O SOU MANATU!
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Folasaitu Safia
60 tausaga o Tuana’i.
O le fesoasoani a le Malo o lo’o fa’agasolo nei, e ‘ese le telē o lona aogā ma lona tāua i totonu o aiga. A tatou tilotilo i le tulaga a’afia o atunu’u o le lalolagi, aemaise o a’afiaga o galuega i totonu o le tatou atunu’u, ona o le Koviti – 19, ona tatou fa’apea ane lea, fa’afetai i le Atua, i nei tupe ua auala mai le Malo e tausi ai o matou aiga ma fanau. E leai se isi i totonu o le atunu’u e i ai sana pusa tupe e tausi ai lona aiga. E o’o lava i tagata faipisinisi, o lo’o taumafai fo’i latou e atia’e pisinisi.
O lea fo’i ua tatou va’ava’ai i le tulaga a’afia o nai isi fanau ona o tulaga tau i galuega i totonu o faletalimalo, faleaiga ma isi, ona ua leai ni tagata tafafao mai fafo sa fa’alagolago i ai le tupe maua a ia pisinisi. E na’o tagata e tele tupe ma tele ana oa e mafai ona manatu i ituaiga manatu fa’apea. O masalosaloga fo’i nei, e masalosalo i ai tagata ua masani i ituaiga tupe e maua mai i faiga palota. A’o tatou lava ia e taumafai e tausi aiga ma fanau, ma tautua ekalesia ma nu’u, tatou te mo’omia ituaiga fesoasoani nei e pei ona taumafai i ai le Malo e tausi ai o tatou aiga.
Fa’afetai i le Atua o lo’o malutia pea Samoa i ona ā’ao alofa, ma fa’asaoina mai tatou mai le Koviti – 19. A’o a’afiaga o le fa’ama’i, lea e i ai le talitonuga, o le ala lea o le fesoasoani a le Malo. E i ai lo’u taofi, so’o se Malo lava, e tatau ona a’e le tofā e fa’atino ai se fesoasoani fa’apea mo ona tagata. E leai se Malo e fa’asamasamanoa le fa’atinoga o ana galuega ma ana fa’ai’uga fai.
E leai fo’i se Malo e tigā ona tilotilo atu o lo’o mo’omia mai e ona tagata lana fesoasoani a’o la lava e nofonofo. O tatou o tagata Samoa, tatou te tu tu fa’atasi, ae lē o le taumafai e fa’aleaga atina’e ma taumafaiga a le Malo o lo’o fa’atino mo le atina’e, aemaise fesoasoani mo aiga uma o Samoa.
O SOU MANATU!
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Paulila Tumua
48 tausaga o Magiagi
O le matuā telē lava o le fesoasoani lenei a le Malo isi o matou aiga. E to’avalu le aofa’i o si o matou aiga, ma o se tupe tele sa maua mai ai e fesoasoani i le tausiga o nai fanau ma aiga. E fa’afetaia ai le Malo ona o nei fesoasoani ua tu’uina mai mo tatou aiga, auā e i ai lo’u taofi o fa’amanuiaga le aumaua lea ua tatou maua. Tatou fa’afetaia laia o le alofa ma le agalelei o le Atua, ona o lana foai e ala mai i le Malo mo tatou aiga.
O a fo’i ni manatu ua fa’aālia e nisi o le atunu’u, ia e tonu lava le tagata ia i ona manatu. O le taimi nei, afai ua tatou maua sina fa’amanuiaga mai le Malo, ona tatou fa’apea ane lea, fa’afetai le Atua i lou agaga sa galue i Ta’ita’i o le matou atunu’u, lea ua matou manuia ai. E fa’anoanoa lava le loto pe afai o manatu ia o nisi. Ona o lea e taumafai le Malo e avatu fesoasoani e tausi ai aiga, a’o lea fo’i ua tatou fa’amasino le mafua’aga ua fa’asafua ai nei fesoasoani. Ia tatou talia fesoasoani ua tu’uina atu mo le tausiga o tatou fanau ma tatou aiga, auā o le Malo lea e aumai ai fesoasoani, o le Malo a tatou. O le Malo mo tagatanu’u o Samoa, e le fa’apea o tagata Samoa ae pulea mai e isi Malo. O le natura lava lea o le tagata Samoa, o le fa’amasino, ae i lo’u taofi, e leai lava se fa’amasino sili nai le fa’amasinoga a le Atua.
