Ou te faatalofa ma faafeiloai atu i le tapuaiga mamana a si o tatou atunuu i ona muliauma eseese i lenei vaega o le aso. Viia le Atua e ona le Malosi uma, i lona tapuaaoina o le soifua manuia o lo tatou atunuu.
O lenei faasilasilaga e faapitoa i le faafitauli tau eletise o loo feagai ma le atunuu. E ao ona tuuina atu se faamatalaga mai lo tatou Malo, mo le nofo silafia e lo tatou atunuu o le tulaga pagatia ua feagai nei ma le Faapotopotoga o le Malosiaga Faaeletise.
E muamua ona momoli atu se faafetai e fai ai a’u ma sui o le Malo, i le lava papale o lo tatou atunuu, ao feagai ai le tatou Faalapotopotoga ma faafitauli o la latou auaunaga i lenei vaitau.
Ua matauina le aafia tele o lo tatou atunuu i le motusia o le eletise i le tele o taimi, aemaise lava i aiga, o kamupani ma pisinisi, faapena foi i le mamalu o afioaga taitasi i Upolu nei.
E faailoa atu ma le faaaloalo, o loo faaauauina pea lava galuega a le
Faalapotopotoga, i le faaleleia o tulaga uma i se tulaga faanatinati, ina ia fo’ia fa’afitauli o loo tatou feagai ai nei, ma toe fa’aleleia ai i se taimi vave ma saogalemu, le auaunaga tuuina atu o le eletise, i si o tatou atunuu.
Mafua’aga o le Motusia o le Eletise:
Talu mai le masina o Fepuari 2025, na amata feagai ai le auaunaga a le Malosiaga Faaeletise ma tulaga faaletonu o le eletise, ona o mafuaaga nei:
1. Fa’aletonu o Laina Eletise Malolosi i le Eleele – O le faaletonu ai o
se vaega o laina eletise malolosi i le eleele (underground cable) o loo taoto amata mai i le fale afi i Fiaga e agai atu i le fale afi i Fuluasou, na ala ai ona motusia le eletise i le motu atoa o Upolu, i le Aso 23 o Fepuari. O le isi vaega o le laina eletise lava lenei, na toe fa’aletonu i le aso 25 o Fepuari na toe motusia ai foi le eletise mo le motu atoa o Upolu ma na faatinoina iai galuega faaleleia i lea aso.
2. Matagi malolosi ma uiga loulouā ole Tau – O aafiaga o le tau, i
savili ma timuga mamafa i le Aso 9 o Mati, na aafia tele ai le auaunaga i vaega na alia’e mai ai. E le gata ole fa’aleagaina o pou moli eletise, ae faapea foi i laina eletise malolosi ile auala, faapea maota ma laoa. E le gata i lea, ae o le mafuli ai o laau i luga o laina, ma avea ma vaega tele na motusia atu ai le eletise i le atunuʻu atoa.
3. Fa’aletonu o afi o loo gaosi ai le eletise – O le aso 15 o Mati, na
faamauina ai le fa’aletonu o nisi o afi eletise autū e tolu o loo gaosi ai le eletise o loo tuuina atu i lo tatou atunuu. O nisi o ia afi e aofia ai:
Afi Numera 1 i Fiaga (Afi Tiso – 5 MW) – O se faaletonu i le
vaega autu e fesoasoani tele ile afi (piston) ole afi Numera 1 i Fiaga, e 10 i le 12 masina e tālia ai lea tōtōga, aua e le o se tulaga faigofie ona saili.
Afi Numera 7 i Tanugamanono (Afi Tiso – 3 MW) – O se fa’aletonu i le totoga o le afi lenei (turbocharger) e fesoasoani tele ile gaosia ole eletise e tusa ma le 4 vaiaso e fa’aleleia ai.
Numera 1 i Taelefaga (Eletise e maua mai le Suavai – 2 MW) – O le afi lea ua faailoa mai ua faaletonu se vaega (bearing) o loo
faafaigofieina le taaviliga o pe’ape’a mo le gaosia o le eletise, ma e moomia le tolu masina e faatinoina ai le galuega faaleleia ina ia toe faafoisia i se tulaga lelei atoatoa.
