1pm Aso Faraile, Aso 30 Aukuso 2024
• Sūsū lau Susuga i le ta’ita’i o le Sauniga, lau Susuga ile Faifeau Toeaina Rev. Tautua Aurelio,
• Sūsū le Aufaigaluega a le Atua ua o tatou mafuta,
• Afio lau Afioga i le Ao Mamalu o le Malo, lau Afioga Tuimalealiifano Vaʻaletoʻa Sualauvi II ma le Faletua,
• Afio le Afioga i le Sui Palemia,
• Afifio foi Afioga i Minisitā o le Kapeneta fa’apea sui mamalu o le Fono Aoao Faitulafono a le Malo o Samoa,
• Afio lau Afioga i le Fofoga Fetalai ma Faipule,
• Afifio tatou Pa’aga mai Fafo, aemaise sui o le Fale Tupe o le Lalolagi,
• Afifio Fa’aulu’uluga o Matagaluega ma Fa’alapotopotoga a le Malo fa’apea vaega tumaoti ma pisinisi,
• Afifio foi Tapaau, Tulatoa o le Afioaga ma le Ekalesia EFKS o Vaigaga nei ae fa’apea foi le au vala’aulia, aemaise le paia lasilasi o Samoa ua potopoto aua Tama ma o latou Aiga, o Aiga ma o latou Tama, le mamalu i le usoga a Pule ma Tumua, Itu’au ma Alataua, Aiga i le Tai ma le Va’a o Fonoti
Tulou tulou Tulouna lava,
O le asō o lea ua taoto i tafa manino le auga ma le fa’amoemoe sa fau ao fau po, aua le fa’usiaina o se faleaoga lelei ma mautu mo le Aoga Tulaga Lua a Vaigaga, Faleata. Ma ua sausau fia lele ai nei le manu sa moe afusia, ona ua tepa i ula, ua taga’i i ula, ua futifuti a manu ula le alofa ma le agalelei o le Atua i lenei aso. Lea ua tatou feiloai i lagi mā i le soifua manuia ma le laulelei.
E maualuga se manatu, o lea ua taunu’u le fa’amoemoe ua leva tele ona moe miti iai le afioaga nei. Ma e ui ina umi se taimi o fetu’utu’una’i fuafuaga a le tatou Mālō, ae vivi’i fai a’e o tatou loto ma agaga, i le alofa ma le agaga lelei o le Atua, aua lea ua tatou molimauina le fa’apaiaina o le galuega ua māe’a.
O lenei galuega sa fa’atupeina i lalo o le fesoasoani a le Faletupe o le Lalolagi ua tā’ua o le Polokalame mo le Si’itia o Tulaga mo le Tali Atu i Fesuiaiga o le Tau i le Pasefika (Pacific Resilience Program-PREP), ma na aofia ai le tu’uina i lalo o le faleaoga tuai, tusia o le ata, ma le fausiaina o lenei atinae tele.
O se galuega na mafua mai ona o le taumafaiga ale tatou Malo ina ia fa’amuamua le saogalemu o alo ma fanau aoga, e auala atu ile saogalemu lelei o nofoaga e fa’atinoina ai a’oa’oga. Na mafai ona filifilia le aoga tulaga lua a Vaigaga, ile mae’a ai o asiasiga a inisinia mai le Faletupe o le Lalolagi ma maitauina ai le tatau ona toe fa’afou lenei faleaoga, ona ua le toe saogalemu. O le faleaoga muamua lenei ua fausia ise fesoasoani ale Faletupe o le Lalolagi i totonu o Samoa.
O lenei galuega e aofia ai le fausiaina o ni faleaoga fogāfale lua se 2. O nei faleaoga e pei ona tatou molimauina e 16 potu, e aofia ai 13 potu mo vasega, 1 le potu tusi (library), 1 le potu mo aoaoga fa’asaienisi (science lab) ma le tasi le potu mo aoaoga tau komepiuta (computer lab). O nei uma potu ua fa’atotogaina i kesi ma nofoa fou, fa’apea ma vaega e mafai ai ona fa’aaoga le internet poo le upega tafailagi, o ili pe a vevela, fa’apea ma fa’ailoilo mo mū (fire alarms).
