Aso Lua, 7 Me 2024, 9.00am – Old Orchestra Building Malifa
Ae oute le’i taiaina ‘ulufao, pe ou te toe sasaina le fala e pei o le faiva o pōula auā e faigata le paia ma le mamalu ua e’eta’i nei olo’o tootoo alii aua se manuia o alo ma fanau o Samoa. E muamua ona ou faatalofa ma faafeiloai atu ia outou afioga.
E faapitoa foi se faatalofa i le pa’ia i Pa’aga na tauala mai ai le foa’i mo lenei polokalama, le Rotary a Niu Sila faapea pa’aga i totonu o si o tatou atunuu le Kalapu ale Rotary i Apia faapea le Faavae o A’oa’oga Faasaienisi, Talofa Lava.
O lea ua maea ona papae paia ma mamalu o le aso. Ua manino foi ‘au o fala o lenei aso i le aofaga potopoto mai o malo faaaloalogia; i le susu o lau susuga i le ta’ita’i o le sauniga, afifio faauluuluga o faalapotopotoga mai fafo. Afio lau afioga i le Komesina o Niu Sila, ua tala mai aao o le Komesina o Ausetalia, afifio sui o malo mai fafo. Susu mai susuga i asiasiaoga faapea le mamalu o puleaoga. Le mamalu ua afifio mai i lenei aso ua talagapasina ai le taeao i Malifa nei.
O le asō e le o se aso na faafuaveta, a o le aso sa tau ao ma tau po aua e le’o se galuega na faia ananafai. O le Imagine Science o se galuega ua leva ona galulue ai le tatou matagaluega i le vaega o Mataupu A’oa’oina, Tusiaoga ma Algaoa (CDMD) le Vaega o Aoaoga mo Faiaoga (TDAD) ma le vaega a le Imagine Science.
O le galuega na faia muamua o le tapenaga o Taunuuga o A’oa’oga o le Faasaienisi olo’o moomia le faalautele ma faatino faata’itaiga faasaienisi e faama’ite ai le fiafia o fanau i lenei mataupu. Ua taoto la vaega na, ua uma na soalaupule ma faasoa ai le matagaluega ma le Imagine Sciene. O le tausaga lenei ua faatamilo ai le polokalame lenei i ni isi o itumalo.
Ua asiasi atu le polokalame e faatino fa’aaliga i totonu o aoga e ta’imua ai le tatou Samoa Imagine Science Samoa. Ua faaopoopo le igoa Samoa i le polokalame ona o le galuega faifaatasi a le matagaluega o aoga ma aganuu ma a tatou pa’aga ma faalapotopotoga o malo mai fafo.
O le taeao nei o lea ua o tatou molimauina le faamoemoe o se tasi o matati’a a le matagaluega ua ‘ausia. Ua iai le fale faapitoa mo fa’aaliga faasaienisi e aga’i mai ai fanau, faiaoga ma le mamalu o le atunuu. Ua le ‘ese le fale lea ma le fale mata’aga i lona tino mai. O le fale maimoa mo faataitaiga faasaienisi (science experiment) ma le tele o alaga’oa mo fanau aoga. O le fale lenei o le puna o a’oa’oga faasaienisi.
O le faamoemoe ia avea lenei fale ma nofoaga e saili ma su’esu’e ai le fanau i vaega o moomia ai lo latou malamalama ia faalautele. E lē gata i lena a ‘ia avea foi fa’aaliga ma fa’ata’ita’iga e faia i totonu o lenei fale e fai ma auala e faafiafia ai fanau e su’esu’e i le lalolagi olo’o siomia ai i latou.
Ua tele mau fesoasoani e tuuina i ā tatou aoga mo a’oa’oga ae pei ua ‘ese foi le tino mai o lenei atina’e. O le ala lea e lē faaitiitia ai le faafetai a le tatou malo aemaise le matagaluega o aoga ma aganuu i ā tataou pa’aga e pei o le malo o Ausetalia male malo o Niu Sila tauala mai ile faalapotopoto tumaoti ole Rotary New Zealand World Community Service Limited olo’o ua fai pa’aga ma lala i Samoa nei ua faaigoaina ole Rotary Club of Apia, Samoa ma le Education and Science Foundation ile fausia male tuufaatasia o lenei atina’e.
Faaleoina le agaga faafetai tele i le susuga ia Ruth ma lona auvaa i le faafoefoeina o lenei polokalame i soo se auala ua latou silafia e agavaa mo le a’oa’oina o alo ma fanau i vaipanoa o le olaga faasaienisi. Malo Lava.
Faafetai tele le lagolago mai pea i polokalame faaleaoaoga i so’o se magāvai e tafe mai ai manuia mo nai fanau.
Talosia ia lenei fale mo lona ‘anofale ‘ia fa’aauau pea lona aogā i le faasoa mai e le gata ī fanau a o faiaoga foi. O le faamanatu e lē na o le fau o le fale ma tuu I ai le ‘anofale a ia aogā lona ‘anoāfale.
Greetings ladies and gentlemen, it is with great pleasure to welcome everyone to our beautiful venue today. I’d like to extend a special welcome to our donor partner, Rotary New Zealand and in-country partners Rotary Club of Apia and The Education and Science Foundation. Talofa Lava.
It is On behalf of the government of Samoa, I would like to thank our donor partners, the government of Australia, the government of New Zealand through the New Zealand Non-governmental organisation of Rotary New Zealand World Community Service Limited and partnerships namely Samoa’s Rotary Club of Apia and Education and Science Foundation and Imagine Science Samoa for this initiative. Also, acknowledging the work, assistance and cooperation of Ruth and her team in the development of science but also giving support through this program making the students learnt through countless practical ways of science.
We are very thankful to all of you for your effort in ensuring that children of Samoa are provided with the best resources to explore and discover science around them.
Imagine Science Samoa aims at providing quality education to all those children who are learning science. Considering the present times, we understand the importance of learning about our environment, the space, the gases, the things around us, and why the climate is changing; this is why the ministry together with Imagine Science Samoa have recently renovated the old CMAD building to establish the Imagine Science Centre so that our teachers, our children and everyone can visit and discover what science is all about. I encourage you all to visit the Imagine Science Centre. Let this building be the one of the windows opened for future engineers, doctors, teachers, pilots, researchers, scientists, and others.
Again, I urge you principals and teachers to use this building.
Manuia tele lenei aso.
