O SOU MANATU !
O le fa’amanatuina o le Teuila o lenei tausaga 2020, o le a lē fa’ataunu’uina ai e pei ona masani ai i tausaga ta’itasi, e tumutumu ai le atunuu i le taulaga o Apia, e molimauina fa’afiafiaga ‘ese’ese mo lenei fa’amoemoe.
Peita’i o le a fa’aāogaina fa’afiafiaga o Teuila o tausaga ua mavae, e tu’ufa’atasia ai polokalame mo le fa’amanatuina o le Teuila o lenei tausaga ma fa’asalalauina i luga o televise ma leitio e fa’aāogaina ai auala o feso’ota’iga fa’aneionapo (Digital).
O le naunauta’iga atoa o le Malo, ia fa’amalosia pea tapu ma aulape o le Poloa’iga mo Fa’alavelave Tutupu Fa’afuase’i i Samoa, e puipuia ai Samoa mai le ono a’afia i le fa’ama’i o le Koviti – 19, e afua i le tumutumu o tagata i se nofoaga se tasi.
O le mau tauave a le Malo – “E sili le puipuia i lo le tau togafitia.”
Na fesiligia finagalo o nisi o le mamalu o le atunuu, e tusa ai ma lenei suiga ua fa’atino e le Malo?
Faleaana Fa’atutala Seve
57 tausaga o Satupa’itea ma Vaitele – Fou
E sili le puipuia nai lo le tau togafitia, o le mau tauave lea a le tatou Malo, o lo’o fa’aauauina pea, mo lo tatou soifua maloloina. E sa’o lelei lea mau, pe a tatou tilotilo i le vevesi o lo’o i ai le lalolagi ona o le Koviti – 19. Ae a Samoa, viia le agalelei ma le alofa o le Atua.
O le fa’asalalauina o polokalame o le Teuila i luga o televise e fa’aāoga ai fa’afiafiaga o Teuila i tausaga ua mavae, o se fa’ai’uga ua talafeagai. E leai se aogā e naunau ai e fa’amanatu nei aso fa’apitoa, ae alia’e mai ai se fa’ama’i tatou te le’i talitonuina e tupu ma sosolo mai ai le vairasi o le Koviti – 19.
Fa’afetai i le Malo i le tofā ua a’e e fa’aāoga televise ma ofisa fa’asalalau e fa’asalalauina ai aso fa’apitoa fa’apenei, ona o le vaai alofa i le Soifua Maloloina o tagata uma. E i ai lo’u talitonuga ua talafeagai lelei le fa’ai’uga a le Malo, auā e fai aso le Alii, o lo’o i ai isi tausaga o i luma e mafai ai ona tatou fa’ataunu’u le fa’amanatuina o ia aso fa’apitoa, ae mo le taimi nei, e tāua le tatou onosa’i. Ia tatou fa’amasani i le nonofo lelei i le fale, fa’aāoga lena taimi e totō ai se fa’i po’o se talo e tua i ai aiga, auā e le’o iloa po’o afea e uma ai lea fa’ama’i, ae lelei lava le tapenapena mamao ma mataala i taimi uma.
O SOU MANATU !
O le fa’amanatuina o le Teuila o lenei tausaga 2020, o le a lē fa’ataunu’uina ai e pei ona masani ai i tausaga ta’itasi, e tumutumu ai le atunuu i le taulaga o Apia, e molimauina fa’afiafiaga ‘ese’ese mo lenei fa’amoemoe.
Peita’i o le a fa’aāogaina fa’afiafiaga o Teuila o tausaga ua mavae, e tu’ufa’atasia ai polokalame mo le fa’amanatuina o le Teuila o lenei tausaga ma fa’asalalauina i luga o televise ma leitio e fa’aāogaina ai auala o feso’ota’iga fa’aneionapo (Digital).
O le naunauta’iga atoa o le Malo, ia fa’amalosia pea tapu ma aulape o le Poloa’iga mo Fa’alavelave Tutupu Fa’afuase’i i Samoa, e puipuia ai Samoa mai le ono a’afia i le fa’ama’i o le Koviti – 19, e afua i le tumutumu o tagata i se nofoaga se tasi.
