SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
Fanualelei Tominiko Purcel,
Afio’aga o Falefa
“E lē ninia fa’asapasui mataupu fa’aleagaga ma tulafono tau fa’aofi e tolu o lo’o iloiloina e le Konmiti Fa’apalemene.”
O le talitonuga o Fanualelei, e leai se fa’apogai o le a lotea ai fua e le ekalesia le finagalo o le Malo.
“Tu’u mataupu e patino i le Malo, o lea e i ai matai latou te talanoaina mataupu fa’apea, ae alo le ekalesia e talanoa mataupu e atia’e ai ma tapu’e ai le soifua fa’aleagaga o tagata o le ekalesia.”
O lea ua fa’afofoga le atunu’u atoa i le fa’amoemoe na afua ai ona fai e le Malo nei tulafono, ona o lo’o silafia lelei e le Malo, le telē o le aogā mo aiga uma o Samoa.
“O le lumana’i o Samoa lea o lo’o tilotilo i ai le Malo.
“Telē le sao o tulafono ia mo Samoa, o le a lē toe i ai se feaina’i o aiga i tulaga tau fanua.
“O a’u sa fai ma sui e momolia le finagalo autasi o le matou nu’u i tuā i Falefa i le Komiti Fa’apalemene o lo’o iloiloina tulafono ia.
“E matuā lagolago lava e le matou nu’u tulafono tau ta’aofi ia e tolu.
“Tasi lava si vaega o le tulafono sa ave ai le talosaga, a o se tu’ualalo foi a ali’i ma faipule o lenei nu’u, ina ia toe silasila ane i ai le Komiti, o le tulaga lea i matai sa’o o aiga.
A’o le tulafono, se e ola mai lava le tamaititi ua iloa ona eleele, tatou te iloa uma lava eleele e fa’asino ia tatou ma o tatou aiga.
“E lē mafai ona ō fua le Malo fao mai ou eleele. E lē mafai foi ona ō atu le Malo e tauanau oe e lisi lou fanua, o lau aia tatau lena.
“O lea foi ua tatou malamalama lelei i le tulaga o fanua e lisi, e fa’atapula’a tausaga, a fai e o’o atu o le tausaga lea na malilie ai e fa’auma ai lisina o le fanua, o le fa’ai’uga lena.
“Afai fo’i e o’o atu, ae o lo’o e mana’o e fa’aauau le lisi o lou fanua, o lau aia tatau lena, e le faia e le Malo se fa’ai’uga, e manino mea uma pe a fai e te malamalama lelei vaega ia.
“Aisea la e mafua ai ona atugalu fua outou finagalo?
Ua tele fa’asalalauga i luga o televise, leitio ma nusipepa i le mataupu lava lenei, ae ua tigā ai taliga, o le fa’aopoopo lea a Fanualelei.
“Afai lava e manino le fa’amalamalamaina o le tulafono e malamalama fo’i tagata, ae afai e fa’amalamalama mai e le Malo le tulafono ae fetagofi isi ma fa’aleaga, o le pogai la lena o le lē malamalama o tagata, ma ua nunumi ai le lalolagi.
SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
Lefauaitu Misa Nanai Matafoe
60 tausaga o Pata Falelatai
So’o se tagata Samoa lava, e i ai lona lagona e fa’atatau i pili e tolu ia o lo’o fete’ena’i ai manatu o isi. Ae o lo’u taofi, afai lava e silasila atu ma lagona e le tagata lava ia, e aogā pili ia e tolu ia te ia ma lona aiga, talia pili, ae afai e leai, o le mea lena e patino ia te oe.
O le fesili, aisea o le a fa’atalanoa ai fua pili? O le Tusi Paia o le galuega patino lena a le faifeau. O a’u ou te tausi faifeau, a’o la’u fautuaga, e lē aiā matou i galuega a le faifeau, o lana galuega lava o le Tusi Paia, a’o le tulaga o mataupu fa’apea, a lea e i ai le tatou Malo, o lo’o i ai Ta’ita’i latou te ta’ita’ia le Malo.
Auā a ta’u loa le fono a le Palemene, o lona uiga o le mea lena e ta’u o le Fono Aoao Faitulafono, e lē ninia fa’atasi mea ia. O mea nei o aiātatau, e i ai o tatou aiātatau, ae silasila fo’i, e tatau ona fa’aāoga tatau lau aiātatau, ma ‘aua e te mulimuli fua i lagona o i si, ae fai le mea o lo’o e talitonu i ai. I lo’u talitonuga i le mataupu lenei, ō pea faifeau e tala’i le tala lelei, ae tu’u pea tagata o ekalesia e fai a latou fa’ai’uga. Galulue pea i latou i le latou matāfaioi, o le soifua fa’aleagaga o le tagata kerisiano.
