O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Fuiavailili Selesele
73 tausaga Falelima / Tulaele
O le fa’amalosia o le tulafono lenei, i le fa’asa o ta’avale la’upasese laiti ona toe paka i tua o le Maketi o I’a, ua 100%. Ua leva ona ou inoino i le tutū o ta’avale ia sa tutū ai. E le gata i le fa’alavelave i isi ta’avale, a’o le fa’alavelave fo’i i le lautele o le atunu’u pe a feoa’i. e i ai fo’i o latou uiga lē pulea e tau valaau solo ai i tagata. E lē fetaui lea ituaiga amioga. E tau valaau lē mafaufau lē migao. E tau valavalaau mai, se taxi, uncle e mo’omia se taxi, a’o lea e i ai ota mata, o lea ou te iloa atu o le taxi le mea lea e tu mai.
Silasila fo’i o lata aiātatau lena e filifili ai pe ou te fia malaga i se ta’avale la’upasese laititi pe leai. E o’o fo’i i le valaau mai fa’apea, uncle, manatu o le upu taufa’ase’e le upu lea. Ae ua fa’atigā taliga le valaau solo i tagata femalagaa’i i le taulaga pe mo’omia se ta’avale. Ae a leai se pasese, e sili ona alu le fale. Ae tatau fo’i ona aga’i i fale ta’avale na lesitala ai e fa’atali pasese ai, ae ‘aua le tutū i nofoaga ia ma fa’atigā ulu, fa’atigā mata ma fa’atigā loto i le mamalu lautele o le atunu’u o lo’o feoa’i ma a’afia ai fua mafaufau o tagata talu ai le valavala’au solo. O le galuega a ta’avale la’upasese laiti, e ‘ese le tāua, ae a fa’aāli loa le amio lē pulea, ona le manaia lea i se va’ava’ai ma se fa’alogo.
O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Loluama Toatasi
37 tausaga Satapuala
I so’u manatu i le mataupu lea, ua talafeagai lelei ona fa’amalosia. Auā o le taimi nei i le tulaga lea, ua fa’aāli lava le malamalama o le tagata ia i tulafono o le auala. E pei o le tulaga lea, e alu alu lava se ta’avale la’upasese, afe fa’afuase’i, ae leai se fa’ailoilo e iloa ai o le a afe, a’o le mea la e afe ai o le pikiina o le pasese fa’atoā iloa atu. Ua mua ona ano i le tagata e maua ai le tupe, ae le ano i le saogālemu o tagata o lo’o feoa’i i luga o le auala.
E tatau lava i ave ta’avale laiti ona toe fo’i i fale ta’avale o lo’o lesitala ai. O le fale ta’avale lava le nofoaga e saogālemu, ae a tutū solo i le taulaga e aunoa ma se pasese o feavea’i, a le a’afia i se fa’alavelave tau ta’avale, e a’afia i le tulafono. O le tulaga lea e va’ai atu ai i ave ta’avale laiti nei, e pei o latou ma le pule i le auala tele. A loto lava e alualu lemū i luga o le auala e su’e ai ana pasese, e fai a, e le’o mafaufau lelei i le a’afiaga o taimi o isi tagata la e fa’aāogaina tatau le auala tele. E manaia pe ana fa’apea e i ai se auala na’o ta’avale la’upasese laiti lava e mafai ona feoa’i ai, ona pule ai lava lea o latou, e aunoa ma le fa’alavelave i tagata femalagaa’i.
O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Maria Va’a
48 tausaga Faleatiu
O lenei tulafono ua leva ona tatau ona fa’amalosia. O le mea lea e i ai, o le matuā fa’alavelave lava o nei ave ta’avale la’upasese laiti i le mamalu o le atunu’u. E lē aiāina e tatou le latou galuega, ona o le sa’iliga o seleni, ae tatau fo’i ona latou taga’i, i le fa’atinoga o le latou fo’i auaunaga i le atunuu lautele. E tāua le galuega o lo’o fa’atino e ta’avale la’upasese laiti, ae pau lava le tulaga e lagona ai le fa’anoanoa, ona o nisi o ave taxi, e fa’aāli ai le amio lē pulea. O le valavalaau solo i tagata, e le’o se tu ma se aga lena a se tagata o lo’o fa’atino lana tautua mo le atunu’u. E leai se mea o le a tigā ai fua lou fofoga e te valaau i tagata pe mo’omia se ta’avale, o la e i ai mata o le tagata e iloa atu ai outou, pe talo atu fo’i i se ta’avale pe a mo’omia.
