TALA LATA MAI O LE PEPESI AI TUA O LE KOVITI – 19
I le lipoti a le Matāgaluega o le Soifua Mālōlōina i totonu o le 96 itula mai le 2:00 i le aoauli o le Aso 21 o Iulai e agai atu i le 2:00 i le aoauli o le Aso 25 o Iuni, 2022, ua fa’amauina ai e to’a 56 i latou fou ua pesia i le siama o le Koviti – 19 i totonu o Samoa. Mai i lea fuainumera, e to’a 54 e mai le mamalu o le atunu’u ma le to’a 2 na malaga mai i totonu o Samoa ua fa’amaonia ua pesia i le fa’amai. Ma ua si’itia ai le aofa’i o e ua a’afia i le fa’ama’i i le 15,374. Ua lipotia mai e le Matāgaluega, e to’alima (5) i latou o lo’o fa’anofoesea i nofoaga fa’apitoa ma le to’atasi (1) o lo’o i le Potu Tigāina (I.C.U.) i le Falema’i i Moto’otua.
I le fa’amalosia pea o puipuiga mo i tatou e tete’e atu ai i le ma’ema’eā o lenei vairasi, e fautuaina ai pea le mamalu o le atunu’u ina ia aga’i i se falema’i lata ane mo le faia o tui puipui o le Koviti – 19.
E tumau pea fautuaga mo le atunu’u atoa, fa’amolemole ia tausisia fautuaga ma lapataiga mai le Soifua Maloloina e tu’uina mai i taimi uma.
AOTELEGA O LE GALUEGA FA’AAUAU A LE MATĀGALUEGA O LE SOIFUA MĀLŌLŌINA MO LE PUIPUIGA O SAMOA MAI LE KOVITI – 19. O lenei lipoti sa tu’ufa’atasia mai le 2:00 i le aoauli o le Aso 21 Iulai 2022 se’ia aulia le Aso 25 Iuni 2022 i le 2:00 i le aoauli. Fa’amatalaga au’ili’ili o le tulaga o lo’o i ai le fa’ama’i i Samoa fa’apea le tuiga o lo’o tu’uina atu i le kalafi o lo’o i lalo. Ae mo nisi fa’amatalaga fa’aopoopo fa’amolemole asiasi i le ‘upega tafa’ilagi a le Matāgaluega o le Soifua Mālōlōina (http://www.health.gov.ws) po’o le valaau o le telefoni numera 8006440.
| TULAGA UA IAI LE FA’AMA’I I SAMOA | AOFA’I O GASEGASE |
| O le aofa’iga o i latou fou ua pesia i le siama o le Koviti – 19 i totonu o lenei 96 itula. O i latou uma nei ua ma’ea su’ega fa’afoma’i o le PCR ma le RAT Tests* 21 Iulai ile 2:00 ile aoauli – 22 Iulai ile 2:00 ile aoauli – 18 i latou fou ua pesia ile fa’amai 22 Iulai ile 2:00 ile aoauli – 23 Iulai ile 2:00 ile aoauli – 7 i latou fou ua pesia ile fa’amai 23 Iulai ile 2:00 ile aoauli – 24 Iulai ile 2:00 ile aoauli – 14 i latou fou ua pesia ile fa’amai 24 Iulai ile 2:00 ile aoauli – 25 Iulai ile 2:00 ile aoauli – 17 i latou fou ua pesia ile fa’amai | 56 |
| Aofa’iga o i latou ua a’afia i le Koviti – 19 talu ona mama i tua le fa’ama’i i le Aso 17 Mati 2022 | 15,217 |
| Aofa’iga o i latou na malaga mai fafo i totonu o Samoa sa pesia i le Koviti – 19 talu mai Novema o le tausaga 2020 | 157 |
| Aofa’i atoa o e ua pesia i le Koviti – 19 i totonu o Samoa | 15,374 |
| LATOU NA TAOFIA I LE FALEMA’I ONA O LE KOVITI – 19 O le aofa’i atoa o e na pesia i le siama o le Koviti – 19 sa tu’uina atu i le falema’i i Moto’otua talu mai le Aso 17 Mati 2022 – 298 tagata Aofa’iga oi latou sa pesia ua toe malolosi ma te’a mai le falema’i o TTM – 261 Oi latou o lo’o taofia pea i totonu o lenei 24 itula >To’alima (5) o lo’o taofia i le Falema’i i Moto’otua >To’atasi (1) o lo’o taofia i le potu tigāina (ICU) | |
| Aofa’i o maliu fou i totonu o lenei 96 itula** | 0 |
| Aofa’i atoa o e ua māliliu talu ona pepesi i tua le fa’ama’i i le Aso 17 Mati 2022 | 29 |
| Aofa’iga o su’ega fa’afoma’i sa faia se’ia o’o mai i le Aso 23 Iulai 2022 i le itula e 2:00 i le aoauli (RAT Tests) *** | 175,532 |
*O nofoaga uma o lo’o tu’uina atu sa faia ai su’ega o le Koviti – 19, e aofia ai falema’i, nofoaga fa’alesoifua mālōlōina, falema’i tumā’oti, o nofoaga o lo’o faia su’ega ua fa’atulagaina fa’atasi ai ma le lipoti mai lava a tagata ta’ito’atasi sa faia e ia lana lava su’ega.
**O i latou ua faitauina i e ua māliliu ona o le Koviti – 19, ua mae’a ma mautinoa uma i fa’amaumauga ma su’esu’ega ua lipotia e le Ofisa ma fa’amauina ai o sea maliu e feso’ota’i ma āuga o le Koviti – 19
FA’AMAUINA: E iai nisi o maliu sa resitalaina, ua fa’amauina e lê feso’ota’i ma le KOVITI-19
***O su’ega uma e faia e fesuia’i lava le fuainumera i aso uma pe a mae’a ona faitauina i aso ta’itasi
Sa tapena foi e le Matagaluega o le Soifua Maloloina se lipoti mo lenei fitu aso (tasi le vaiaso) mai i le aso 17 o Iulai se’ia o’o i le aso 24 o Iulai, 2022. O lenei lipoti o loo tu’ufa’atasia ma au’ili’ili ai fa’amaumauga o le fa’amai mai lava i le aso na fa’amaonia ai le pepesi atu ai i tua ile mamalu lautele o le atunu’u. Ua fa’amauina fo’i fa’amaumauga mo tui puipui ua mae’a fa’atinoina mo le atunu’u atoa. Silasila i le lipoti ua saunia e le Matagaluega ua tu’uina atu mo nisi fa’amatalaga.
—-MA’EA—