O tatou lea tatou te galulue i lalo nei, ae o lo’o silasila fofoga o le Ali’i i le tagata ma lana o lo’o fai. E leai la se aogā tatou te fa’amasino atu ai i le Malo i fesoasoani ua tu’uina mai, ae e tatau ona tatou mafaufau, o le taimi lenei i aiga, pau lea o le mea o la e fia maua, o le tupe e tausi ai aiga ma ‘ave ai fanau i aoga. Ua i ai aiga ua leai se tagata faigaluega, sa fa’alagolago i aiga i atunu’u i fafo, ae ua a’afia le tupe lafo mai, ona o a’afiaga o le Koviti – 19, ua a’afia ai ma o latou galuega. O le mea lea, ia tatou talia ma le loto fa’afetai mea ua tatou maua e tausi ai o tatou aiga, pe fesoasoani mai le Malo, po’o fa’alapotopotoga, ae fa’afetai o lea e maua fesoasoani mo aiga.
O SOU MANATU!
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Avia Petaia
43 tausaga o Leauva’a
Ou te fa’afetai la a’u i le Malo ona o le tofā na a’e e aumai ai lenei fesoasoani mo tatou aiga. Lenei vaitau ma le fa’ama’i o lo’o vevesi ai le lalolagi, ua a’afia ai le tele o galuega a nai o tatou aiga i atunu’u i fafo sa fa’alagolago i ai nai o tatou aiga, a’o lenei ua maua sia fa’amanuiaga e tausi ai aiga ma fanau. O nei fesoasoani e tasi lava lona auga e fesoasoani ai i aiga, ona o le lima vaivai o lo’o i ai nei, fa’apea nisi o aiga ua a’afia le tulaga o galuega a nai a latou fanau ona o a’afiaga o le Koviti – 19. E fa’afetaia pea le alofa ma le agalelei o le Atua ia Samoa ma ona tagata, ona o lo’o malutia pea si o tatou atunu’u i ona a’ao alofa.
I lo’u taofi i manatu o nisi o le atunuu, e tusa o fesoasoani a le Malo o lo’o tufatufaina atu, e tonu lava le tagata i ona manatu. E leai se Malo e nofonofo ae le galulue mo ona tagata. Lea ua tatou molimauina le tele o atina’e ua fa’atino e le Malo, e lagona ai le fa’agae’etia, ona sa le’i i ai ni atina’e fa’apea i aso ua tuana’i. O lea tatou te aga’i i luma, o galuega fo’i ia e fa’atino e le Malo, e mo le aga’i i luma o tatou tagata. E i ai fo’i le talitonuga, o nei atina’e uma, e le’o faia e le Malo e manuia ai le Malo, o lea ua tatou fa’alogologo i ta’iala mo le atina’e o le atunu’u, o nei fuafuaga a le Malo e mo le manuia o tagata lautele. E uma atu tatou, fa’apea i latou o lo’o Ta’ita’ia le atunu’u, ae fotua’i mai le isi augātupulaga o le a latou fa’aauauina ma aogā i ‘ai latou nei atina’e.
E pei fo’i o totonu o tatou aiga, so’o se atina’e lava e taumafai le tamā ma le tinā e fa’atino, e tasi lava le auga, e mo fanau o lo’o fotua’i mai, ina ia aogā mo i latou. Atonu o le naunauta’iga fo’i lea o si o tatou Malo, ina ia fa’atino atina’e mo le manuia o tagata lautele, aemaise o tupulaga lalovaoa o Samoa. Ae tatou tu’u pea le tagata ia ma ona mafaufauga, auā e sa’o ai le isi lo’omatua, e toe fasia lava oe i ou mafaufauga.
O SOU MANATU!
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Senia Luka
58 tausaga o Aleipata
O manatu ma finagalo fa’aālia a tatou tagata e fa’atatau i le fesoasoani a le Malo o lo’o tufatufa mai, atonu o manatunatuga ia o latou loto. E tonu lava le tagata i ona manatu, ae lē mafai ona aumai manatu nei e atia’e ai aiga ma tausi ai fanau. Fa’afetai i le Atua e le’o afea Samoa i le fa’ama’i o lo’o vevesi ai le lalolagi ma ma’imau ai le fia afe o soifua o tagata o isi atunu’u. O fesoasoani a le Malo o lo’o fa’asafua nei, ou te lagona le loto fa’afetai, ona o le fa’atāua a le Malo ia tatou ma tatou aiga. E ui e le’i o’o mai lenei fa’ama’i ia Samoa, ae o lo’o aumai pea le fa’amuamua a le Malo i tatou aiga.
