O lea ua sui le ula tau i le tini, ma ua motu i le ta’i le sauniga aloaia mo le faamanatuina o le 62 tausaga o le tatou Malo tutoatasi.
O lea foi ua maea ona taoto i matagofie, paia sausau gatā o Samoa, e afua mai i le matā saua seia pāia le Alataua, i le malelega a lana afioga i le Ao Mamalu o le Malo i le taeao ua mavae. Ona ou manatu ai lea, o le a le toe paopaoina faatupe muli o taulafoga le malu tau e’e ua to’ia ai Tiafau nei . O paia lava e tumau, ma e lē avea.
A o lenei aso, e le mavae le agaga faafetai. Aua e ui i so tatou naunau, ae tatou te le taumasina ma le finagalo o le Atua. Peitai, o lea ua fola i le laulelei ma lolo’u ifo lona agalelei, aua le faamoemoe o si o tatou atunuu.
O la tatou faafetai i le Atua, ua o tatou maua le laolao matagofie i lenei aso paolo ma le to’a filemu, e faataunuu ai le faamanatuina o le 62 tausaga o le Malo Tutoatasi o Samoa. O le ala lea, o so’o se faatasiga tele a le tatou Malo, tatou te faasifo muamua i le Atua, e topule mai lona Agaga. E pei ona momoli mai e le Taitai o le Sauniga i le taeao.
Ou te faafetai atu i lau afioga i le Ao Mamalu o le Malo mo lau malelega. O lenei sauniga faalemalo, e saga faamanatu mai ai pea lo tatou tofi o le Malo tutoatasi, ua foaiina mai mo o tatou tupulaga, aemaise fuaga o lalovaoa. Atoa ai ma le faatauaina o le sao o vaega uma o lo tatou atunuu, e taunapo i a tatou atinae, o le puipuiga, o auaunaga uma mo le soifua manuia o si o tatou atunuu, o lo tatou tofi tuufaasolo lea.
Ua ese lenei aso i le faatumulia o Tiafau nei i le afifio mai o le atunuu, o Matagaluega ma Faalapotopotoga, o Nuu ma Afioaga, ma Komiti esese, aemaise pule aoga ma faiaoga, ma le fanau aoga sa faatinoina la tatou solo faaaloalo. Faafetai tele le faamaopopo, faamalo le taupati mai i le faamoemoe o le atunuu.
Ou te faafetai atu i a tatou Malo faaaloalogia. Lau afioga i le Ulu o Toelau, ma lau afioga i le Loia Sili o le Malo o Tutuila ma Manu’a. Faafetai le afifio mai tatou te patipatia faatasi le faamoemoe o Samoa i lenei tausaga.
Ua fofoga le atunuu i nai suiga ua iai a tatou faamanatuga o le Tutoatasi, lea ua amata i le tausaga nei. O le faitau a le atunuu, e fesuia’i faiga ae tumau faavae. Ma e le tafia pe mamae le agaga maualuga o lo tatou Malo e faaauau pea lenei sauniga i tausaga taitasi mo le faamanatuina o lo tatou tutoatasi.
O le laolao taua foi lenei e mafai ai ona faatino ni polokalame a Itumalo taitasi i o latou laufanua mo le saga faamamaluina o lenei aso faitauina i lo tatou talafaasolopito.
Ua faamaalo i’uofe i le malelega a le Ao Mamalu o le Malo le tatou taligamalo mo le fono a Taitai o Malo o le Taupulega i a Oketopa.O le tatalo lea i le paia o lo tatou atunuu, ia o tatou mulumuluaufoe aua le tauleleia o le igoa o Samoa i lenei faamoemoe. A ia faatele ai le viiga o le Atua.
Samoa e, o le tatalo, ia tumau pea lo tatou tofi o le Malo tutoatasi, ma ia tatou maua pea le filemu ma le alofa o le Atua, e taitai ai la tatou folauga.
————————————————————————–
We have now come to the end of the official ceremony for the celebration of Samoa’s 62 years of Independence.
We welcome every opportunity to come together and to share on the essence of our sovereignty and the success of our democracy.
Let me acknowledge all those who took part in the march past this morning. Thank you for supporting our programme, and it was joyful to see all of you, and especially the young students enjoying the occasion.
I would like to extend my heartfelt gratitude to our guests of honour and all guests of government who have graced us with their presence in our celebration. Your participation has made this event truly memorable. We pray for the Lord’s divine guidance on our journey into the future, in the spirit of genuine partnerships and solidarity. For those returning home after the celebrations, we wish you safe travels to your countries.
This year’s celebrations align with the recent changes in government policy for the commemoration of our independence. It provides an opportunity for our people to celebrate independence in communities and in districts throughout the country.
May we continue to stand united as a nation, embracing our heritage, our Christian values, culture and traditions, and work together as we set sail into the future.
God bless, Soifua ma ia manuia.
Photo by Government of Samoa (Pesetā Tusiga Taofiga)
