O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Lauano Lui Toeave
60 tausaga o Leauva’a
Ua matuā talafeagai lelei le suiga lea ua folasia e le Malo, auā o nei suiga uma talu ona fa’amalosia le Poloa’iga o Fa’alavelave Tutupu Fa’afuase’i ona o le Koviti – 19, ua o gatasi ma le utiuti o le fa’asoa i le tulaga tau tupe, ona o le a’afia o galuega ma alamanuia sa maua ai a tatou seleni masani, e aofia ai ma fa’amomoli mai fanau ma aiga i atunuu i fafo.
I lo’u manatu, o lenei fa’amāma avega a le Malo, o se fuafuaga ua talafeagai lelei, auā a silasila i le tulaga o lo’o i ai galuega a fanau, e i ai nisi ua lē mafai ona toe faigaluega, e o’o lava i tatou aiga i atunu’u i fafo. Ae fa’afetai i le Malo ma le tofā ua a’e ina ia fa’atapula’a ai le aofa’i o tagata e auai i fa’alavelave. O lea ua manaia sia suiga fou, tatou fa’amasani ai fo’i, ma ave’ese ai le lagona fia tele o tatou tagata, i le so’ona naunau ia sili atu ona fa’alavelave i lo isi aiga, ae galo ai le tulaga pagātia o fanau e saili seleni e fa’atupe ai le mana’o tele o mātua i mea fai a aiga, ekalesia ma le nu’u, ma tula’i mai ai le tele o soligātulafono e i ai le lima tago’ese ma le gaoi (tulou).
Ia maua fo’i e le Ta’ita’i o le Malo aemaise o le Faigāmalo mafaufauga lelei, e fa’atino ai pea atina’e ma fuafuaga alualu mamao ua fa’ata’oto e manuia ai o tatou tagata i le lumana’i.
O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Faletoa Pogi Kelekolio
60 tausaga o Saleaumua, Aleipata ma Lotopuē
O le mataupu i le fa’amāma avega a le Malo, mo aiga i fa’alavelave tau maliu, saofa’i ma fa’aipoipoga ma isi, e ‘ese ma le tāua. O se suiga manaia ma lelei lea mo tatou uma. O se fa’amāma avega mo tatou aiga, aemaise a tatou fanau ma aiga i atunu’u i fafo o lo’o fesoasoani mai i le fa’atinoga o fa’alavelave nei. O tatou uma o tagata osi aiga, ae a fua i le a’afiaga o le lalolagi ona o le Koviti – 19, talofa e, le’o toe tutusa.
O le taimi fo’i nei ia tatou, ua tatau ona fai se suiga, i totonu o le matou nu’u, ua tapula’a tagata e auai i so’o se fa’alavelave. O se fa’ata’ita’iga o maliu, na’o le faifeau lava ma nai tagata e to’a 10 e auai, ma e sala le aiga pe afai e ‘ova atu ma le 10 tagata e auai. Mo sauniga lotu, e 100 lava le aofa’i o tagata, e fa’asala fo’i le ekalesia pe a ‘ova atu. O se suiga manaia lea ina ia tu’uitiitia ai le so’ona tumutumu o tagata i fa’alavelave, i mea ane na oatu e fai le fa’alavelave, ae tupu a’e ai se isi fa’ama’i fou, auā tatou te le’o iloa lava ta’aviliga o le lalolagi o lo’o i ai nei. Afai lava o lea fa’amāma avega e mo le manuia ma le filemu o le atunu’u, aisea e ala ai ona tu’u ae le fa’aauau ai loa e o’o i le fa’avavau.
O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Sam Tupai
55 tausaga o Vaivase – Uta
E 100% la’u lagolago i le Malo ma le fa’amāma avega lea ua fai mo le atunu’u atoa. E ui e le’i o’o mai le fa’ama’i i Samoa, ae ua manaia tele lea fuafuaga. Afai tatou te amanaia le finagalo o le Malo ua folasia, ua matuā sili atu lea ona faigofie mo tatou lava.
