(Taumeasina Island resort, 2 Iulai 2024, 9.00 taeao)
Faafetai le afifio mai ma le faaavanoa mai o outou taimi i lenei taeao mo lenei faamoemoe taua ua fa’a autuina “O Fuainumera Faamauina Aloaia, ma Fetu’unaiga moomia i Tulafono ina ia talafeagai ma Suiga mai lea taimi i lea taimi”.
Ua manatu e taua le faailo o le auga o le faamoemoe, e logologo puialii lo outou mamalu i atinae o loo fa’agasolo e le Matagaluega o Fuainumera Faamauina, aemaise ma nisi o suiga e tatau ona faatino e afua mai i nei atinae, e pei o le toe iloilo o le Tulafono o loo limataitaia ai le tuufaatasia o faamaumauga faafuainumera i le tulaga ua aloaia ile Faavae o Faamaumauga a le atunuu (National Statistics System).
E le na ma le laina ile silafia le sao o fuainumera faamauina, e faavae ai faaiuga fai mo le ola manuia o tagata o soo se sosaiete, i le faanaunaitaiga, “O fuainumera sa’o ma fa’atuatuaina, o faavae mautu mo le ola manuia o tagata”. O lona uiga, o fuainumera sa’o atoatoa ma faatuatuaina, o fetu pupula e taiala ma faavae ai faaiuga fai a taitai o Malo, faalapotopotoga eseese ma le atunuu, ao faavae mausali foi e limataitai ai le tuufaatasia o taiala, faiga faavae ma fuafuaga mo atinae manuia gafataulima e manuia ai tagata uma, e pei ona laualuga i le faamoemoe o le Taiala mo le Lumanai Manuia o Samoa (PDS) 2021/22 – 2025/26.
O le ala foi lea e ao ai lava ona taumafai pea e faaleleia le tulaga o faamaumauga ina ia mafai ona tali atu i luitau e pei ona iai:
Aafiaga o galuega ona o le faamai o le Koviti 19 ma taofia ai galuega faafuainumera e pei o le aoina ma tuufaatasia o faamaumauga mai suesuega (surveys ma censuses) mai pisinisi, aiga ma tagata taitoatasi e pei ona masani ai.
Le faigata ona maua e le Ofisa o Fuainumera o faamaumauga moomia i le tulaga auilili (admininistraive data) a nisi o Matagaluega ma Faalapotopotoga e pei o le NPF, Soifua Maloloina, Ofisa o Lafoga ma nisi ona o fete’enaiga o tulafono.
E umi ma tuai le faiga o loo faaaoga ile taimi nei ile va o le Matagaluega o Fuainumera ma isi Matagaluega po o Faalapotopotoga, ona e tatau ona faamautu muamua ni Maliega ma sainia aloaia, faatoa mafai ona faamatuu mai ai ni faamaumauga.
O le iloiloga o le Tulafono o Fuainumera 2015, o se tasi lea o galuega o loo ave ai le faamuamua ile atinae o fuainumera faamauina e pei ona faataoto ile Taiala mo le Atinae o Fuainumera Faamauina (Samoa Statistics Strategy) 2022 – 2026 sa faalauiloa ile 2022.
O le lauliliuina o vaega o lenei tulafono, o le a mafai ona tali atu i manaoga tau fuainumera moomia tele e le Malo ma ona tagata i soo se vaitau o le soifuaga. E le gata i lea o aafiga o le soifuaga e pei o faama’i ma isi, a o le tula’i mai o suiga i le lalolagi ma isi foi auala e maua ai Faamaumauga Tetele po o Big Data (o faamaumauga e maua mai vaega faatekonolosi), e pei o faamaumauga o loo ao mai telefoni ma isi.
O nisi o teuteuga o le Tulafono e aofia ai:
Le aloaia faale-tulafono o le faaaogaina ma le faasoaina o faamaumauga talafeagai o aoina e Matagaluega ma Faalapotopotoga uma a le Malo. E tuufaatasia ai nisi o faailoilo taua ma moomia tele mo le atunuu i taimi vave aemaise ai o le fesoasoani e faaitiitia tupe faaalu a le Malo i le faatinoina o nisi o suesuega tetele e pei ona faaaogaina e aoina ai nei faamaumauga.
Faatalanoaga Faalauaitele o nisi o fesuia’iga o Taiala ma Tulafono mo le Atinae o Fuainumera Faamauina e afua ona o Suiga ma Taimi
Le mafai ai ona tali atu o le Ofisa o Fuainumera i se taimi vave i manaoga tau fuainumera a paaga uma o loo faaaogaina faamaumauga i soo se vaitau o le soifuaga, e pei o Matagaluega ma Faalapotopotaga a le Malo, o Vaega Maoti, Pisinisi ma tagata lautele. Aua a mafai ona faataga le faasoaina o faamaumauga nei ma paaga, o le a mafai ai ona tuufaatasia e le Ofisa o Fuainumera nisi faamaumauga atoatoa i se taimi vave.
