I le ava ma le fa’aaloalo tele, e logoina ai le mamalu o le atunuu o le a faatinoina tui puipui o le KOVITI-19 i Falemai Itumalo uma mo Upolu ma Savaii.
Mo Falemai Itumalo uma o Upolu , e aofia ai ma le Falemai Malietoa Tanumafili II (Tuasivi) o lea amata tuiga mai le Aso Gafua 19 o Iulai 2021 mai le 9 i le taeao- 6 afiafi i aso taitasi ; ma le 9 -1 i le aoauli i le Aso Toonai.
Mo Falemai Itumalo uma o Savaii o le a amata tuiga mai le Aso Lulu 21 Iulai, 2021 mai le 9 i le taeao- 6 afiafi i aso taitasi ; ma le 9 i le taeao – 1 i le aoauli i le Aso Toonai.
O le a faapea foi ona faaauau ona faatinoina tuipuipui i isi nofoaga e pei ona taua I lalo
| # | Nofoaga Faaauau | Taimi/Aso e Tatala ai |
| 1 | Faleaoga Fa’apitoa a le MOH, fa’afesaga’i ma le Fale Fa’amamā Toto (NKFS) – Moto’otua | Aso Gafua – Aso Faraile: 9 taeao – 6afiafi; Aso Toonai : 9 taeao – 1 aoauli |
| 2 | Ofisa Tutotonu mo Polokalame o Tui Puipui (Fale lanumoana- fa’afesaga’i ma le Seb n Rene) – Moto’otua | Aso Gafua – Aso Faraile: 9 taeao – 6afiafi; Aso Toonai : 9 taeao – 1 aoauli |
| 3 | Ofisa a le Soifua Maloloina -Matagialalua | Aso Gafua – Aso Faraile: 9 taeao – 6 afiafi; Aso Toonai : 9 taeao – 1 aoauli |
| 4 | Ofisa o Turisi ma Tagata Maimoa (STA) | Aso Gafua – Aso Faraile: 9 taeao – 6 afiafi; Aso Toonai : 9 taeao – 1 aoauli |
O i latou uma E LĒ TATAU ONA FAI TUI PUIPUI e aofia ai;
- Tagata uma i lalo ifo o le 18 tausaga le matutua
- Tina tō
- Tina failele e lei atoa le 8 vaiaso talu ona fanau pepe
- O i latou o lo’o ma’i tigaina i maota po’o le falemai
- O i latou o lo’o vaivai puipuiga fa’alenatura e aofia ai ma i latou o lo’o faatinoina togafitiga e pei o le Kanesa
E LEAI SE TOTOGI o le faatinoina o tui puipui o le KOVITI-19.
Fa’amolemole aumai sou pepa fa’amaonia (ID), tusi folau po’o se pepa fanau mo le fa’amautuina o fa’amaumauga. O le a fesoasoani le aufaigaluega i fa’amatalaga uma o le tui puipui i le aso ma le taimi e fa’atinoina ai.
Mo e ua tatau ona fai TUI LONA LUA o le KOVITI-19, manatua lou pepa tui e te sūsū mai ma aumai e fa’amaonia ai ua mae’a ona fai lou tui muamua. Afai ua leiloa lou pepa tui e mo’omia le aumai o pepa fa’amaonia (ID), tusi folau po’o se pepa fanau mo le fa’amautuina o lou tui lona lua.
O le a fa’aauau pea ona logoina le mamalu o le atunu’u atoa i le fa’agasologa o le tatou tui puipui
E faamanatu atu foi o loo faatino pea tuiga masani mo pepe ma fanau iti i falemai uma i Upolu ma Savaii
Mo nisi faamatalaga, fa’amolemole fa’afeso’ota’i;
- Telefoni vili fua 800-6440.
- Upega Tafa’ilagi: www.health.gov.ws; MOH Facebook; Government Facebook
Fa’afetai,
Leausa Samau Dr. Take Naseri
Faatonu Sili Aoao
Matagaluega o le Soifua Maloloina