O le mau tauave a le Malo – “E sili le puipuia i lo le tau togafitia.”
Na fesiligia finagalo o nisi o le mamalu o le atunuu, e tusa ai ma lenei suiga ua fa’atino e le Malo?
Soifua Auapaau Kerisiano
60 tausaga o Salua Manono – Tai
E i ai lo’u taofi ua matuā 100% le fa’ai’uga a le Malo i suiga o le fa’amanatuina o le Teuila i lenei tausaga. O suiga lelei mo le saogālemu ma le malu puipuia o soifua o le atunu’u. O lea e feagai le lalolagi ma le fa’ama’i ‘oti, e fa’afetaia ai pea le alofa ma le agalelei o le Atua auā o lo’o malu puipuia pea Samoa.
E ui e le’i o’o mai lenei fa’ama’i i le atunuu, ae o le mataala o le itu pito sili lea ona tāua. Tatou te mataala i so’o se taimi, po’o a lava fa’ai’uga e fai, o inā e atagia ai le alofa moni ia Samoa ma ona tagata. Tatou puipui i le so’ona potopoto i nofoaga fai tele, auā e leiloa lava mea e tutupu, aemaise lava totonu o le taulaga, i le tele o le mau ea ‘ese’ese. A’o le tāua o le fa’ai’uga a le Malo, tatou te puipui ai o tatou tagata, ina ia tumau pea le saogālemu o Samoa mai le Koviti – 19.
Matagofie le polokalame ua fa’ata’oto mai mo le fa’asalalauina o le Teuila o lenei tausaga, tatou te matamata atu ai, auā leiloa pe sau ai ma se fa’afiafiaga o aso ia, sa ou auai ai. Tatou tausisi i lo tatou soifua maloloina, ina ia sa’oloto Samoa mai lea fa’ama’i leaga ua fano ai le fia afe o Soifua o tagata mai atunuu ‘ese’ese i le lalolagi.
O SOU MANATU:
O le fa’amanatuina o le Teuila o lenei tausaga 2020, o le a lē fa’ataunu’uina ai e pei ona masani ai i tausaga ta’itasi, e tumutumu ai le atunuu i le taulaga o Apia, e molimauina fa’afiafiaga ‘ese’ese mo lenei fa’amoemoe.
Peita’i o le a fa’aāogaina fa’afiafiaga o Teuila o tausaga ua mavae, e tu’ufa’atasia ai polokalame mo le fa’amanatuina o le Teuila o lenei tausaga ma fa’asalalauina i luga o televise ma leitio e fa’aāogaina ai auala o feso’ota’iga fa’aneionapo (Digital).
O le naunauta’iga atoa o le Malo, ia fa’amalosia pea tapu ma aulape o le Poloa’iga mo Fa’alavelave Tutupu Fa’afuase’i i Samoa, e puipuia ai Samoa mai le ono a’afia i le fa’ama’i o le Koviti – 19, e afua i le tumutumu o tagata i se nofoaga se tasi.
O le mau tauave a le Malo – “E sili le puipuia i lo le tau togafitia.”
Na fesiligia finagalo o nisi o le mamalu o le atunuu, e tusa ai ma lenei suiga ua fa’atino e le Malo?
Peinuu Tali
65 tausaga o Neiafu ma Nu’u – Fou
Afai tatou te fia maua se Samoa saogālemu ma le filemu, ona tatou usitaia lea o le fa’ai’uga ua fa’ai’ugafonoina e le Malo. Tatou te lē fia pei o atunu’u i fafo o lo’o a’afia i le Koviti – 19, e momomo le loto pe a matamata atu i le televise i fa’asalalauga i le fia afe o tagata ua a’afia ma maliliu. Tatou te fa’afetaia le alofa ma le agalelei o le Atua o lea lava e saogalemu Samoa i ona aao alofa.
E leai lava se uiga tatou te fa’amanatu ai ia aso fa’apitoa, ae lilo i manatu o i o le a auala mai ai le fa’ama’i. Fa’afetai i le Malo pe afai o lana fa’ai’uga lea, ne’i tatou naunau i le i’a ae ma’imau ai le upega.