Faaleleia o metotia e tuufaatasia ai faamaumauga aemaise o le tomai a le aufaigaluega e tuufaatasia ai faamaumauga e faaaogaina ai auala ma metotia faaneionapo e pei o itu tau tekonolosi.
Teuteuga i tiute tauave a le Ofisa ina ia atagia ai le mafai ona tuufaatasia (produce) ma faamatuu atu (disseminate) ai faamatalaga o faamaumauga faafuainumera.
Faamamafa ma faataua le tutoatasi o faamaumauga a le Ofisa ina ia tumau pea le faatuatuaina ma vave tuuina atu mo le faaaogaina.
Tuuina i totonu suiga e atagia ai le malu puipuia o faamaumauga moomia (administrative data) o loo tuuina mai I le Ofisa e Matagaluega a le Malo, Faalapotopotoga ma isi.
Tuuina i totonu le fesootaiga ma le Tulafono o Faamaoniga Aloaia Faatekenolosi o Tagatanuu o Samoa (National ID) i lalo o galuega tauave faapitoa faaopoopo a le Matagaluega ma tapenaga tuufaatasi o Lipoti Faaletausaga.
O lea faamoemoe, ua amata mea ai le Matagaluega o Fuainumera Faamauina i le galulue faatasi ai ma ana paaga uma, o i latou e aofia ile atinae o fuainumera faamauina. E unaia le saunia lelei o taiala ma metotia, aemaise foi o le toe tagai lelei i Tulafono Autu o limataitai ai auaunaga, ina ia mautinoa le gafataulimaina ai o le tuufaatasia ma faalauiloaina o faamaumauga sa’o ma atoatoa. E tali atu ai ile siitia o manaoga mai soo se vaega o le tamaoaiga ma le soifuaga o tagata.
Oute fia faaaaoga ai lenei avanoa, e valuvalusia ai a’a o le laau ia te outou uma ua potopoto mai nei ina ia tuuina mai lo outou lagolagosua aemaise le tofa tatala e faufau ma faaleleia atili ai atinae o fuainumera famauina. Ia faamausali ai faaiuga fai ma pulega lelei e unaia ma faavae i faamaumauga sa’o, atoatoa ma faatuatuaina. O le tatou vaa e fau faatasi aua se manuia lautele o le tatou atunuu.
Ia manuia tele fetufaaiga o le a feagai ma lenei mamalu i le aso.
…………………………………………………..
Greetings to you all.
It is indeed a great pleasure for me to welcome you all here today and be part of this important workshop on, “Official statistics and related Legislation in times of change”, jointly organised by the Samoa Bureau of Statistics (SBS) in collaboration with the World Bank and United Nations (UN).
As stakeholders responsible for strategic decision-making and utilizing official statistics, as well as producer of statistics, you have been cordially invited to be informed and to gather your insights and feedback on the forthcoming amendments to the statistical legislations that are set to be introduced during today’s session. Our deliberation on the amendments is crucial towards enhancing the effectiveness of our national statistics system.
In addition, this workshop will also raise awareness amongst ourselves about the importance of modernizing Samoa’s statistical systems. By leveraging innovative data sources such a phone data, big data, and administrative data like tax data, and employment data from various Government agencies, we can significantly improve our statistical capabilities. However, to access these alternative data sources, amendments to the statistical legislation are necessary.
As we embark on this transformative journey, it is also important to highlight that the legislative review is a crucial component of our planned efforts within the Samoa Statistics Strategy. Further, it will address significant challenges faced by our statistical operations including:
Disruption of our planned surveys and censuses, thus affecting routine data collection due to impacts such as COVID 19.
Difficulty accessing administrative data from other Government agencies due to legislative conflicts.
The lengthy process that is currently required for collecting data, which involves signing of MOUs before proceeding.
The proposed amendments to the Statistics Act will primarily look at:
Strengthening governance in the national statistical system
Building trust in official statistics
Leveraging innovative data sources for enhanced statistical production
Expanding provisions on confidentiality in statistical legislation
Incorporating the National ID as another additional function under the Bureau
These areas are important in driving Samoa’s narrative of sustainable growth, resilience, and informed decision-making.
The Samoa Bureau of Statistics (SBS) as the co-ordinator of the statistical system, in collaboration with its partners, is continuing to strive to produce high-quality and trustworthy official statistics for the different data users based on the principles of official statistics, and invest in developments to further strengthen the capacity of the National Statistical System to respond to stakeholder statistical needs.
The Government of Samoa acknowledges with appreciation, the continuing support and commitment from the World Bank & UN to the Samoa Bureau of Statistics in its responsibilities to meet the vision of the Samoa Statistics Strategy for 2022 – 2026 “An efficient statistical system that provides trusted and valued statistics to inform policy and decision making for the benefit of Samoa”. We applaud your dedication and are grateful for the opportunities provided to develop our country.
I wish all participants the best in your fruitful discussions and look forward to the outcomes of this workshop.
Soifua ma ia manuia.
SOURCE – SSamoa Bureau of Statistics
Photo by Government of Samoa (Leaosa Faaifo Faaifo)
