Lau Susuga i le Taitai o le Sauniga – Lau Susuga Rev. Fereti Sefo
Lau Afioga i le Sui Palemia ma Minisita o le Kapeneta
Susuga i Alii Felela
Afioga i Fa’atamā o le Asosi o Alii ma Taimaitai Tuai o aoga a le
Malisi Le Afioga i le Peresitene ma tulagatofi o le Asosi o Alii ma
Taimaitai Tuai o aoga a le Malisi i Samoa nei Afioga i Peresitene ma tulagatofi o Asosi o Alii ma Tamaitai Tuai o aoga a le Malisi mai Atunu’u i Fafo Alii ma Tamaitai Tuai o aoga a le Malisi – le “Aiga Malisi”
Le paia sausaugatā o Samoa, mai ona tumutumu mauga seia pā’ia ona fatu lē gāe’e, ou te faatulou atu. Ou te taofi o paia, o sā ma faigā o le atunuu, ua taoto i matagofie, i le faautautaga mau a Tumua ma Pule. O lea ua o tatou ‘aleaga pi’ioa, ma o tatou feiloai fiafia i le fana’e o lenei taeao fou, i le alofa tumātila o le Atua.
O le asō, o le aso tatou te faafetaia ai lo tatou Matai Sili, aua o lea ua tatou aulia ma le manuia le faamanatuina o le 100 tausaga, talu ona fa’avae le Asosi o Alii ma Tamaitai Tuai, o ē sa aotauina i aoga a Felela Malisi i Samoa nei. O se la’asaga taua ua tatou molimauina fa’atasi. E ui o se savāliga umi, a’e o le folauga ua mautu ona pinefa’amau, o le sao na fa’afailele mai e Alii Felela, fa’apea Tuaā ma Matua ua fai i lagi le folauga, o ē na mua i malae ma asaina le gasū o le taeao.
I le faailogaina o lenei fa’amoemoe, tatou te manatua ai le fa’avaeina o lenei Asosi i le tausaga 1924, e nisi o Tama tuai i lena vaitau, e pei o le Afioga ia Taisi Olaf Nelson, o lē sa avea ma uluai Peresitene o le Asosi, a’o faaigoaina o le “Marist Old Boys Union” (O le Iuni a Tama Tuai o le Malisi).
A a le sao o Alii ma Tamaitai tuai o le Malisi i ā Samoa ma lona atina’e, o le taitaiga ma le tauaveina o tofiga eseese i Ekalesia Kerisiano, o le Malo, o le Vaega Tumaoti ma Pisinisi, aemaise le tausiga o Nu’u ma Alalafaga i le pule mamalu a alii ma faipule, o saoao ma augafaapae, ma faletua ma tausi. E faapea foi i le itu tau ta’aloga.
O lagisoifua ia o faamanuiaga a le Atua i le poto ma le atamai, o taleni ma agavaa ua faaaupegaina ai alii ma tamaitai o le Malisi, e tautua ai si o tatou atunuu. E le gata i Samoa nei, ae faapea foi i atunuu e mamao.
I atina’e o ta’aloga, aemaise le ta’aloga o le lakapi, o se tasi lea o sao taua o Alii Felala mo Samoa, i le aumaia ma le tapu’eina o taleni lakapi a fanau a Samoa. Ua loa le tautua a le Malisi i lea fa’agatama ma ua tele tama ma teine tuai ole Malisi ua fai ma avefu’a a Samoa i lenei ta’aloga. E faapea foi lona sao i isi taaloga i le atunuu.
E matauina lava pea le maopopo o le Malisi i ana polokalame ma
fuafuaga aemaise lava i le faamaopopoina o le Asosi o tama ma teine tuai. Ou te taofi, o ataata ia o le mapo o le lotoifale ma le pulega, ma e malosi le agaga e vanivani ma ta’ui i le loto e tasi le soalaupuleina o tonu fai, e amanaia le sao o tama ma teine tuai, e lelei ona faafoe tulaga tau tupe ma le tamaoaiga o loo faatino ai atinae a le Asosi, ma e i ai le ava fatafata. I le ma lenei, e lotolotoi ai le Atua i faamoemoega uma. O poutu ia e afua ai ona manuia taumafaiga a soo se faalapotopotoga.
