(OFISA O LE SO’O’UPU); O lo’o tumau pea Samoa i le La’asaga #2 (Alert Level #2) o le
lanumoli o Poloa’iga o Fa’alavelave Fa’afuase’i. E o’o mai i le taeao nei (Aso Sa 30 Ianuari
2022) ua fa’amauina e le Matāgaluega o le Soifua Mālōlōina le fa’aopoopo ai o le to’atolu (3)
i latou fou ua a’afia i siama o le Koviti – 19 e aofia ai ma se alualutoto e 4 tausaga le matua.
O ia su’ega (tests) sa faia i le taeao nei mo i latou uma o lo’o fa’anofoesea, e aofia ai le pasese
na malaga mai Brisbane Ausetalia fa’atasi ai ma i latou sa muāau i le kiliaina o lea va’alele.
O lea ua si’itia nei i le 30 le aofa’i atoa o i latou ua a’afia i le Koviti – 19 i totonu o le atunu’u,
o lo’o fa’amauina fo’i le malolosi uma oi latou nei ma e leai ni āuga o le fa’ama’i o māua mai
iā te’i latou.
Mo le aufaigaluega atoa sa muāau i lenei galuega o lo’o fa’anofoesea, e leai se isi ua a’afia se’ia
vaganā ai tausi soifua e to’alima ua a’afia o lo’o fa’anofo va’ava’aia pea i le nofoaga fa’apitoa i
le falema’i i Moto’otua.
E leai fo’i se fa’amaumauga po’o se fa’amaoniga ua mama i tua le fa’ama’i.
O le a fofogaina pea lo outou mamalu i se isi fa’asalalauga lata mai i lo tatou Mālō.