Na mafai foi i lalo o le poloketi ona fa’afou le fale aua le ofisa o le puleaoga fa’apea faiaoga (staffroom). E lē gata i lea ua fausiaina foi ni falelēta’ua se 2 mo ali’i ma tamaitai, ma fa’atelē ma si’itia le saogalemu o le auala ile itu i sisifo o le lotoā, aua le momoli’ina mai ma le femalaga’i atu o le fanau aoga.
O isi vaega e pei ona tou silasila atu iai, o le fa’aleleia lea o tulaga e mafai ai e tamaiti ma faiaoga e iai manaoga fa’apitoa, ona o’o atu i vaega ese’ese o le lotoā, e pei ona iai access ramps, o rails ma footpaths, fa’apea nofoaga e mafai ai ona fēinu ma fufulu ai a’ao o le fanau aoga.
O le fausiaina o le faleaoga na amata lea ile masina o Tesema ile tausaga ua mavae, ae mae’a ile fa’aiuga o Iuni ile tausaga lenei, tusa lea ma le 6 masina.
O le tūsiaina o le ata ma le mata’ituina o galuega fa’atino na faia lea e le OSM Consultants ma le BECA i lalo o le taitaiga a le Afioga ia Vui Sebastian Mariner ile tau aofai e SAT$864,506.75. O le tu’uina i lalo o le faleaoga tuai na konekarate ai le All Electrical and Construction Limited, ile tau aofai e SAT$124,700.00. Na fa’amanuiaina le konekarate ale Zheng Construction Limited ile fausiaina o le faleaoga ile tau aofai e SAT$5,389,780.11, ae o kesi ma nofoa na fa’atino lea e le Samoa Stationery and Books (SSAB) ile SAT$160,697.00. O le tau atoa la o le tatou galuega mai le Faletupe o le Lalolagi e SAT$6,539,683.86.
E manatu o se tau maoa’e, ae pei ona tā’ua ise taimi ua sola, o lenei galuega ua fausia ise tulaga maualuga. E tuliloaina ai le ausia o tulaga talafeagai mo le saogalemu ma le anagata e lē gata i lona malosi, ae fa’apea foi le tali atu i fa’alavelave fa’alenatura e aofia ai āfa ma mafui’e. O le nofoaga o loo fausia ai lenei faleaoga, o se nofoaga lelei ma tutotonu, aua le sulufa’i mai iai o le afioaga pe a mo’omia, ma e mamao mai i vaega lamatia mai galu lolo ma nofoaga sātia gofie i taimi o timuga mamafa.
O le naunauta’iga a lo tatou Mālō ina ia si’itia pea tulaga ile a’oa’oina o le fanau ma le tupulaga, ina “ia fa’aagava’aina ai alalafaga, fa’amausalī lotoifale, ma fa’amaite le fa’atupula’ia o le tamāo’aiga”, e pei ole sini autu o le tatou Taiala mo le Lumana’i Manuia o Samoa 2021-2025. Ma o lea e taua ai le fa’atinoina o aoaoga i nofoaga saogalemu ma lelei.
E avea ai lenei taimi e fa’aleoina ai le agaga fa’afetai o le tatou Mālō ile Faletupe o le Lalolagi e auala atu i sui ua tatou fa’atasi. Fa’afetai mo le fesoasoani ua tu’uina mai, talitonu e leo na’o le seleni, ae sa fesoasoani foi ile tele o tomai fa’apitoa sa o latou so’oso’otauau ma Matagaluega e lua, aua lenei galuega tele.
Momoli foi le fa’afetai i konesale, fa’apea le agai-o-tupu ma le falefā o lona aiga, sa laina ma timuia aua le faamoemoe ua taunu’u.