Talanoa pea ekalesia i fuafuaga e atia’e ai ekalesia ma atia’e ai le soifua fa’aleagaga o tagata o aulotu, auā e i ai lo’u talitonuga, o le tele o tagata o le ekalesia, ua latou talia Tulafono Tau Fa’aofi nei, ma ua malamalama fo’i i le tāua o ia Tulafono i totonu o aiga. Ae o le tulaga lava ia , o la e i ai matai, ma o matai fo’i nei o lo’o malu ai ekalesia. Afai nei e leai se pulega fa’amatai, o fea e ō aga’i ai le ekalesia, o latou ia e puipuia ekalesia.
SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
Muaau Mulo Faiga’a
66 tausaga o Faleatiu.
E i ai lo’u taofi e lē taitai fetaui le talanoaina o le mataupu lenei i totonu o ekalesia. Silasila fo’i, ua uma ona tu’u mavaevae mea a le atunu’u. O le aufaigaluega paia lava ia a le Atua, e ‘ese le latou matāfaioi. O i latou o le aufaigaluega, o le Tusi Paia lava le latou matafaioi. Peitai, o lea ua latou la’a i le mea e lē tatau ona i ai. Tu’u pea le mataupu o lo’o talanoaina e le Komiti Fa’apalemene, o lea e i ai matai o le atunu’u o le latou matafaioi lea.
O tagata fo’i o lo’o faia upu a le atunu’u o tagata Samoa e le’o ni papalagi. O tagata ua lava le tofā ma le fa’autaga e iloilo ai mataupu fa’apea, o matai Samoa. Ae fai pea le galuega a le aufaigaluega a le Atua, e o e galulue ma tapu’e le ola fa’aleagaga o tagata.
O lea ua maitau atu, o le a ‘ese le mea lea o le a aga’i i ai le aufaigaluega filifilia a le Atua. E lagona ai le fa’anoanoa, ona o lea o le a aga’i le aufaigaluega i le fa’apolokiki, ae tu’u le galuega na fa’au’uina ai ma tofia ai e galue ai. Manatua e ‘ese’ese uma tofiga na tofia ai tatou e le Atua. Afai ua tofia Tuilaepa e avea ma Palemia, o faifeau fo’i na tofia e avea ma leoleo mamoe o nu’u ma afio’aga, na tofia e avea ma faifeau, latou te laugaina le upu a le Atua e fa’aolaina ai agaga o tagata, o latou fo’i e tapuaia faiva a le tatou atunu’u aemaise o tatou Ta’ita’i i aso uma, ma aso uma.
Ae afai o le tulaga lea la’a i ai, e fa’afefea la ona manuia le atunu’u, o tatou o tagata kerisiano, tatou te tu’u uma mea i le Atua, auā e na’o le Atua lava na te silafia le lelei ma le leaga o nei mea uma tatou te faia. O le lalolagi lenei o lo’o tatou i ai, o le tele ia o fa’afitauli tatou te fetaia’i, ae nofo tatalo pea, ma fa’anōnō manū i le Atua, o Ia e aumai ai le tali, mo le aga’i i luma o Samoa ma ona tagata.
SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
Nanai Leatanu’u Si’u
65 tausaga o Matautu Falelatai
O ituāiga mataupu fa’apea, e faigatā lava ona fa’aleo se lagona ona o le tulaga ma’ale’ale o lo’o i ai le talanoaina o pili nei e tolu. Ae peita’i, a tatou fua fa’alemafaufau i le mataupu lenei, o mataupu tau i le Malo, a’o pili fo’i o lo’o taumafai e pasia mo le puipuia o a tatou meatotino.
O fanua ma suafa o meatotino a tatou, o tatou aiga e lē mo nisi. O lea fo’i e va’ava’ai atu e le’o misi fa’atalatalanoaga a le au tusitala ma le au fa’asalalau ma i latou o lo’o gafa ma le fa’amalamalamaina o ia pili, e taumafai ina ia malamalama le mamalu lautele o le atunu’u i le auga ma le fa’amoemoe o le Malo o lo’o taoto mo le puipuia o tatou meatotino nei, aemaise o tatou fanau ma augātupulaga a tatou aiga mo a taeao, ina ia uma atu tatou, ae o lo’o malamalama lelei i latou i vaega ia.
Peita’i, o lo’o fete’ena’i pea manatu ma lagona o tagata o lo’o fa’aālia i nei pili, ona e i ai lo’u taofi e i ai tagata o lo’o malamalama lelei i pili ia, a’o le fa’afitauli, ua ta’ina sesē o latou mafaufau ma lagona i nisi o fa’asalalauga a nisi fo’i o tagata o lo’o ō ma tala’i e fa’apea, o nei faiga uma e fai ina ia pulea ai e le Malo a tatou meatotino tau i fanua.
Ae e i ai lo’u lagona, afai e talanoaina i totonu o ekalesia mataupu nei, o le latou aiātatau lenā, ae ia tatou iloa lelei, o i latou fo’i i totonu o ekalesia, o lea e alala ma papaa’ao i totonu o nu’u ma alalafaga o lea ua latou ioeina pili. E tāua tele le mataupu lenei, ona o lea e lotea ai a tatou meatotino, ma so’o se isi lava, e tatau lava ona iloa ma silafia lelei fanua ma suafa e fa’asino ia te ia ma lona aiga.
