TALA LATA MAI O LE PEPESI AI TUA O LE KOVITI – 19 I SAMOA
Ua fa’amaonia e le Matāgaluega o le Soifua Mālōlōina le pesia ai o i latou fou e 644 mai le mamalu lautele o le atunu’u i totonu o lenei 48 itula mai le itula e 2:00 i le aoauli o le Aso 24 Aperila 2022 i le itula e 2:00 i le aoauli o le Aso 26 Aperila 2022.
Ma ua si’itia ai i le 8,923 i latou ua a’afia i le siama o le Koviti – 19, e to’a 19 i latou o lo’o taofia i le falema’i ma le to’atasi o lo’o i le Potu Tigāina (I.C.U.) i le Maota Gasegase i Moto’otua.
O le aofa’i o e o lo’o faigaluega i luga o le uafu fa’avāomālō i Matā’utu (Port of Entry) sa pesia e 72 e aofia ai ma se gasegase fou e to’atasi (1) na fa’amauina i totonu o lenei 48 itula.
E fautuaina le mamalu lautele o le atunu’u ina ia faia tui puipui ma ia tausisia aiaiga masani ua fa’ailoa atu e tete’e ai i le siama o le Koviti – 19. Ia tautuanā, nonofo lelei i aiga ma ia fa’anofoesea i se vaega fa’apitoa o lou fale pe a masalomia ua e a’afia i āuga o le siama ma ia faia tali fofoga.
O le faia o lou tui puipui, o le puipuiga sili lea tatou te tete’e atu ai i le Koviti – 19. O lo’o fa’agasolo pea tuiga i nofoaga ua fa’atulagaina, fa’amolemole afifio i nofoaga latalata ane auā le fa’amae’aina o ou tui puipui po’o le tui fa’aopoopo fo’i (booster).
Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina mai le ta tonu o le 2:00 i le aoauli o le Aso 24 Aeprila se’ia oo i le 2:00 i le aoauli o le Aso 26 Aperila 2022, ma ua au’ili’ili atu e fa’apea:
