O SOU MANATU!
Ua amata fausia fale o aiga e ala i le fesoasoani a le Malo, auala atu i le Faamama Avega lona lua (Stimulus package II), lea ua faamatu’u atu ai le $1 miliona Tala mo lea faamoemoe.
O le faalapotopotoga o le ADRA Samoa, ua gafa ma le faasoasoaina o nei fesoasoani ma le mata’ituina o le fausia o fale.
Na fesiligia ai e le Savali nisi o aiga ua o’o atu i ai lenei fesoasoani i so latou taofi e tusa ai ma lenei fa’amama avega ua fa’asafua atu mo latou.
Sani Toilolo
Aele
O le tausaga lenei sa matou nofoia ai lea nofoaga ma o le fale o lo’o matou nonofo ai ua na’o sina mea e mapu ai mo le taimi nei a’o tau suesue atu pea se fesoasoani mo se fale lelei. Peita’i ua vave mai le fesoasoani lenei a le Malo fa’aauala mai i le ADRA, lea ua fai ma fa’amama avega mo lo matou aiga.
O lea la e momoli ai le agaga fa’afetai tele i le Susuga i le Palemia ma le faigamalo e tusa ai ma lenei fesoasoani sili mo i matou nei. Fa’apito foi le agaga fa’afetai i le ADRA e tusa ai ma le fa’atinoina o lenei galuega alofa, ua matou aeae ai i ni fale lelei aemaise ai isi aiga ua fa’aleleia fale e nonofo ai.
O SOU MANATU!
Ua amata fausia fale o aiga e ala i le fesoasoani a le Malo, auala atu i le Faamama Avega lona lua (Stimulus package II), lea ua faamatu’u atu ai le $1 miliona Tala mo lea faamoemoe.
O le faalapotopotoga o le ADRA Samoa, ua gafa ma le faasoasoaina o nei fesoasoani ma le mata’ituina o le fausia o fale.
Na fesiligia ai e le Savali nisi o aiga ua o’o atu i ai lenei fesoasoani i so latou taofi e tusa ai ma lenei fa’amama avega ua fa’asafua atu mo latou.
Telesia Seumanutafa
Palisi
E le’i mafaufauina o le a amanaia lenei ‘aiga i lenei poloketi sili ma le taua. Ae o le agaga lava ia o le fa’afetai e le fa’aitiitia i le tatou Malo aemaise e sa fa’atinoina nei galuega lelei mo i matou nei o lo’o tau sue pea ni fesoasoani aua ni nofoa lelei ma saogalemu mo a matou fanau.
Fa’afetai le fesoasoani ma le agalelei mai i lenei aiga. E pei ona fai atu ile taimi ua sola, matou te le i mafaufauina o le a matou maua lenei fa’amanuiaga ae e fia fa’aleo le fa’afetai tele i le Malo aemaise le ADRA mo nei galuega lelei ma le fausia o matou fale.
O SOU MANATU!
Ua amata fausia fale o aiga e ala i le fesoasoani a le Malo, auala atu i le Faamama Avega lona lua (Stimulus package II), lea ua faamatu’u atu ai le $1 miliona Tala mo lea faamoemoe.
O le faalapotopotoga o le ADRA Samoa, ua gafa ma le faasoasoaina o nei fesoasoani ma le mata’ituina o le fausia o fale.
Na fesiligia ai e le Savali nisi o aiga ua o’o atu i ai lenei fesoasoani i so latou taofi e tusa ai ma lenei fa’amama avega ua fa’asafua atu mo latou.
Salevi Vili
Moata’a-Uta
O le aiga nei e leai se isi e faigaluega. E to’atolu la ma fanau, ma o fualaau aina ma mea toto o lo’o fesoasoani lea e maua ai tupe mo pasese o le fanau i lea aso ma lea aso i le aoga, aemaise le fai ai o mea’ai a le ‘aiga. O uso fo’i ma tuagane a lo’u toalua o lo’o aumau i atunu’u mamao, o le isi fesoasoani lea mo i matou.
O le fa’amama avega ua fa’amatu’u mai, ua avea lea ma fesoasoani sili mo i maua ma le fanau. O lenei fesoasoani ua mafai ai ona soso’o le isi pito o le matou fale sa fa’apea ona tau pa’u i lalo. O lea tulaga oute fa’afetai ai i le Atua ona o nei meaalofa ua fa’amanuiaina ai i matou. E fa’afetai atu ai i lo tatou Malo aemaise le ADRA mo le amanaiaina o lenei aiga vaivai i lenei poloketi fa’agasolo.
O SOU MANATU!
Ua amata fausia fale o aiga e ala i le fesoasoani a le Malo, auala atu i le Faamama Avega lona lua (Stimulus package II), lea ua faamatu’u atu ai le $1 miliona Tala mo lea faamoemoe.
O le faalapotopotoga o le ADRA Samoa, ua gafa ma le faasoasoaina o nei fesoasoani ma le mata’ituina o le fausia o fale.
Na fesiligia ai e le Savali nisi o aiga ua o’o atu i ai lenei fesoasoani i so latou taofi e tusa ai ma lenei fa’amama avega ua fa’asafua atu mo latou.
Tuimala Elisara
Palisi
E lagona a le loto fa’afetai ona o le fesoasoani ma le fa’amama avega ua fa’asafua mai mo i matou nei aiga lima vaivai. E momoli le fa’afetai sili i le Susuga i le Palemia aemaise le ADRA o lo’o fa’apea ona galulue i le fa’atinoina o lenei galuega alofa mo i matou.
O se mea sili lea i le ma aiga, o le maua lea o se nofoaga lelei e mapu iai maua ma le fanau. O le fesoasoani tele lea i le tama o le aiga aua ua na o ia o lo’o faigaluega i le taimi nei aua le tausiga o le aiga ma nisi o mea fai.
O SOU MANATU!
Ua amata fausia fale o aiga e ala i le fesoasoani a le Malo, auala atu i le Faamama Avega lona lua (Stimulus package II), lea ua faamatu’u atu ai le $1 miliona Tala mo lea faamoemoe.
O le faalapotopotoga o le ADRA Samoa, ua gafa ma le faasoasoaina o nei fesoasoani ma le mata’ituina o le fausia o fale.
Na fesiligia ai e le Savali nisi o aiga ua o’o atu i ai lenei fesoasoani i so latou taofi e tusa ai ma lenei fa’amama avega ua fa’asafua atu mo latou.
Itele Osa
Palisi
Sa taumafai a e suesue se fesoasoani e so’oso’o ai ma fa’auma le fale i le taimi muamua na matou taunu’u mai ai i le matou nofoaga fou. Ua na’o se mea tau ina mapu ai mo le taimi nei aua e le’i lava se seleni e fa’atino ai se galuega tele.
Pei’tai e momoli le agaga fa’afetai i le Palemia aemaise le Matagaluega o lo’o fa’apea ona fa’atinoina le galuega, mo le fa’amama avega ua faia mo i matou nei o aiga lima vaivai. E talitonu e le taugofie ma o le itu lea e lagona ai lava le loto fa’afetai aua ua na’o le tina o le aiga o lo’o fa’apea ona faigaluega ae e maua mai fo’i le tupe e le gafatia ai le tele o mea fai.
