PEPA O FAAMATALAGA: Aso 27 Novema 2020
E tusa ai ma le faasilasilaga o le tatou tului faamealofa sa faia ia Iuni 2020, e fia faailoa atu i le mamalu o le tatou atunuu o le a faaauau le tatou tufaaga o le tului faamealofa e amata atu i le Aso Gafua 30 Novema 2020 seia faagata i le Aso Tofi 24 Tesema 2020.
O le tau aofai o lea faamoemoe e $10.6 miliona tala.
O ni tului faamealofa e le i talaina i tua i le taimi faatulagaina ua taua i luga o le a faamatuu sao lava i teugatupe saofaga a le au faisaofaga.
O le a avanoa a tatou ofisa nei mo le faatinoina o lenei faamoemoe mai le itula e 9:00 i le taeao seia paia le itula e 4:00 i le afiafi;
• SNPF Ofisa Tutotonu, Apia – Fogafale 1, 3 ma le 4.
• SNPF Vaitele
• SNPF Salelologa.
(O LE A FAAMALOSIA LE IAI O TALI PUPUNI FOFOGA MO E UMA E ASIA IA TATOU OFISA)
O le faamanu, faafetai ma le viiga atoa e tuuina atu i lo tatou Atua Silisili Ese, le Alii o Iesu, o lé na te mafaia ona faia o mea uma e faasilisili lava i mea tatou te ole atu ai ma mafaufau i ai, e tusa ma lona mana o loo matuá galue i totonu ia te i tatou.
Manuia le Kerisimasi ma maua se tausaga fou fiafia Samoa.
Faafetai
Minisita, le Komiti Faatonu ma le Pulega
