O le asō na fa’atinoina ai le sauniga mo le taua’aoina o Harvest Bins ma masini mo le vaega Fa’asu, ile faigapa’aga ale Matagaluega o Faatoaga ma Faigafaiva, ma le faalapotopotoga ole PACER Plus ile Pasefika.
I le saunoaga autu I lana Afioga ile Minista, Laaulialemalietoa Leuatea Polataivao Fosi Schmidt, sa ia fa’atauaina ai le aoga o lenei fa’amaite, e lagolagosua ai ile au faifaatoaga faapea ai foi le faaleleia ma le siitia ai o le lelei o oloa auina atu mo maketi I fafo. Na faailoa e lana Afioga, o lenei faamoemoe ole a fesoasoani tele e foia ai nisi o lu’itau o fa’afeagai ma le au fai faatoaga faapea le auaveoloa ile feaveai’ina ma tapenaga lelei o fua o fa’atoaga mo le auina atu i maketi i fafo.
Na saunoa foi le faaulu’uluga ole vaega a le PACER Plus, susuga ia Roy Lagolago, ile fa’atumauina pea o lenei faigapa’aga, mo fesoasoani tu’uina mai mo le fa’aleleia o atina’e ese’ese mo le lumanai manuia o Samoa.
I le agaga ole fiafia, na fa’afetaia ai e lana Afioga ile Minista o Faatoaga ma Faigafaiva, le Malo o Ausetalia ma le Malo o Niu Sila, tauala atu ile fa’alapotopotoga ale PACER Plus mo le faatupeina o lenei fesoasoani taua.
MAEA.
