I le ava tele, ua fa’alauiloaina atu tau fou o le suau’u e afua atu i le Aso 1 o FEPUARI,2024.
Ua fa’amauina le pau uma o tau o oloa tau suauu, o le Penisini o le a pau i le 2.7 sene i le lita mai le $3.15 i le $3.12 i le lita, o le Tiso o le a pau i le 6.0 sene i le lita mai le $3.38 i le $3.32 i le lita ma le Karasini o le a pau i le 2.4 sene i le lita mai le $3.00 i le $2.98 i le lita. O tau o le suauu mo le masina o Fepuari o loo faatulagaina mai i le tau o le suauu i Sigapoa i le masina o Tesema 2023.
O loo faaauau ona pau tau o suauu e lei faamamaina ma suauu ua faamamaina i le masina o Tesema e ui i le faaitiitia o suauu gaosia e atunuu o loo i lalo o le Faalapotopotoga o Atunuu o loo Gaosia ma Tufatufaina le Suauu (OPEC +), aemaise o popolega i aafiaga o le taua o loo faia i le va o Hamas ma Isaraelu. Sa osofaia foi e fitafita o Houthi le vaa suauu i le sami ulaula (red sea) ma avea ma mafuaaga ua siitia ai le tau o le felaauaiga o le suauu i luga o le vasa (freight).
AUMAI – Matagaluega o Tupe
