E tusa ai ma le Poloaiga mo Fa’alavelave Tutupu Fa’afuase’i aemaise le malu puipuia o Samoa, e fautuina ai le mamalu ole atunuu, e lē o fa’atagaina so’o se tagata i nofoaga olo’o tā’ua i lalo:
• Malae Va’alele Fa’avā-o-Mālō i Faleolo (Aso 30 Oketopa, 2020 12.00 ile vaveao -12.00 ile po Aso 13 Novema 2020)
• Nofoaga o le a fa’anofoesea ai (Quarantine sites) i latou na faimalaga mai i atunuu mamao (30 Oketopa – 13 Novema, 2020)
Ua na o le aufaigaluega a le Matagaluega o Soifua Maloloina ma le Ofisa mo Fa’alavelave Tutupu Fa’afuase’i olo’o fa’atagaina i totonu o nei nofoaga mo auaunaga mo’omia.
Mo le silafia, o le solitulafono lou lē usita’ia o nei tu’utu’uga po o nei tapu, ma e ono fa’asalaina ai oe i lalo o Poloaiga mo Fa’alavelave Tutupu Fa’afuase’i 2020, po o le Tulafono Fa’afoega o Fa’alavelave Matuia ma Fa’alavelave Tutupu Fa’afuasei 2007.
E fa’amanatu atu o nei tapu ua faia ina ia malu puipuia le atunu’u lautele pe afai e iai seisi na malaga mai ae sa aumau pe ūia se nofoaga ua aafia i le faama’i o le Coronavirus.
E mana’omia la outou lagolagosua ina ia mafai ona faataunuuina ma le manuia lenei faamoemoe taua.
Fa’afetai
Agafili Shem Leo
Faauluuluga o le Ofisa o Fa’alavelave Tutupu Fa’afuase’i