Atonu e o’o atu i le tausaga fou i le alofa o le Matai Sili, ua tafiesea le fa’ama’i o lo’o vevesi ai le lalolagi, ma maua se laolao tatou te toe fa’amanatu ai nisi aso fa’apitoa fa’apenei e pei ona masani i tausaga ta’itasi. E sili lava le galulue fa’atasi ma le Malo, auā e le talanoa nisi ma mea e tutupu, e leiloa fo’i le ta’aviliga o le lalolagi. Ia tatou nonofo tapenapena ma sauni, auā tatou te le’o iloa po’o ua maua se vai fofō o lea fa’ama’i, e lelei lava le tupu ane o pefea, ae ua nofo sauni fo’i tatou ma masani i auala e fai e puipuia ai tatou lava.
Tatou fa’amasani i sauniga e fa’asalalau mai luga o televise ma leitio. Maua foi sia avanoa e talatalanoa ai ma le aiga ma matamata fa’afiafiaga o le Teuila, a’o la e sefe mai le tele o fa’ama’i, ne’i mea ane ua le Koviti – 19, ae ‘ese se isi fa’ama’i e maua ai, talu ai le so’ona tumutumu i nofoaga o lo’o i ai tagata e to’atele.
O SOU MANATU:
O le fa’amanatuina o le Teuila o lenei tausaga 2020, o le a lē fa’ataunu’uina ai e pei ona masani ai i tausaga ta’itasi, e tumutumu ai le atunuu i le taulaga o Apia, e molimauina fa’afiafiaga ‘ese’ese mo lenei fa’amoemoe.
Peita’i o le a fa’aāogaina fa’afiafiaga o Teuila o tausaga ua mavae, e tu’ufa’atasia ai polokalame mo le fa’amanatuina o le Teuila o lenei tausaga ma fa’asalalauina i luga o televise ma leitio e fa’aāogaina ai auala o feso’ota’iga fa’aneionapo (Digital).
O le naunauta’iga atoa o le Malo, ia fa’amalosia pea tapu ma aulape o le Poloa’iga mo Fa’alavelave Tutupu Fa’afuase’i i Samoa, e puipuia ai Samoa mai le ono a’afia i le fa’ama’i o le Koviti – 19, e afua i le tumutumu o tagata i se nofoaga se tasi.
O le mau tauave a le Malo – “E sili le puipuia i lo le tau togafitia.”
Na fesiligia finagalo o nisi o le mamalu o le atunuu, e tusa ai ma lenei suiga ua fa’atino e le Malo?
Paeva Faga Sialii
60 tausaga o Falevao
Ou te matuā lagolagoina le finagalo o le Malo i le fa’asalalau o polokalame o le Teuila i televise. Auā e ui e le’i o’o mai le fa’ama’i i Samoa, ae talitonu, o se fa’ai’uga ua alagatatau.
O a’u sa ou galue i le falema’i, o le tele o polokalame sa fa’agasolo e pei ona fetu’una’i e le Matagaluega o le Soifua Maloloina ma ali’i ma faipule o nu’u ma afio’aga, o le taumafaiga lava ia mausalī le silafia o tatou tagata i puipuiga. E leai se aogā tatou te naunau ai e fa’amanatu vaega ia, ae avea ma ala e osofaia ai tatou e le fa’ama’i. E lelei pea lo tatou nofo sauniuni ma tatalo, ina ia sao Samoa mai lenei fa’ama’i mata’utia.
Fa’afetai fo’i i se tofā ua a’e i le Malo, ona o lo’o ‘ave pea le fa’amuamua i le soifua maloloina o tagata uma, e ui o lo’o fa’atino pea fa’afiafiaga o tausaga ua tuana’i, e fa’aāoga ai Televise mo le fa’asalalauina e fa’amanatuina ai le Teuila o lenei tausaga 2020.
O SOU MANATU:
O le fa’amanatuina o le Teuila o lenei tausaga 2020, o le a lē fa’ataunu’uina ai e pei ona masani ai i tausaga ta’itasi, e tumutumu ai le atunuu i le taulaga o Apia, e molimauina fa’afiafiaga ‘ese’ese mo lenei fa’amoemoe.
