TALI ATU I FAASALALAUGA : “MALIEGA A LE AO O LE MALO MO LE TAUAOFIA AI O LE PALEMENE.”
ASO LULU, 19 ME 2021 :Ua maitauina nisi o Faasalalauga i luga o upega tafailagi ma nisi o Ofisa Faasalalau le Faaaliga e pei ona iai le Maliega a lana Afioga Le Ao o le Malo mo le Tauaofia ai o le Palemene.
Ou te faasilasila atu mo le silafia o le tatou atunuu, e le’i taulimaina e le Ofisa o le Fono Aoao se Poloaiga mai le Ofisa O Le Ao o le Malo mo lea faamoemoe.
O le a mataituina pea e le Ofisa o le Fono Aoao le faaooina mai o lenei Poloaiga mai lana Afioga Mamalu.
O le taimi lava o le a faaooina mai ai lenei Poloaiga i le matou Ofisa, o le a matou faasilasilaina atu mo le silafia e le mamalu o le atunuu i le aso a taeao.
Faia ma le Fa’aaloalo tele.
FAILAUTUSI O LE FONO AOAO FAITULAFONO.
