(OFISA O LE SO’OUPU, Aso 29 Ianuari 2022)- Na faalauiloa e le afioga a le Tamaitai Palemia i lana saunoaga i le malama ua sola, le agai atu ai o Samoa i le Laasaga 2 o Puipuiga o le Koviti 19, mai i le 6 i le afiafi anafi. O lea Laasaga ua tatala ai le tele o pisinisi e pei ona iai i le Poloaiga o Faalavelave Tutupu Faafuasei numera 65, sei vagana ai vaega nei, e tumau pea le tapunia:
- Taaloga Faitupe (Bingo, Lotto, Casino ma le Ponesi);
- Faaaogaina o fale faamalosi tino; ma
- Falekalapu ma pa pia.
O le auiliiliga o nei suiga o loo ua i le Poloaiga o Faalavelave Tutupu Faafuasei numera 65.