O le iloiloina fo’i o mataupu nei, e tatau lava ona iloilo e tagata ua lava lo latou silafia ma le tomai i le tu ma le aganu’u a Samoa. O tagata ua lava lō latou tofā fetu’utu’una’i, ina ia ‘aua ne’i nunumi le atunu’u, ona o measina nei a Samoa o lo’o puipuia i totonu o pili nei. Tatou tu’u i le Atua, e leai ma se mea e faigata i le Atua, afai e pasia, o le finagalo lena o le Atua, afai e leai, o le tali lenā.
SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
So’oalo Simi So’oalo
59 tausaga o Aleisa
E i ai le lagona, o mataupu fa’apea e tatau lava ona tu’u i ‘ai latou o lo’o patino i ai mataupu nei. O mataupu fo’i fa’apea, e le’o ni mataupu e ono atia’e ai ekalesia. E tofu tatou ma matāfaioi ua valaauina ai tatou e le Atua tatou te galulue ai, afai lava sa fa’au’uina oe e avea ma tausi mamoe, o oe o le tausi mamoe, afai sa tofia oe e te faipule, o lena, afai sa tofia oe e avea ma Palemia o lou tofiga lena. O tofiga uma e mai le Atua, e leai ma se i si e leai sana matafaioi o faia.
Ia tatou tilotilo fo’i i ituaiga mataupu fa’apea, e patino i aiga ma a latou meatotino. Afai o le tulafono lenei e aoga mo lou aiga ma lau fanau i le lumanai, aisea e mafua ai ona fa’amalamalamagatā. I so’u taofi ma le va’ava’ai atu i le mataupu lenei, e i ai lava tagata o la e malamalama, ae lē manana’o e malamalama, talu ai le fa’alogo fua i tala a i si tagata. E i ai fo’i nisi o la e silafia lelei e sesē le tulaga la e tu ai, ma le gaioiga la’a fa’atino, a la lava e fai.
O le tulaga lea e tula’i mai, ou te le’o malamalama pe aisea e tagofia ai totonu o ekalesia mataupu fa’apena, ae ia tatou manatua lelei, so’o se ekalesia lava, e malu puipuia i totonu o le pulega a ali’i ma faipule. O tagata fo’i o ekalesia, o lea e nonofo i totonu o nu’u o lo’o i ai le pulega mamalu a ali’i ma faipule.
Ae tatou tau fai tatalo ma tu’u atu fuafuaga alualu mamao a si o tatou atunu’u, auā o nei mea uma, o lea o lo’o iloilo i le taimi nei, afai lava e finagalo le Atua e fa’ataunu’u ona pasia ia tulafono, e pasia lava, ae a finagalo le Atua e lē pasia, o le tali lena. Ae ia fa’amanuia le Atua i o tatou ta’ita’i aemaise le tatou atunu’u atoa, ina ia fa’atumauina pea le saogālemu ma le malu puipuia mai le fa’ama’i o lo’o pisapisaō ai le lalolagi.
SOU MANATU!
I le fa’alauiloa ai o le finagalo o le Ekalesia Fa’apotopotoga Kerisiano i Samoa (EFKS) aga’i Tulafono Tau Fa’aofi e tolu o lo’o fa’agasolo soālaupulega i le taimi nei e le Komiti Fa’apalemene ma le atunuu atoa, ua fa’ailoa ai e le Failautusi a le EFKS, e tatau ona ave’ese mafaufauga o tagata Samoa mai le manatu lea, e lē tatau ona polokiki le Ekalesia.
O le taofi o lea Ekalesia, na manino ai e tatau fo’i ona lotolotoi le Ekalesia i le talanoaina o nei Tulafono Tau Fa’aofi e tolu o soālaupule nei.
O le mafua’aga lea na fesiligia ai se finagalo o nisi o le atunuu, pe talafeagai le talanoaina e Ekalesia o mataupu patino i upufai o Malo, ma le tulaga o le polokiki e feagai tonu ma Faipule o le Fono Aoao Faitulafono a Samoa, le Palemene.
O nisi la nei o finagalo fa’aālia o le atunuu;
Tualesolo Leiite
60 tausaga Falefa
O lou tofi mai le Atua ia tumau, o matai o le lau’ele’ele e aga’i i ai oe ma lau fanau. O oe o le matai sa’o o lau fanau ma lou aiga. Tilotilo oe i Tulafono Tau Fa’aofi o lo’o iloilo e le Komiti Fa’apalemene po’o le a lona o’oo’oga.
Afai fo’i ua i ai se manatu o le ekalesia e fa’atalanoa ai ia tulafono, o le latou aiā tatau lea, ae o lou tofi sa tofia ai oe e le Atua e te galue ai, aua ne’i galo.
O le a se tāua o ia tulafono ia te oe ma lou aiga, o le mea lena e te tilotilo i ai, afai e lelei mo oe ma lou aiga ma lau fanau, ia e taga’i lelei i ai ae tatou tu’u pea i le Atua e galue lona agaga mo i tatou uma, auā e i ai lava le taimi o le Atua i le tagata.
