O SOU MANATU!
O le fa’atinoga o lau filifiliga o lou sao lena i le Faiga Palota tele a le atunu’u i le tausaga fou, a o le saolotoga foi lena i le tagata palota e fai ai lana filifiliga i le sui faipule ua mana’o i ai. E fa’apena foi le aia tatau a i latou e i ai a’afiaga tumau o le soifua e fa’atino ai lana filifiliga e aunoa ma se fa’alagolago i se isi. O le galuega lea o lo o fa’atino ma o lo o galulue fa’atasi ai le Komisi o Faiga Palota ma le Nuanua o le Alofa, e fai le auala fa’afaigofie e fa’aaoga e i latou e po le vaai e fa’atino ai lana palota. O le gagana patupatu o se tasi lea o gagana ua silafia e le to’atele o i latou e po le va’ai. Sa fesiligia ai nisi o le atunu’u aemaise i latou e po le vaai i se latou finagalo fa’aalia i le galuega o lo o faagasolo nei.
Puna Moeti
65 tausaga o Fagaloa
O se fuafuaga lelei ma manaia tele lea ua fa’atino e le Malo. O le fesoasoani foi lea mo i latou e i ai a’afiaga tumau o le soifua e ala i le po o le latou va’ai, o le fa’aaogaina o le gagana patupatu lea e fa’atino ai lana filifiliga i le taimi o faiga palota.
E i ai lo’u talitonuga ua matua’i talafeagai lelei le fa’aaoga o lea gagana, auā a silasila foi i le fa’atinoga o mea nei o palota, o lau etisi (x) e lē tatau ona iloa fua e le isi tagata le tagata ua e palota i ai. O se auala foi lea o le a tutusa uma ai tagata uma i le fa’atinoga o lau fa’ai’uga i le tagata o le a e palota iai e aunoa ma le fa’alagolago i se isi. Auā o le palota o le faiga filifiliga sa’oloto a le tagata, e le tatau ona fai fua e le isi tagata le fa’ai’uga a le isi tagata, e fai lava i lou loto atoa, o le tagata ua e mana’o e te palota iai.
Atonu o se fuafuaga lelei foi lea mo le aga’i luma ma le olaga o lo o tatou ola ai. Auā o le matou aiga e leai se isi e iai sona a’afiaga tumau o le soifua, ae oute talitonu, o le tatou sao lea, tatou te galulue fa’atasi ai ma i latou foi o lo o i ai a’afiaga tumau o le soifua i le fa’aaogaina o le gagana patupatu, auā e le gata mo tatou fanau i le taimi nei, ae mo taeao ma le aga’i atu i le lumanai. O ai e iloa atonu e o’o atu i nisi tausaga o i luma, ua tatou fa’aaogaina le gagana patupatu e aga tutusa uma ai le atunu’u i lana faiga palota.
O SOU MANATU!
O le fa’atinoga o lau filifiliga o lou sao lena i le Faiga Palota tele a le atunu’u i le tausaga fou, a o le saolotoga foi lena i le tagata palota e fai ai lana filifiliga i le sui faipule ua mana’o i ai. E fa’apena foi le aia tatau a i latou e i ai a’afiaga tumau o le soifua e fa’atino ai lana filifiliga e aunoa ma se fa’alagolago i se isi. O le galuega lea o lo o fa’atino ma o lo o galulue fa’atasi ai le Komisi o Faiga Palota ma le Nuanua o le Alofa, e fai le auala fa’afaigofie e fa’aaoga e i latou e po le vaai e fa’atino ai lana palota. O le gagana patupatu o se tasi lea o gagana ua silafia e le to’atele o i latou e po le va’ai. Sa fesiligia ai nisi o le atunu’u aemaise i latou e po le vaai i se latou finagalo fa’aalia i le galuega o lo o faagasolo nei.
Suapula Pio Seinafolava
49 tausaga o Lotofaga, Aleipata
E lagona le loto fa’afetai ona o le sao taua o le Malo, lea o lo o amanaia ai pea matou lea e i ai a’afiaga tumau o le tino. Ua tele galuega a le Malo ua fa’atino o lo o atagia mai ai le amanaia pea o le sao o tagata e iai a’afiaga tumau o le soifua i totonu o le atunu’u. O se mitamitaga fo’i lea i lo’u tagata, ona o le galuega ua fa’atino e fa’afaigofie ai ona fai a matou filifiliga.
O se galuega ua alagatatau, auā e ui lava ina matou fa’aaogaina nisi o matou aiga e fesoasoani ia matou i le taimi faiga filifiliga a le atunu’u, ae o le fa’aaogaina o le gagana patupatu, o se vaega tonu lea e patino lava ia matou lea e po le vaai i le taimi o le faiga filifiliga. Auā o le faiga o lau filifiliga o le aia tatau lena a ta ita, e pule fo’i la a’u i le tagata e ave iai lata ekisi, mo le fa’amaoni o faiga filifiliga a matou, o le faiga o lata ekisi o le mea lilo, e le tatau ona iloa e se isi le tagata o lea ta te palota iai. Ae fa’afetai tele i le Malo, aua o matou tagata e fai fale palota fa’apitoa matou te aga’i iai e fai ai a matou palota, ona o lo o naunau pea le Malo i le fa’atauaina o le aia tutusa o tagata uma i le fa’atinoga o le palota.
