Ua fa’amauina e le Matāgaluega o le Soifua Mālōlōina le pesia ai o i latou e to’a 128 i le siama o le Koviti-19 mai le Aso 01 Iuni 2022 se’ia o’o mai i le Aso 03 Iuni 2022.
E to’a 10 gasegase o lo’o taofia i le Falema’i i Moto’otua ae leai se tasi o taofia i le Potu Tigāina. Ma ua si’itia ai le aofa’i o e ua pesia i le KOVITI-19 i totonu o Samoa i le to’a 13,924.
E fautuaina le mamalu o le atunu’u ina ia fa’aauau pea ona faia tali fofoga i taimi uma, tausisi i le nofo ma le tutū vāvā mai le isi tagata, fufulu mamā lima pe a tagofia ni mea faitino, ma ia manatua o lo’o fa’aauau pea a tatou tuiga masani o le Koviti-19.
O le faia o lou tui puipui o le puipuiga sili lea mo tatou uma e tete’e atu ai i lenei fa’ama’i. O la tatou galuega fai fa’atasi o le puipuia o oe, o lou ‘āiga ma e pele iā te’i tatou.
O le Aotelega lea o le tulaga o lo’o i ai le pepesi o le Koviti – 19 i totonu o Samoa, ua fa’amauina mai i totonu o le 48 itula mai le 2:00 i le aoauli o le Aso 01 Iuni 2022 se’ia o’o mai i le Aso 03 Iuni 2022. Mo nisi fa’amatalaga e fia malamalama atili ai, fa’amolemole asiasi i le ‘upega tafa’ilagi a le Matāgaluega o le Soifua Mālōlōina: (https://www.health.gov.ws/ ) Po’o le fa’afesootai foi o le numera o le telefoni (6008440) mo nisi fa’amatalaga.