Ou te taofi, o aga tausili ia, sa fuafuaina e i latou na amataina le Asosi a le Malisi, lea lava o loo faaauau pea e tupulaga i lo tatou vaitaimi. E le taumate o le malosiaga lea o le Asosi, sa taula iai i lana savaliga i lenei 100 tausaga.
E avea ai lenei laolao lelei, ou te molia ai le faafetai a le tatou Malo, i le sao o le Malisi i le atinae ma so’o se auaunaga i le Malo ma le atunuu. E afua mai i le 1924, seia oo ina faavae lo tatou Malo Tutoatasi i le 1962, e oo mai i le aso, e le o mavae pe faaitiitia le sao o le Malisi i a Samoa.
Faafetai tele mo lo outou soifua tautua i le Malo e afua mai i le taitaiga o itutino eseese o le Malo, uunaia o vala uma o lo tatou tamaoaiga, faafaileleina o taleni, tomai ma agavaa, aemaise le folafolaina o le talalelei.
E le galo le sao o nai Alii Felela, o toa o le galuega fa’amisionare, mo lo latou sao taua i le a’oa’oina o alo ma fanau o Samoa. Faamalo faafetai le galulue.
O le tatalo a le tatou Malo, ia aua nei mavae le maopoopoga o le aiga Malisi ma ia tafe pea le faauuga a le Atua, e faafoe ai le Asosi i le agai atu i le lumanai. Ia manuia tapenaga uma o lenei vaiaso ma ia ulimasao fuafuaga uma mo le samiina o le atoaga o le 100 tausaga o le Malisi.
Ia manuia tele le fa’amanatuina o le 100 tausaga o le Asosi o Alii ma Tamaitai Tuai o a’oga a le Malisi i Samoa.
Sofua ma ia Manuia.
KEYNOTE ADDRESS BY HON. FIAME NAOMI MATAAFA ON TO CELEBRATE THE 100TH ANNIVERSARY OF MARIST BROTHERS OLD PUPILS ASSOCIATION’S MATAGIALALUA, ELEELE FOU, TUESDAY 30 JULY 2024
(Salutations noted in Samoan speech)
Today, we dedicate and commemorate the 100th anniversary of the
Marist Brothers Old Pupils Association. In the spirit of today’s celebration, we reflect on the journey.
We remember those before us who were instrumental in the establishment of the Association in 1924, under the leadership of Taisi Olaf Nelson. At that time, the Association was known as the “Marist Old Boys Union.”
Today, we reflect on the many successes of its members and the contribution to all facets of Samoa’s development – within the religious sect and the contribution to education, Government, businesses in the private sector, the development of villages and communities and the development of sports in education and at the national level.
Notably, Marist holds a prominent role in the development of rugby. The Marist Brothers were instrumental in introducing skills to nurture the development of the sport in Samoa. As such, Samoa has witnessed the success of its players at the international level.
Marist remains active and successful in all its undertakings. This attest to the solid foundation of respect, good governance, unity and equality, enfolded in the spirit of ‘togetherness’ and the determination to remain true to its purpose – the purpose to support Marist schools and elevate the level of education.
Let me take this opportunity to congratulate the Marist Old Boys Pupils Association on reaching 100 years.
To all your members from overseas, welcome home and thank you for the continuous support over the years.
I make special mention of the Marist Brothers who have dedicated their lives to educating the Marist boys and students in Samoa. I trust that seeing the successes of the young men and women you had taught is worth the sacrifices you endured. Thank you, Marist Brothers, and may you continue the good work!
I applaud the foresight and perseverance to succeed. May the legacy of success continue to live in the hearts and spirits of generations to come. Well wishes for the future ahead!
Soifua ma ia manuia.
Ata Pu’eina: Leaosā Fa’aifo Fa’aifo.