O SOU MANATU!
O le fa’atinoga o lau filifiliga o lou sao lena i le Faiga Palota tele a le atunu’u i le tausaga fou, a o le saolotoga foi lena i le tagata palota e fai ai lana filifiliga i le sui faipule ua mana’o i ai. E fa’apena foi le aia tatau a i latou e i ai a’afiaga tumau o le soifua e fa’atino ai lana filifiliga e aunoa ma se fa’alagolago i se isi. O le galuega lea o lo o fa’atino ma o lo o galulue fa’atasi ai le Komisi o Faiga Palota ma le Nuanua o le Alofa, e fai le auala fa’afaigofie e fa’aaoga e i latou e po le vaai e fa’atino ai lana palota. O le gagana patupatu o se tasi lea o gagana ua silafia e le to’atele o i latou e po le va’ai. Sa fesiligia ai nisi o le atunu’u aemaise i latou e po le vaai i se latou finagalo fa’aalia i le galuega o lo o faagasolo nei.
Vaaiti Ah Sang
58 tausaga o Nuusuatia
E taua tele le galuega o lo o fa’atino e le Ofisa o Faiga Palota e u’unaia ai pea le fa’amaoni i le fa’atinoga o lata palota. Auā o le faiga filifiliga a le atunu’u o se vaega e aia tutusa uma iai tagata ina ia fa’atino lata palota, e o’o lava ia matou lea e i ai a’afiaga tumau o le tino. O aso o tuana’i i le faiga filifiliga a le atunu’u sa i ai, e pei a o’o loa i le taimi o palota, ona ota vaaia lea o sui poo le komiti a a se sui tauva. Ae a fa’amaoni taita i le fa’atinoga o lata palota, e mafai lava ona tapa se fesoasoani a le leoleo o lo o gafa ma le va’aiga o le sologa lelei o se fale palota.
Ae fa’afetai i le Malo ma le tofā ua a’e e fa’atino ai lea fa’amoemoe, ina ua unaia pea le sa’oloto o lata filifiliga i le tagata o lo o ota mana’o iai. O se fa’amoemoe foi ua talafeuga lelei mo le aga’i i le lumana’i, ina ia tausisia ai pea le saoloto o i latou e i ai a’afiaga tumau i le soifua, e fa’atino ai a latou filifiliga sa’oloto e aunoa ma se tau fa’asino atu e le isi tagata. Auā o lau ma la’u filifiliga e patino lava ia oe ma a’u.
Auā afai tatou te mananao e lilo le faiga o tatou palota ina ia aua ne’i iloa atu e isi, o le mea lea e tatau ona fai. Sei vagana ai pe afai e fai so ta to’alua ma lata fanau, o tagata la ia te ia e mafai ona fesoasoani i le taimi lea. Ae mo le aga’i i le lumana’i, o le fa’afetai i le Malo mo le tofā tatala, ua fa’aauau ai pea le amanaia e le Malo o lagona ma manatu o i matou lea o lo o i ai a’afiaga tumau o le soifua.
O SOU MANATU!
O le fa’atinoga o lau filifiliga o lou sao lena i le Faiga Palota tele a le atunu’u i le tausaga fou, a o le saolotoga foi lena i le tagata palota e fai ai lana filifiliga i le sui faipule ua mana’o i ai. E fa’apena foi le aia tatau a i latou e i ai a’afiaga tumau o le soifua e fa’atino ai lana filifiliga e aunoa ma se fa’alagolago i se isi. O le galuega lea o lo o fa’atino ma o lo o galulue fa’atasi ai le Komisi o Faiga Palota ma le Nuanua o le Alofa, e fai le auala fa’afaigofie e fa’aaoga e i latou e po le vaai e fa’atino ai lana palota. O le gagana patupatu o se tasi lea o gagana ua silafia e le to’atele o i latou e po le va’ai. Sa fesiligia ai nisi o le atunu’u aemaise i latou e po le vaai i se latou finagalo fa’aalia i le galuega o lo o faagasolo nei.
Alapati Ah Sang
68 tausaga o Manono-uta
O se faiga aoga tele lea ua fa’ataoto e le Ofisa o Faiga Palota mo le aga’i i luma o i matou e i ai a’afiaga tumau o le soifua. O le tulaga lea e i ai, o le fa’amaoni lava i le faiga o lau filifiliga o le ki atoa lava lena o taumafaiga o lo o naunau i ai le Ofisa ma le Malo. Aua a silasila i aso ma faiga filifiliga a le atunu’u i tausaga ua tuanai, sa tele lava ina fa’aaoga ali’i malu o le Malo e silasila i le faiga o lata palota, po o sa’o le tagata lea sa maka. Ae mo le naunautaiga ina ia tau lava o ita e iloa le sui o lo o ota palota i ai, ua talafeuga lelei ai la le faiga lea.
