TALA LATA MAI O LE PEPESI AI TUA O LE KOVITI – 19
Ua lipotia mai e le Matāgaluega o le Soifua Mālōlōina, e to’a 60 i latou ua fa’amaonia ai le pesia i le siama o le KOVITI-19, e tusa ai ma fa’amaumauga mai i le 2:00 i le aoauli o le Aso 17 Iulai i le 2:00 i le aoauli o le Aso 19 Iulai 2022. Mai i lea fuainumera, o lo’o aofia ai le to’a 59 i latou mai i le mamalu lautele o le atunu’u, ma le to’atasi (1) na faimalaga mai i totonu o le atunu’u. Ua si’itia ai le aofa’iga o i latou (community & border cases) ua a’afia i le siama o le Koviti–19 i totonu o Samoa i le 15,243. E to’alua (2) ua fa’amauina o lo’o taofia i nofoaga fa’apitoa i le Maota Gasegase i Moto’otua.
E logologo puialii atu pea le mamalu o le tatou atunu’u, fa’amolemole ia tausisia pea fautuaga mai le Soifua Maloloina ina ia faia tali fofoga, tutū ma nofo vāvā mo le lua mita mai le isi tagata, fufulu mamā lima pe a mae’a ona tagofia ni meafaitino, ina ia fa’aitiitia ai le so’ona pepesi o le siama.
E tumau pea fautuaga mo le atunu’u atoa ina ia aga’i i se falema’i lata ane mo le faia o lou tui puipui o le Koviti – 19, auā o le puipuiga sili lea mo i tatou e tete’e atu ai i le ma’ema’eā o lenei vairasi. Ua fa’amalo le onosai ma le nofo tatalo, o lea ua amata lafoia ataata o taulelei mo si o tatou atunuu.
AOTELEGA O LE GALUEGA FA’AAUAU A LE MATĀGALUEGA O LE SOIFUA MĀLŌLŌINA MO LE PUIPUIGA O SAMOA MAI LE KOVITI – 19. O lenei lipoti sa tu’ufa’atasia mai le 2:00 i le aoauli o le Aso 17 Iulai 2022 se’ia aulia le Aso 19 Iulai 2022 i le 2:00 i le aoauli. Fa’amatalaga au’ili’ili o le tulaga o lo’o i ai le fa’ama’i i Samoa fa’apea le tuiga o lo’o tu’uina atu i le kalafi o lo’o i lalo. Ae mo nisi fa’amatalaga fa’aopoopo fa’amolemole asiasi i le ‘upega tafa’ilagi a le Matāgaluega o le Soifua Mālōlōina (http://www.health.gov.ws) po’o le valaau o le telefoni numera 8006440.
| TULAGA UA IAI LE FA’AMA’I I SAMOA | AOFA’I O GASEGASE |
| O le aofa’iga o i latou fou ua pesia i le siama o le Koviti – 19 i totonu o lenei 48 itula. O i latou uma nei ua ma’ea su’ega fa’afoma’i o le PCR ma le RAT Tests* 17 Iulai ile 2:00 ile aoauli – 18 Iulai ile 2:00 ile aoauli – 48 i latou fou ua pesia ile fa’amai 18 Iulai ile 2:00 ile aoauli – 19 Iulai ile 2:00 ile aoauli – 12 i latou fou ua pesia ile fa’amai | 60 |
| Aofa’iga o i latou ua a’afia i le Koviti – 19 talu ona mama i tua le fa’ama’i i le Aso 17 Mati 2022 | 15,088 |
| Aofa’iga o i latou na malaga mai fafo i totonu o Samoa sa pesia i le Koviti – 19 talu mai Novema o le tausaga 2020 | 155 |
| Aofa’i atoa o e ua pesia i le Koviti – 19 i totonu o Samoa | 15,243 |
| LATOU NA TAOFIA I LE FALEMA’I ONA O LE KOVITI – 19 O le aofa’i atoa o e na pesia i le siama o le Koviti – 19 sa tu’uina atu i le falema’i i Moto’otua talu mai le Aso 17 Mati 2022 – 294 tagata Aofa’iga oi latou sa pesia ua toe malolosi ma te’a mai le falema’i o TTM – 260 Oi latou o lo’o taofia pea i totonu o lenei 24 itula >To’alua (2) o lo’o taofia i le Falema’i i Moto’otua | |
| Aofa’i o maliu fou i totonu o lenei 48 itula** | 0 |
| Aofa’i atoa o e ua māliliu talu ona pepesi i tua le fa’ama’i i le Aso 17 Mati 2022 | 29 |
| Aofa’iga o su’ega fa’afoma’i sa faia se’ia o’o mai i le Aso 17 Iulai 2022 i le itula e 2:00 i le aoauli (RAT Tests) *** | 172,019 |
*O nofoaga uma o lo’o tu’uina atu sa faia ai su’ega o le Koviti – 19, e aofia ai falema’i, nofoaga fa’alesoifua mālōlōina, falema’i tumā’oti, o nofoaga o lo’o faia su’ega ua fa’atulagaina fa’atasi ai ma le lipoti mai lava a tagata ta’ito’atasi sa faia e ia lana lava su’ega.
**O i latou ua faitauina i e ua māliliu ona o le Koviti – 19, ua mae’a ma mautinoa uma i fa’amaumauga ma su’esu’ega ua lipotia e le Ofisa ma fa’amauina ai o sea maliu e feso’ota’i ma āuga o le Koviti – 19
FA’AMAUINA: E iai nisi o maliu sa resitalaina, ua fa’amauina e lê feso’ota’i ma le KOVITI-19
***O su’ega uma e faia e fesuia’i lava le fuainumera i aso uma pe a mae’a ona faitauina i aso ta’itasi
