TALA LATA MAI O LE PEPESI AI O LE KOVITI – 19 I SAMOA
Ua fa’amaonia mai e le Matāgaluega o le Soifua Mālōlōina le fa’aopoopo ai oi latou fou e to’a 383 ua a’afia i le fa’ama’i, e 18 i latou o lo’o fa’anofoesea i le Falema’i ma le to’atolu (3) o lo’o i le Potu Tigāina (ICU) mai le 2:00 i le aoauli o le Aso 19 Aperila 2022 i le 2:00 i le aoauli o le Aso 20 Aperila 2022. Ua si’itia ai nei le aofa’iga oi latou mai le mamalu lautele o le atunu’u ua a’afia i le fa’amai o le KOVITI-19, i le 7,114.
Ua lipotia mai fo’i e le Matāgaluega o le Soifua Mālōlōina e to’avalu (8.) i latou fou ua fa’amauina mai i le uafu fa’avāomālō (Port of Entry) ua pesia i le siama i totonu o lenei 24 itula ma ua si’itia ai le numera oi latou na malaga mai fafo i totonu o Samoa (border) i le 71.
E fa’amanatu atu pea i le mamalu lautele o le atunu’u ina ia tausisia puipuiga uma mai le Matāgaluega o le Soifua Mālōlōina, e ala i le faia o tali fofoga, tausisia le va ma le isi tagata (social distancing) ma ia tautuanā le nonofo lelei i ‘āiga ma ia fa’anofoesea i se vaega fa’apitoa o lou fale pe a masalomia ua e a’afia i āuga o le siama. E fautuaina fo’i le mamalu o le atunu’u, ina ia faia tui puipui o le Koviti – 19 auā lava le tete’e atu i le fa’ama’i mo le saogālēmū ma le malu puipuia o fanau fa’apea ‘āiga.
Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina i le ta tonu o le 2:00 i le aoauli o le Aso 19 Aeprila e agai atu ile itula e 2:00 ole aoauli o le Aso 20 Aperila 2022, ma ua au’ili’ili atu e fa’apea:
