I le Aso Faraile 04 Tesema 2020, na mauaina ai laulaau faasaina o le mariuana, e le Vaega mo Taifau Sosogi i lalo o se polokalame tuufaatasi a Matagaluega a Tiute & Tupe Maua ma Leoleo & Falepuipui.
O nei laulaau faasaina na aumai faa’nana i totonu o se afiafi faamomoli mai i aiga Amerika mo se alii e 57 tausaga lona soifua. O le galulue faatasi o le vaega mo taifau sosogi (Joint K9 unit) a le Matagluega o Leoleo ma le Matagluega o Tiute ma Tupe Maua (Joint Samoa Police and Customs K9 Unit) na mafua ai ona maua nei fualaau faasaina.
E fautuaina ai le mamalu o le atunuu, a’o alo atu i Aso fiafia o le Kerisimasi ma le Tausaga Fou, aemaise tapu o loo faamamaluina mo puipuiga o le Koviti, ina ia tausisi ma usitaia tulafono ma aiaiga o le puipuiga o Samoa ma ona tagata mai solitulafaono faapenei.
O loo fa’aauau pea le galulue faatasi o le Matagaluega o Leoleo ma le Ofisa o Tiute i le puipuiga o tatou tuaoi faa-va-o-malo ma o se tasi lenei o faataitaiga o nei galuega faatino.
Ua tuuina atu nei i le Matagaluega o Leoleo lenei alii ma mariuana mo a latou suesuega ma tuuina atu ai loa lenei mataupu mo galuega tuufaatasi faaletulafono e nei Matagaluega e lua i le Matagluega o Faamasinoga.