Fa’afetai tele lava i le Malo mo le seleni o lo’o tufatufaina mai mo tatou aiga. O a’u e to’a 10 le matou aiga, a fua mai la, e $500 le tupe atoa a lo’u aiga sa maua. O nei tupe, e leai lava se tagata e nofonofo maua lea ituaiga tupe, ai se’iloga ta te alu e fai se nonogatupe i se faletupe po’o se fale loan ona fa’atoa maua lea. O le uiga lava nei a o tatou tagata mai lava i aso ua tuana’i, e masalosalo solo le loto po’o fea e aumai ai lea mea ma lea mea. O le mea lea e i ai, e fiu le Malo e taumafai atina’e mo le aga’i i luma o le atunu’u, ae e i ai lava tagata latou te taumafai e fa’alēaoga taumafaiga o lo’o taumafai i ai. O lea lava e ia tatou le tulaga lea, e va’ai atu loa ua lelei mai lea, e taumafai lava e fai se mea e titō ai lalo. A ia tatou manatua, e le’o le finagalo lea o le Atua.
O a fuafuaga alualu mamao a le Malo o lo’o taumafai e fai e fesoasoani ai i aiga ma le atiana’e o le atunu’u, ia tatou nofo tatalo ma tapua’i ina ia sao ma uli le fa’amoemoe, fo’i le viiga i le Atua. Auā e i ai lo’u taofi, o tatou fuafuaga uma, e fa’amoemoe tasi lava i le finagalo o le Atua, o tatou e na’o le fuafua, ae o le Atua na te fa’ataunu’uina. E o’o fo’i la i le fesoasoani lenei a le Malo, ua leva ona fuafua mai, a’o lea ua fa’ataunu’u ma maua ai le seleni e fesoasoani mo aiga, tatou viia laia o le agalelei o le Atua.
O SOU MANATU!
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Faiupu Fa’amanatu
50 tausaga o Vailele
O la’u fesili, aisea e ala ai ona tatou fa’amasino i fesoasoani a le Malo ua tu’uina mai mo tatou aiga? O lea ua silafia e Samoa atoa le auga ma le fa’amoemoe o le Malo e fa’asafua mai ai lenei seleni, o fesoasoani mo aiga ona o a’afiaga o le Koviti – 19, e ui e le’i o’o mai le fa’ama’i i Samoa, a’o lea e fa’atāua pea e le Malo ona tagata. O lea ua tatou molimauina a’afiaga o le Koviti – 19 i atunu’u o le lalolagi, aemaise lava atunu’u o lo’o i ai a tatou fanau ma aiga, sa fa’amoemoe i ai i seleni e lafo mai e fesoasoani ai i le tausiga o aiga. Ae fa’afetai i le Malo i le tofā ua a’e e tufatufa mai ai sina seleni e fesoasoani ai i tatou aiga. Pe $50 tala le tupe tatou te maua, ae fa’afetai o lea e fa’agasolo lava fuafuaga a le Malo ma tagataga’i mai i nai o tatou aiga, ma le tulaga o lo’o i ai.
Fa’afetai mo nei fesoasoani ua tatou maua e tausi ai aiga ma ‘ave ai nai fanau i aoga. Ae tatou tu’u le polokiki i tagata o lo’o taa’alo ai, auā e le faia mai e le Malo lau fa’ai’uga i le tagata e te palota i ai. Afai e te fa’amaoni i le tagata e te palota i ai, po’o fea lava le vaega fa’aupufai e tauva mai ai, o lau lena aiā tatau. O le tagata lava ia e talitonu e leai se mea e faigatā i le Atua, e lē ola masalosalo. Afai lava o lena ua mautu le tagata e te palota i ai, tusa lava pe fa’asafua mai fesoasoani a le Malo, ae a e fa’amaoni lava oe i lau sui tauva, e leai se mea o le a a’afia ai fua fesoasoani a le Malo, lea o lo’o tu’uina mai mo tatou aiga lima vaivai.
