TALA LATA MAI O LE PEPESI AI TUA O LE KOVITI-19
LATOU UA A’AFIA I LE KOVITI-19
Ua fa’amaonia e le Matāgaluega o le Soifua Mālōlōina le fa’aopoopo oi latou fou e to’a 263 mai le mamalu o le atunu’u lautele ua pesia i le siama o le Koviti-19, ma ua si’itia ai i le 3,260 le aofa’i atoa oi latou a’afia talu ona sao i tua le fa’ama’i i le Aso 17 Mati 2022, peita’i toe na’o le 1,712 i latou o lo’o mama’i i le taimi nei.
E to’aiva (9) i latou o lo’o taofia i le Maota Gasegase i Moto’otua. E tusa ma le 96% o le namalu lautele o le atunu’u ua pesia o lo’o nonofo i Upolu ma le 4% oi latou o lo’o aumau i Savai’i, ae o lo’o tumau pea le leai o se tasi ua fa’amauina ua pesia i le siama o le Koviti-19 i Manono – Tai ma Apolima – Tai . O le aofa’i o su’ega (RATs) ua fa’aāogaina mo le atunu’u atoa e 29,630.
TALA LATA MAI O LE FA’AGASOLOGA O LE TUIGA
I fa’amaumauga a le Matāgaluega o le Soifua Mālōlōina ua fa’ailoa ai e 97.6% o Samoa e agava’a mo le tui puipui o le Koviti – 19 ua mae’a faia o latou tui muamua, 71.9% ua uma o latou tui lona lua. O le aofa’i atoa oi latou e 18 tausaga ma luga atu le mātutua ua mae’a o latou tui fa’aopoopo e 48,475.