E le fa’agaloina foi le agaga o le fa’afetai i le sao o le afioaga e ala ile Fa’afeagaiga ma le Ekalesia, o le Alii Minisita ia Leatinuu Wayne Fong, fa’apea foi le Komiti ole Aoga ma le Pule Aoga, alii ma faipule, tina ma tamaitai, aua le galuega lagolago sa fa’atinoina mai ile taimi na afua mai ai lenei atina’e, sei oo mai ile taimi nei ua fa’amae’aina ma le manuia.
Ia, alofagia foi ele Tama oi le Lagi Samoa, auiliitia e Lona mana le atunuu ao tatou tapenapena ai foi mo taliga malo o le Teuila ma le Fonotaga tele a le taupulega o loo loma.
Faafetai ma ia Manuia
OFFICIAL REMARKS MINISTER OF NATURAL RESOURCES, ENVIRONMENT AND LANDS – Hon. Toeolesulusulu Cedric Pose Salesa Schuster – Official Opening of the Vaigaga Primary School Building, Faleata III District
1pm Friday 30th August 2024
• Rev. Tautua Aurelio,
• Lau Afioga Tuimalealiifano Vaʻaletoʻa Sualauvi II ma le Faletua,
• Cabinet Ministers and Members of Parliament,
• Members of the Diplomatic Corp and representatives of the World Bank,
• Heads of Government Agencies and members of the non-governmental organisations,
• Ladies and Gentlemen,
Today marks a landmark moment in Samoa’s educational journey. We stand here not just to inaugurate the new Vaigaga Primary School buildings, but to celebrate a historic first – the debut of a World Bank-funded school in Samoa. This event heralds a new era of partnership and progress.
The Vaigaga Primary School project embodies two crucial national priorities. First, it stands as a defense against the growing threats of climate change, demonstrating our commitment to safeguarding our future. Second, this project reaffirms the government’s dedication to education as a cornerstone of Samoa’s development, as outlined in our Pathway for the Development of Samoa.
Allow me to share some key details about this remarkable project. The World Bank’s International Development Association has generously funded this initiative with over 6.5 million Samoan Tala. This investment has brought to life two two-story buildings housing 13 classrooms, along with specialized facilities including a science lab, a library, and a computer lab. We’ve prioritized inclusivity with gender-based bathrooms and accessibility features, and enhanced our infrastructure with an upgraded staffroom, principal’s office, car park, and security fence.
But these buildings aren’t just structures; they’re fortresses of learning designed to withstand nature’s fiercest challenges. Built to the Importance Level 3 classification, they ensure superior structural integrity. They comply with our National Building Code, prioritizing public health and safety. Most importantly, they’re engineered to endure earthquakes, floods, and severe storms, embodying true climate and disaster resilience.
We extend our heartfelt thanks to the World Bank for their unwavering support over the past nine years. Their contributions extend beyond this school, encompassing investments in our Multi-Hazard Early Warning System, the development of the Meteorology legislation which came into force in 2021, the construction of the National Emergency Operations Center (NEOC) at Tuanaimato, the design of the new Seismic Operation Center and disaster risk financing to name just a few.
We acknowledge the hard work and support of OSM and BECA who designed and supervised the construction of the Vaigaga Primary School and the contractor, Zheng Construction Limited. Thank you Vui and Wong. It would be remiss of me not to acknowledge the hard work and dedication of the team behind the scene, the Project Management Unit, the Ministry of Finance, the Ministry of Education, the Vaigaga School Community, the Ministry of Works, Transport and Infrastructure, the Samoa Fire and Emergency Services Authority (SFESA), Samoa Water Authority and our Ministry of Natural Resources and Environment. Malo le galulue ma le finau.
To the Vaigaga community, your patience, support, and prayers throughout this project have been invaluable. This achievement is as much yours as it is ours. As we cut the ribbon today, we’re not just opening a school. We are unlocking opportunities for the children of Vaigaga and neighbouring villages. May this institution nurture the minds that will lead Samoa into a brighter future.
Faafetai, fa’afetai tele lava.
Soifua ma ia Manuia.
Photo by Government of Samoa (Leota Marc Membrere)