E i ai fo’i lo’u talitonuga e leai ni fa’ailoga o tiāpolo i fesoasoani a le Malo o lo’o fa’asafua mai. E na’o se tu’ualalo i ‘ai latou o i ai ia ituaiga mafaufauga, manatua e lē manumalo le tiāpolo i le Ali’i. Afai o lea ua auala mai i le Malo le finagalo o le Atua, e fa’asafua ai fesoasoani tupe nei mo tatou tagata, a’o lea fo’i ua auala mai le tiāpolo i nei ituaiga manatu fa’apea, e i ai lo’u talitonuga, e fiu lava le tiāpolo e fai ana mailei e manumalo ai, e manumalo tasi lava le finagalo o le Ali’i.
O SOU MANATU
O lo’o fa’agasolo i le taimi nei, le galuega tele a le Ofisa o Fuainumera Fa’amauina, mo fa’amaumauga o tagatanu’u uma o Samoa o lo’o aumau i Samoa nei, auā taumafaiga mo le Poloketi ua fa’aigoaina o le National ID.
Peita’i o lo’o tauala fo’i i lea galuega tele, le una’i a le Malo i lana vaai mamao, ia sa’o atoatoa fa’amaumauga o le faitau aofa’i o tagata Samoa, e fa’amauina mai lenei galuega, o le ala lea, ua fa’asafua atu ai ma le ta’i $50 mai le Fa’amāma Avega a le Malo, mo le atunuu lautele, a’o feagai ai le lalolagi ma mafatiaga i āuga o le Koviti – 19.
Peita’i o lea taumafaiga lelei a le Malo, ua fa’auigaina sesē e nisi ma o latou te’ena ai lea fesoasoani i le mafaufauga, o le fa’atosina lea a le Faigamalo mo le Palota o lumana’i ai, ae manatu nisi o le Polokiki lea ua lotolotoi i totonu o lea auaunaga a le Malo, ma o se ala fa’atiāpolo lea faiga ua fa’ataunu’u ai e le Malo, lana fesoasoani mo le atunuu lautele.
Ina ua fesiligia finagalo o nisi o le atunu’u, e uiga i ia manatu, ma o le latou mau e fa’apea;
Samuelu Molio’o
59 tausaga o Lotofaga
E ui e le’i o’o atu lea fesoasoani a le Malo i le matou aiga, ona o lea lava e fa’agasolo, atonu e o’o atu i le vaiaso fou, ua o’o atu isi o matou aiga, ae lagona lava le loto fa’afetai i le Malo, ona o le tofā ua a’e e fa’asafua atu ai nei fesoasoani mo le mamalu lautele o le atunu’u. O fesoasoani fa’apea sa lilo i manatu e mafai e le Malo ona fa’atino, a’o lea ua aapa le Malo e fa’atino le latou fesoasoani mo tagata uma, fa’afetai. O fesoasoani lē aumaua ia ua tatou maua, ona a silasila i le tulaga o lo’o i ai galuega i le taimi nei, e i ai nisi o aiga ua a’afia le tulaga o galuega mo nai fanau ona o a’afiaga o le Koviti – 19.
O finagalo fa’aālia o nisi tagata e tusa o lea fesoasoani, e i ai lo’u taofi o le uiga lava nei o tatou tagata, e i ai le ola masalosalo aemaise lava lenei vaitaimi i le aga atu i le faiga palota tele. Peita’i, o le tagata lava ia e talitonu ma fa’amaoni i luma o le Atua, e leai se mea o le a tatou masalosalo ai fua. E tatau ona tatou fa’afetaia le alofa ma le agalelei o le Atua, i lona agaga galue i Ta’ita’i o le atunu’u e fa’amatu’u mai ai nei fesoasoani mo tatou. Afai o le auala lea a le Alii e fesoasoani mai ai mo i tatou e lima vaivai, aisea tatou te mafaufau ai fa’apea, ae tatou te lē talia ma le loto fa’afetai fesoasoani ua tatou maua, auā e i ai le talitonuga, o fesoasoani le aumaua. E lē fa’apea, e te nofonofo sau se isi e aumai se seleni ia te oe e tausi ai lou aiga, o tatou o tagata Samoa, e galue lava le tagata e tausi lona aiga, a’o le fesoasoani lea ua fa’asafua mai e le Malo, fa’afetai ua maua sia seleni e tausi ai aiga ma ‘ave ai tamaiti i le aoga. Ae tatou tu’u pea i le Atua, e na’o le Atua na te silafia mea uma.