O le uiga o la’u fa’amatalaga, i le taimi nei, e i ai nisi o tatou aiga ua a’afia tulaga tau alāmanuia ona ua fa’aletonu galuega a nisi o aiga i atunuu i fafo sa fa’amoemoe i ai mo se seleni maua auā le tausiga o aiga i Samoa nei.
O le tu’uina mai o le fa’amāma avega a le Malo mo aiga i fa’alavelave fai, ua tatau ai ona tatou talisapaia ma le fiafia, auā e le’o toe tutusa le tulaga o le fa’asoa talu ona a’afia le lalolagi i le fa’ama’i. Tatou usitaia ma fai le mea e faigofie mo tatou uma. O tatou o tagata Samoa, e osi aiga uma tagata, e leai lava ma se isi e fa’ata’ata’a le mafaufau i le atina’ega o lona aiga, a’o le fa’amāma avega ua fai mai e le Malo, ua talafeagai lelei.
I lo’u taofi, a’o i ai Samoa i le Poloa’iga o Fa’alavelave Tutupu Fa’afuase’i, tatou talia nei suiga fou, o suiga lelei, a’o se fesoasoani sili fo’i lea mo aiga ta’itasi i taimi o fa’alavelave, ina ia tatou fa’atino le mea ua maua i lo tatou mafai, e aunoa ma le toe fa’alagolago i tatou fanau ma aiga i atunu’u i fafo.
O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Penelope Taufao
40 tausaga o Luatuānu’u
E lagona le loto fa’afetai i le Malo ma fuafuaga ua fa’ata’oto mo Samoa i lenei vaitau o le vevesi o le lalolagi i le Koviti – 19. Fa’afetai fo’i i le Malo ona o le tofā ua a’e mo lea fa’amāma avega ua fa’ata’oto mo aiga Samoa.
I lo’u manatu e uiga i le finagalo lenei o le Malo, ua talafeagai lelei lea mo tatou, e ui e le’i o’o mai le fa’ama’i i Samoa, ae o le a’afiaga o galuega a nisi fo’i o le atunu’u, e lagona ai le fa’anoanoa. O le taimi fo’i nei i o tatou aiga i atunu’u i fafo, tatou te alolofa fo’i i ai, auā e ui o lo’o a’afia atunu’u o lo’o aumau ai i le fa’ama’i, ae le’o tuua ai lava le tautua o lo’o fai mo aiga i Samoa nei.
Peita’i o le tapula’a o tagata e auai i maliu, saofa’i, fa’aipoipoiga ma isi, o se fa’amāma avega lelei lea mo Samoa atoa. Ua tatou iloa lelei le tulaga o Samoa i mea nei o fa’alavelave, ae fa’afetai o lea ua fa’ata’oto mai lea fesoasoani tele mo tatou. Ae tatou talosia ia, atonu e mae’a atu lenei fa’ama’i, ae tumau pea lea fa’amāma avega mo aiga ta’itasi.
O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Fipe Mautu Fou
48 tausaga o Sa’anapu
Ou te fa’afetai i le Atua ona o lo’o saogālemu pea Samoa mai le Koviti – 19. Ou te fa’afetai fo’i i le Malo, ona o le silasila mamao i le tulaga o lo’o i ai o tatou aiga i le taimi nei. O lea ua fa’alogologo atu i tala i luga o televise, leitio ma nusipepa e fa’apea, ua i ai nisi o le atunu’u ua a’afia le tulaga o alamanuia ona ua leai ni galuega, aemaise i latou o lo’o galulue i faletalimalo, falea’iga ma galuega tau le atina’e o turisi.