E i ai lo’u lagona, ua talafeuga lelei le fa’amalosia o le tulafono lenei. Ina ia toe fo’i ai taxis nei i fale ta’avale o lo’o resitala ai e tutū ai ma fa’atali atu le valaau atu mo se ta’avale. E i ai lava ta’avale o lo’o latou tausia ma usitaia le tulafono, a’o isi ave ta’avale, e leiloa pe fa’aletonu le fa’alogo fua i le leiloa o le mea e tatau ona tu ai. E fai fo’i latou ma fa’alavelave i tagata feoa’i ma tagata e fai ta’avale latou te fia fa’aāogaina pakaga ta’avale. E tatau lava i ave ta’avale la’upasese ona fa’autagia lea tulafono, mo le latou saogālemu, saogālemu le mamalu lautele o le atunu’u, auā o lea ua tatou aga’i atu i aso fa’amanatu mulimuli o lenei tausaga, e tatau lava ona tatou tausisia tulafono i so’o se taimi. Auā a tatou usitaia tulafono, e leai lava se mea o le a a’afia ai fua oe ma lou sā. E leai fo’i se mafua’aga o le a sala ai lau ta’avale, pe afai e mulimulita’i i tulafono ua fa’ataoto mai e le Malo.
O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Tina Solomona
53 tausaga o Ulutogia
Fa’afetai pe afai o le a matuā fa’amalosia le tulafono lea. Atonu o se auala fo’i lea e saogalemu ma puipuia mai ai le atunu’u femalagaa’i i luga o le auala tele. A silasila i ai i le taimi a’o tutū ta’avale laiti la’upasese i le Maketi i Savalalo, oka se fa’alavelave i aso uma ma taimi uma. So’o se galuega lava o lo’o e galue ai, tatou te lagona uma le tāua, ona o le galuega lea o lo’o maua ai le tupe e tausi ai aiga ma lau fanau. Peita’i, o le nofoaga lea ua fa’amalosia mai e le tulafono e lē tatau ona toe paka ai ni ta’avale, ua talafeagai tele. Silasila fo’i, i le taimi o le tu’uaga o aoga a le fanau, o taimi pisi na o le aso, so’o se taimi pisi lava, ae a fealua’i le ta’avale la’upasese laiti i le taimi lea, e fao uma e lea ta’avale taimi o isi ta’avale o lo’o mulimuli atu i tua, ona o le tulaga fo’i lea, a feoai i luga o le auala e pei lava na’o latou ma le auala tele. Ua mua na naunau e saili pasese, ae le ano ai i isi ta’avale o lo’o feoa’i, ona tupu lea o le fa’alavelave, a’afia ai soifua o tagata, ae leiloa o le fa’atamala.
E le a’oaia e laupuā tamafaiga, e pei o lea upu a le atunu’u, ae na’o se tu’ualalo, taga’i ane taga’i ifo i le saogālemu o le atunu’u lautele. Afai ua e aga’i i Apia e ave lau pasese, manaia ae tu’u lau pasese ona e toe aga’i mai lea i fale ta’avale e fa’atali ai se isi pasese. Auā o le ala fo’i lea e ala ai ona tutupu fa’alavelave, ma a’afia ai i le tulafono, ona o le sesē o le nofoaga e te tu ai i taimi pisi o le aso. Ae a tu lelei lau ta’avale i le fale ta’avale ua laisene ai lau ta’avale, e leai lava se mea o le a a’afia ai fua i le tulafono, ma ma’imau atu ai na tupe e totogi ai lau sala pe a maua oe e Malu o le Malo.