Peita’i o le a fa’aāogaina fa’afiafiaga o Teuila o tausaga ua mavae, e tu’ufa’atasia ai polokalame mo le fa’amanatuina o le Teuila o lenei tausaga ma fa’asalalauina i luga o televise ma leitio e fa’aāogaina ai auala o feso’ota’iga fa’aneionapo (Digital).
O le naunauta’iga atoa o le Malo, ia fa’amalosia pea tapu ma aulape o le Poloa’iga mo Fa’alavelave Tutupu Fa’afuase’i i Samoa, e puipuia ai Samoa mai le ono a’afia i le fa’ama’i o le Koviti – 19, e afua i le tumutumu o tagata i se nofoaga se tasi.
O le mau tauave a le Malo – “E sili le puipuia i lo le tau togafitia.”
Na fesiligia finagalo o nisi o le mamalu o le atunuu, e tusa ai ma lenei suiga ua fa’atino e le Malo?
Viliamu Sio Mapusua
77 tausaga o Maagiagi
O le taimi iā tatou, ‘aua ne’i toe faia ni aso fa’amanatu e ono potopoto ai ni tagata to’atele i se nofoaga se tasi. Ua tatou va’ava’ai atu i luga o televise i tala mai atunu’u mamao, i le to’atele o tagata o la atunu’u ua ma’imau soifua i lea fa’ama’i, e lagona ai lava le vaivai o le loto.
A silasila fo’i i aiga o Samoa, o se aiga e tasi, e i ai le tinā ma le tamā ma le fanau, o fanau a fanau, o fanau a fanau a fanau. Pe tusa ma le tolu augā tupulaga o lo’o nonofo i le fale e tasi, o le faiga lava lea o aiga Samoa, pe to’atele lava i fea le fanau, o le itu pito sili ona tāua i le toeaina ma le lo’omatua, o le va’ai atu o lo’o mafuta fa’atasi. O ituaiga fa’ama’i fo’i fa’apenei, e tatau ona tatou fa’aeteete i ai, aemaise o lea e le’o mautinoa po’o ua maua se vailā’au e foia ai le siama. Afai nei ae o’o mai le fa’ama’i i Samoa, Talofa e, o le a leai se ‘ese’esega ma le fa’ama’i sa a’afia ai le atunu’u i le tausaga e 1918. O le a to’atele fo’i le atunu’u e a’afia, auā, afai e a’afia le tagata e to’atasi o se aiga, ae to’atele o lo’o nonofo fa’atasi, o lona uiga, e a’afia uma tagata o le aiga lea e tasi.
Ae fa’afetai i le Malo, ona o le tofā tatala ma le fa’autautaga loloto, ua fa’aāoga ai televise ma leitio e fa’asalalau ai fa’afiafiaga ma polokalame o ia aso fa’apitoa e pei fo’i ona i ai le fa’amanatuina o le 58 tausaga o le Tuto’atasi o le Malo o Samoa i lenei tausaga. Tatou fa’atāua ma fa’amanatu nei aso fa’apitoa e pei ona i ai le fa’asalalau i le televise, ae le’o aveesea ai lava le aano moni o lenei fa’amoemoe aogā, e ui ua i ai suiga.
FA’AMANATU LE 30 TAUSAGA O LE TEUILA I SAMOA
O le Ta’ita’i o le Malo, Tuila’epa Dr Sa’ilele Malielegaoi na avea ma Sui o le Kapeneta ma le Malo, e fa’aleoina fa’amanuiaga i le aulia o le 30 Tausaga i le Asō talu ona fa’ataunu’uina le Vaiaso o le Teuila e fa’atāua ma fa’atosina mai ai tagata tafafao maimoa mai fafo i Samoa.
O lenei fa’amoemoe ua fa’amanatu ma patipatia ai le sao o le Vaiaso o le Teuila, e ala i fa’afiafiaga fa’asamoa, ta’aloga fa’aleaganu’u ma fa’aāliga o measina a Samoa, auā le atina’e o tagata tafafao maimoa mai fafo (turisi).
O le Susuga i le Palemia na fa’apāiaina le Keke o le lenei aso tāua i le tala fa’asolopito o Samoa.
