E SESĒ, E LĒ MONI LOMIGA A LE SAMOA OBSERVER; PATELE PATOLO
Tusia: Tusiga Taofiga
E sesē ma fa’aleaga tagata tusitusiga ua lomia e le Samoa Observer e fa’aleaga ai le ta’uleleia o la matou Aulotu fa’atasi ai ma le auaunaga a le Matagaluega o Leoleo, o le fa’asa’oga lea mai le Ta’ita’i o le Ekalesia Katoliko i Vaiusu ia Patele Patolo Talo Matiasi.
Fa’ailoa e Patele Patolo i le feiloa’iga ma le Savali, e lē moni ia fa’amatalaga, e leai, leai, leai se Malu o le Malo, na o’o atu i le latou Ekalesia i le taimi atoa o le sauniga lotu i le Aso Sa, auā o ia na ta’ita’ia le Taulaga Paia o le Misasa i Vaiusu.
E leai fo’i nisi o le Ekalesia na taofia e Leoleo ma molia i le Tulafono ona ua soli aiaiga ma tapu o le Poloa’iga a le Malo.
O le ata fo’i sa pu’eina ma tu’uina i luga o le Nusipepa, e le’o Vaiusu na pu’e ai le ata, e le’o iloa e Patele po’o fea o Samoa sa pu’eina ai le ata lenei.
O le aotelega o lenei fa’asa’oga, silasila ane i luga o le Upega Tafa’ilagi Facebook Page a le Malo – Government of Samoa / Savali Newspaper, YouTube ma le Twitter o le a tu’uina atu ai le fa’atalatalanoaga a Patele Patolo Talo Matiasi ma le Savali.
https://www.facebook.com/watch/?v=308937056993365&extid=rekyx1tTZL9zZoSF