O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Alamoni Fuga
55 tausaga o Vaitele Fou
O le gaioiga tonu lava lea ua leva ona tatau ona fai. Silasila fo’i i le taimi lenei i tua o le maketi i Savalalo, ua manaia lava ua leai ni ta’avale la’upasese laiti o toe tutū ai. Ua fa’atigā taliga i taimi uma ou te savali atu ai e fa’atali le pasi, ae valaau mai lava pe fia maua se taxi, a’o la e taga’i mai, o lea ou te aga’i i le fale fa’atali pasi. Ua pei o se nofoaga o le a fa’aāli ai ma le lē mafaufau o isi ave ta’avale laiti, e lē aofia uma ai ave ta’avale laiti, e i ai lava ave ta’avale latou te faia le amio lea.
O lea tatou te iloa uma, o ta’avale la’upasese laiti nei, e i ai fale ta’avale e tutū ai, e tatau fo’i ona aga’i i fale ta’avale e tutū ai ma fa’atali ai le vala’au atu o telefoni mo galuega e mo’omia ai. O le taimi lenei o lea ua tatou aga atu e fa’amanatu aso fiafia, ua tatau ona matuā fa’amalosia tulafono ia, ina ia mulimulita’i ai ave ta’avale laiti, ina ia ‘aua ne’i tula’i mai ni fa’afitauli e pei o le lavevea o ta’avale, po’o le ma’imau fo’i o se soifua i le leai o se fa’autautaga tatau e fa’afoe ai ta’avale, ona o le naunau ina ia maua pasese e maua ai le tupe, ae a’afia ai soifua o le atunuu lautele o lo’o fegasoloa’i i lea aso ma lea aso. Pau o se tu’ualalo mo nai ave ta’avale la’upasese laiti, ina ia aga’i pea i latou fale ta’avale, e fa’atali ai latou pasese.
O SOU MANATU!
O le fa’amalosia e le Matagaluega o Leoleo o le Tulafono, e fa’asa ai ta’avale laiti (taxis) ona toe tutū i paka mo ta’avale i le Maketi i Savalalo e sa’ili pasese ai, ua o gatasi lea ma le fa’apipi’iina o fa’ailoilo e fa’ailoa ai i ‘ave ta’avale la’upasese laiti, e lē taliaina so’o se ta’avale la’itiiti ona toe paka i lea nofoaga, ona o le tumutumu ai o ta’avale ma lē maua ai se paka mo ta’avale a le atunuu lautele o lo’o aga’i atu mo fatauga ma fuafuaga masani o aso ta’itasi.
Na fesiligia se finagalo o le atunuu, ma o nisi nei o o latou finagalo fa’atatau i lenei mataupu.
Senetenari Salima
58 tausaga o Vailele / Sapapalii
E leai se nofoaga e sili ona saogālemu ai ta’avale la’upasese laiti, nai lo fale ta’avale o lo’o tu ai. O le mea lea ou te va’ai atu i ai, e matuā le usitaia lava e ‘ave ta’avale le tulafono i nofoaga ia. O nofoaga ia e tatau lava ona avanoa i taimi uma ma aso uma, ‘aua ne’i tu ai se ta’avale, ona e fa’alavelave e le gata o taimi e tu’ua ai fanau aoga, a’o taimi fo’i e pisi ai le atunuu lautele i faiga fa’atau ona omai lea tutū i vaega e tatau ona tutū ai ta’avale a le atunu’u o lo’o fegasoloa’i mo fa’atauga, ae ta’amilo solo ta’avale a tagata e su’e se paka, ona ua fao e ta’avale la’upasese laiti nofoaga e paka ai ta’avale.
E i ai lo’u taofi, o lo’o silafia e ave ta’avale vaega e fa’asa ona tutū ai, ae pei e le’o ano i ai. Ae fa’afetai o lea ua fa’amalosia le tulafono, atonu fo’i e fai ma fa’amanatu i ‘ave ta’avale, e tatau lava ona toe fo’i i fale ta’avale e tutū ai. E tatau fo’i i Malu o le Malo, ona tu ai se ta’avale a leoleo i lea nofoaga, e mata’itū nofoaga nei i taimi uma o le aso. E maitauina fo’i ma le fa’anoanoa le fa’alavelave o ta’avale laiti i le feoa’iga a tagata, aemaise o femalaga’iga a ta’avale. E tatau lava ona usitaia tulafono ua taoto, auā le saogālemu o le mamalu femalagaa’i o le atunu’u.