O le suiga ua i ai tatou talu ona amata le Poloa’iga o Fa’alavelave Tutupu Fa’afuase’i ona o le Koviti 19, matuā manaia lava. Ua tatou fa’afofoga i saunoaga a le Palemia i luga o televise ma leitio fa’asalalau i fuafuaga fa’ata’oto a le Malo e fesoasoani ai i le atunu’u, ou te lagona ai le agaga fa’afetai. O le fa’atapula’a o tagata e auai i sauniga o maliu, saofa’i, fa’aipoipoga ma isi fa’alavelave, o se fuafuaga ua alagatatau. O lea ua tatou molimauina a’afiaga o le fa’ama’i, e talitonu fo’i e i ai nisi o tatou aiga sa tatou fa’alagolago i ai i taimi o fa’alavelave ua a’afia le tulaga tau tupe ona o le Koviti – 19.
E i ai lo’u talitonuga o se fa’amāma avega talafegai lea mo tatou. O le taimi nei, a tutupu ni fa’alavelave, o a mea ua tatou maua, o lena, tatou fa’atino ai fa’alavelave, ae ‘aua tatou te toe tagi i nai fanau ma aiga i atunu’u i fafo, ona o la fo’i e tau totogi fanua ma pili o fale o lo’o nonofo ai. E lelei lava Samoa o lea e tele taumafa, auā e ala ona leai ni meaai a isi ona e lē galulue a’o lea e tele fanua tatou te aga’i ai e galulue ai ma fai ai fa’atoaga.
O SOU MANATU
O le fa’atapula’a o le aofa’i o tagata e auai i fa’alavelave e pei o maliu, saofa’i, fa’aipoipoiga ma isi, o le tasi lea o aiaiga ma tapu o le Poloa’iga a le Malo mo le puipuiga o Samoa mai le Koviti – 19.
O le naunauta’iga maualuga i le Malo, o le fa’amāma avega mo aiga uma i Samoa, aemaise i latou e vaivai le tamaoaiga, fa’apea i latou o lo’o fa’alagolago i tupe maua mai fanau i atunuu i fafo.
O le vaai mamao a le Malo, ia fa’amasani o tatou tagata i mea ua maua e o tatou lima, ma ia uma atu lenei fa’ama’i mata’utia, a ua fa’aauau ai pea i le lumana’i lenei fa’amāma avega ma aiga uma.
Ina ua fesiligia taofi o nisi o le atunuu, e uiga i lea fa’amāma avega a le Malo, ma na o latou fa’aālia ai e fa’apea;
Tuloa Tavita Logovae
74 tausaga o Fasito’o – Uta
Ua matuā sili atu le tulaga lea ua i ai aemaise le finagalo o le Malo e fa’aitiitia tagata e auai i sauniga fa’apea. O se fa’amāma avega lea mo aiga uma o Samoa. O lea ua aumai le finagalo o le Malo, ua fetaui lelei ma le tulaga lea ua i ai tatou ona o le fa’ama’i o le Koviti – 19.
Silasila i le taimi nei, pe na’o le 20 – 30 tagata e auai i saofa’i, maliu po’o fa’aipoipoga fo’i, o se fa’amāma avega lea mo aiga e patino i ai se fa’alavelave. E le’o toe tutusa uma aiga Samoa, o nisi o aiga sa saili fesoasoani i fanau ma aiga i atunu’u i fafo, peita’i ina ua fa’atino lenei fa’amoemoe, ou te momoli ai le agaga fa’afetai i le Malo. O lea e tele taumafa, tele ulu, tele fa’i, o fua o fa’a’ele’eleaga na foa’i mai e le Atua tatou te a’ai ai, a’o nai fanau ma aiga i atunu’u i fafo, o lo’o tau saili galuega mo se seleni maua auā le tausiga o ō latou aiga. Ia tatou fa’atāua le finagalo o le Malo, o a mea ua tatou maua i o tatou lima e fa’atino ai fa’alavelave, o lena, ae ‘aua tatou te tagisā i mea e le gafatia e lo tatou malosi.
Afai tatou te talia suiga lelei nei a le Malo, o le a lē toe tapatapa fo’i mātua i nai fanau i fafo mo le lafoina mai o seleni e fai ai fa’alavelave.