Ina ia aua nei iloa atu fua e se isi le sui o ota palota i ai. Aua o lata palota, o le mea lena i le va o ita ma le Atua, na o a’u lava ma le Atua e iloa. Ae afai nei la e avatu se isi e fa’aaoga e fesoasoani i le faiga o lata palota, uma ane lea ua iloa e le isi tagata le sui o lo o ota palota i ai. O lea ua ou matua lava e le’o galo ia te a’u le gagana patupatu, aua o le gagana lea sa amata ona matou a’oa’oina mai i aso ua tuana’i, ona o a’u e po le va’ai, ma o le gagana lea pei sa ota fa’aaogaina i le faiga o ata lauga ma tulaga fa’apena.
Ae e i ai lou taofi, e manaia tele lea faiga mo le aga’i i le lumanai. O lea tatou te aga’i i le lumanai, atonu e i ai foi nisi tama fanau a le atunu’u e mo’omia lea faiga, ina ia mafai ai ona feso’ota’i e le gata mo i latou e i ai a’afiaga tumau o le soifua, a o i latou foi o lo o atoatoa le malosi, e feso’ota’i ai ma matou, ma atonu e fa’afaigofie ai nisi tulaga sa fa’afaigata.
O SOU MANATU!
O le fa’atinoga o lau filifiliga o lou sao lena i le Faiga Palota tele a le atunu’u i le tausaga fou, a o le saolotoga foi lena i le tagata palota e fai ai lana filifiliga i le sui faipule ua mana’o i ai. E fa’apena foi le aia tatau a i latou e i ai a’afiaga tumau o le soifua e fa’atino ai lana filifiliga e aunoa ma se fa’alagolago i se isi. O le galuega lea o lo o fa’atino ma o lo o galulue fa’atasi ai le Komisi o Faiga Palota ma le Nuanua o le Alofa, e fai le auala fa’afaigofie e fa’aaoga e i latou e po le vaai e fa’atino ai lana palota. O le gagana patupatu o se tasi lea o gagana ua silafia e le to’atele o i latou e po le va’ai. Sa fesiligia ai nisi o le atunu’u aemaise i latou e po le vaai i se latou finagalo fa’aalia i le galuega o lo o faagasolo nei.
Lumanai Talailemotu
35 tausaga i Leauvaa
O faiga filifiliga a le atunu’u i tausaga ua mavae sa fa’aaoga ai tagata o le matou aiga. Sa ou fa’aaogaina tagata ou te talitonuina i le fa’atinoga o le palota. A maea fo’i la ona fai la’u palota, ona ou talosaga lea i se isi o le Ofisa o Faiga Palota, po o se alii po o se tama’ita’i malu foi o le Malo e aga’i atu se’i siaki po o sa’o le tagata lea sa ou mana’o i ai ma le tagata lea e maka e le tagata sa ma ō e fai la’u palota. Sa i ai lava auala sa matou fa’aaogaina e fa’atino ai le matou palota, ona o se tasi lea o vaega e fa’afetaia ai le Ofisa o Faigapalota, ona o le amanaia mai o i matou lea e i ai a’afiaga tumau o le soifua, e fa’apito augafa se fa’amatalaga o matou lea e po le vaai. E lelei nisi o uso ma tuafafine lea e i ai a’afiaga tumau o le soifua, ae o lo o mafai ona silasila pe va’ai atu i le mea la e fai, a o matou nei e po le va’ai, o le auala lena sa i ai.
Peitai afai o lea ua fa’ataoto le tulaga lea e u’unaia ai pea le saolotoga o matou e fa’atino ai le matou palota, fa’afetai, i le Malo ona o le tofā e fa’atino ai lea auala. Auā mo se fa’ata’ita’iga tatou te va’ava’ai iai i le taimi nei, e i ai lava tagata a fai atu o taita ta te mana’o palota ia Simi, ae sau le tagata lea maka le tagata la e palota i ai. E pei o nisi ia o vaega e lagona ai le fa’afetai, ona o le fa’atauaina o le aia tatau a matou e po le vaai e fa’atino ai lava lata filifiliga sa’oloto e aunoa ma se fesoasoani mai o se isi tagata.
E eseese uma tagata ma o latou lagona, e eseese foi fesoasoani sa matou fa’aaogaina e fa’atino ai le matou filifiliga. Ae ua talafeuga lelei lea fa’amoemoe mo le aga’i i luma, ina ia fa’afaigofie ai mo matou e po le va’ai ona fa’atino le matou palota saoloto e aunoa ma se fa’alagolago i se isi.
