se salamō ona ua suamalie le maua o tupe mai galuega ‘ele’elea. E manaia fo’i ae toe fa’amalosia ma le sasa lea sa sasa ai pagota i aso ua tuana’i, e fa’ata’ita’i ona sasa ai tagata ia, po’o le a se latou lagona, auā a latou lagona le tigā, e fa’apena fo’i le tigā o tagata na fai i ai le latou taufa’avalea.
Talosia e le’o i ai i totonu o le vaega lea, nisi o le tatou atunu’u. Auā tatou te le’o iloa po’o a’afia ai ma nisi o tatou atunu’u i le fa’atinoina o lea pisinisi taufa’avalea. Ona sa’o ai lea o le tala a le isi toeaina, “se ua ma’imau ai le ola a le Alii.”
