1. E tusa ai ma le uliaí faásilasilaga faálauaítele a le Matagaluega i le Aso 7 o Iulai 2020, na faáiloa aloaia ai aiaiga mo le faáulufaleina mai i Samoa o oloa uma e gaosia mai i ááno o puaá mai i atunuú o loó aáfia i le faámai o le five Aferika o puaá, o lea e fautuaina ai le mamalu o le atunuú, ua taofia nei mo se taimi lē tumau le toe auina mai o nei oloa i Samoa.
2. E lē aáfia i lenei faásilasilaga oloa e auina mai i atunuú e lē o maua ai le faámai o le five Aferika o puaá.
3. E tusa ai ma faámaumauga faásaienisi, o le fiva Aferika o puaá e lē aáfia ai le soifua maloloina o tagata, ma o oloa o loó i totonu o Samoa i le taimi nei, ua faámaonia e le Matagaluega o loó saogalemu mo le fofoga taumafa. O oloa nei e aofia ai:
a) Deli Pork Luncheon meat;
e) Tasi Pork Luncheon meat;
i) Kings Choice Pork Luncheon; ma le
o) Uncle Sam Pork Luncheon meat.
4. O isi uma ituaiga oloa tuúapa e gaosia mai i aáno o puaá e lei taliaina e le Matagaluega, e lē faátagaina ona faátau atu i le mamalu o le atunuú, ma o loó aáfia pea i Poloaiga o le Taofia lē tumau.
5. E fautuaina le mamalu o le atunuú ina ia lafoaí i se tulaga saogalemu atigiápa o nei oloa ma ia aua nei fafagaina puaá i toega ma otaota mai i nei oloa tuúápa.
6. O lenei faásalalauga ua faia e tusa ai ma le Vaega 33 o le Tulafono e Puipuia Oloa Feaveaí poó le Kuarenitini 2005, faápea galuega faátino a le Matagaluega ina ia puipuia ma taofiofia ai le sao mai o le five Aferika o puaá i totonu o Samoa.
7. Mo nisi faámatalaga, faámolemole faáfesoótaí mai le Vaega o le Kuarenitini a le Matagaluega i le numera telefoni 20924 poó le 22127.
Faáfetai
Tilafono David Hunter
OFISA SILI O PULEGA – Ministry of Agriculture and Fisheries – Samoa
Aso 30 o Novema 2020
