Mataupu Eseese Tau Faigamalaga ao iai Samoa i Puipuiga mai le Faama’i o le COVID19
(OFISA OLE SO’OUPU); I lana Fonotaga o le Aso Lulu 9 Setema 2020, na talanoaina ai e le Kapeneta le Pepa PK(20)802 ma faamaonia ai e faapea:
1. Talosaga a le Malo o Tokelau
a) Le faafoi mai o tagata Samoa e toaono (6) o loo galulue i Konekarate fau fale ma tagata Samoa sa nonofo i Tokelau ae ua toe fia foi mai;
e) Le faasoasoaina o avanoa e malaga mai ai tamaiti aoga a Tokelau i repatriation flights mai Niu Sila ma malaga sa’o loa mo Tokelau pe a taunuu mai i Samoa.
2. Malaga Togipau a le Talofa Airways
a) Le malaga togipau a le Talofa Airways mai Faleolo-Niue-Nadi-Faleolo e momoli ai tagatanuu o Fiti i lo latou atunuu;
e) Faleolo-Nadi (toavalu (8) le pasese)
Nadi-Amerika Samoa (toaono (6) US nationals)
Amerika Samoa-Apia (toalua (2) pasese mai Fiti ma o tagata Samoa)
i) Le felauaiga o tagatanuu Kiribati i le va o ona motu;
o) Le faanofoesea o le pailate ma le auvaa pe a taliu mai i Samoa e tusa ma puipuiga o le COVID19.
3. Toe Aumaia o Tino Maliu i le Atunuu
a) Le auina mai o tino maliu e toaono (6) mai Niu Sila ma Ausetalia e aofia ai i latou nei:
i. Elisapeta I. Tanuvasa
ii. Aipopo Vaisola
iii. Fuamatu Suafai
iv. Vaetasi Mati
v. Asoono Ropeti
vi. Ken Lafo
vii. Etuati Jr Etuati
e) E lē aofia i le aumaia o nei tino maliu ni pasese ae faaaogaina pea faiga faavae o loo iai mo le toe faafo’iina mai o tagatanuu o Samoa;
i) Ia usitaia faiga faavae a le Malo mo le auina mai o tino maliu i le atunuu.
4. Malaga Togipau a le Air New Zealand mai Ausetalia
a) Le faamaonia o le faamalumaluga a le Malo o Samoa mo le faatupeina o le malaga togipau a le Air New Zealand i lona aofaiga e NZD$233,000.00 mo le aumaia o pasese mai Ausetalia ma nuu Asia o loo iai tamaiti aoga faassikolasipi e pei ona muai faamaonia e le Kapeneta;
e) Le faatino o tulaga masani o le totogiina lava e i latou o le a maua avanoa e malaga mai ai i lenei chartered flight o latou lava pasese, mo le toe faaolaina mai o tupe a le Malo.
5. Faatulagaga o Malaga a Vaalele
a) Le faagasologa o malaga ua faatulagaina mo le toe faafoiina mai o tagata i Samoa (repatriation flights) mo masina o totoe o le tausaga e pei ona auiliili atu i lalo:
i. Aso 2 Oketopa 2020 – Malaga Togipau mai Ausetalia mo tamaiti aoga mai Saina, Iapani ma Ausetalia, tagata o loo taofia i Ausetalia faapea sui o Malo ma Faalapotopotoga Faavaomalo e galulue i Samoa mai Saina ma Iapani;
ii. Aso 30 Oketopa 2020 – Malaga mai Niu Sila;
iii. Aso 28 Novema 2020 – Malaga togipau mai Los Angeles mo tagata o loo poloka i Europa ma Amerika;
iv. Aso 19 Tesema 2020 – Malaga mai Niu Sila;
v. Le faaauau pea o malaga mo uta (cargo flights) i vaiaso taitasi;
O le a taoto atu i le Matagaluega o le Va-i-Fafo ma Fefaatauaiga e faatinoina feutagaiga mo nei faigamalaga.
Ia tausisia tuutuuga ma aiaiga ua faataoto mo siaki faasoifua maloloina mo nei malaga.
6. Talosaga a Samoa i Malo Aufaatasi
a) Le tuuina atu o le talosaga a Samoa i Malo Aufaatasi mo le iai i totonu o le COVAX Facility o loo faamaopoopoina talosaga a atunuu mo le maua o vailaau (vaccine) e togafiti ai le siama o le COVID19.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