O faaletonu nei ile auaunaga ua aveesea ai le 10 MW o le malosiaga o le eletise sa masani ona siitia ai le auaunaga, ma ua avea ma mafuaaga tele, ua faatinoina ai e le tatou Faalapotopotoga o le EPC le fuafuaga o loo faatinoina nei mo le faasoasoaina o le malosiaga faaeletise o loo gafatia i lenei taimi. Na amataina le tatou galuega lena, i le Aso Sa, 16 Mati.
Galuega Faagasolo mo le Fo’ia o Fa’afitauli nei ma Siitia le
Auaunaga mo Samoa
O le naunautaiga lava ina ia fo’ia ma toe faaleleia le auaunaga malosiaga faaeletise i le atunuu, ua galulue ai nei le Malo ma le EPC i vaega nei:
1. Afi Eletise Faafaigaluegaina (Hire) e lima mo le taimi nei – O
lo’o fa’amoemoe e taunuu mai afi eletise mo le faafaigaluegaina (hire) mo lenei taimi, ina ia fesoasoani i le eletise tuuina atu mo le motu i Upolu. E tusa le ma le 5 MW le malosiaga e gaosi mai e afi eletise nei e 5, ma o le Aso 5 o Aperila o le a taunuu mai ai ile atunuu.
2. Afi Eletise Fou – Ua i ai le fuafuaga a le Malo e fa’atauina mai ni afi eletise fou se lua (4 MW) mai le kamupani a le HNAC i Saina, ma e fa’amoemoe e taunuu mai ia Aokuso o le tausaga nei.
3. Galuega fa’aleleia i Afi Eletise – O lo’o faaauauina pea galuega
fa’aleleia mo afi eletise Numera 7 i Tanugamanono ma le Afi Numera 1 i Taelefaga, ina ia toe faaopoopo ai le malosiaga e 5 MW pe a mae’a galuega.
4. Faaopoopoina o Malosiaga Faafouina (Renewable Energy) – O le a siitia le auaunaga maua mai i malosiaga faafouina, ma ole masina o Tesema 2025 o loo faamoemoe e tatala alaoia ai le auaunaga “Malosiaga Faafouina mai le La” (Solar Farm) e maua mai ai seisi faaopoopoga o le malosiaga faaeletises (10MW) faatasi ai ma “maa” (battery storage) talafeagai, e mafai ona fafaga iai le malosiaga mai le la, ma siitia ai i le 20% le malosiaga tau eletise o le a faaopoopo ile eletise gaosi mo le atunuu.
Fa’ai’uga
O lo’o tumau pea le naunauta’iga i le Malo e tauala atu i le EPC e siitia ma fa’alautele le malosiaga ina ia mautinoa le lelei atoatoa ma le fa’atuatuaina o le auaunaga mo Samoa i taimi uma. Ua matauina lava le siitia o le eletise moomia poo le eletise faaaogaina e le tatou atunuu i le lua tausaga ua tuana’i, ma galuega ua faailo, o le a fesoasoani tele e fo’ia ai lenei faafitauli mai le toe faaono tula’i mai i le lumana’i.
E momoli atu ai le fa’afetai tele i le paia ma le mamalu tele o si o tatou atunu’u i lo outou finagalo malamalama, aemaise o lo outou lava papale, a’o taumafai atu le Faapotopotoga o Malosiaga tau Eletise i le mafai e gata ai, ina ia siitia ma faaleleia lana auaunaga, aua le gafataulimaina o le malosiaga o le eletise mo si o tatou atunuu.
FAAFETAI!
PRIME MINISTER’S STATEMENT TO THE NATION ON POWER OUTAGES [24th March 2025]
Greetings and Talofa lava!
We continue to give thanks to Almighty God for his guidance and protection over our nation.
It is necessary for the government to provide an update for public
awareness regarding the difficulties currently faced by the Electric Power Corporation.
First and foremost, I extend my gratitude, on behalf of the government, to all the people of our nation for their patience as the Corporation deals with challenges in its service provision during this period.
It has been observed that our nation has been significantly affected by frequent power outages, particularly impacting households, businesses, and the various villages in Upolu.
I wish to inform that the Corporation continues to work diligently and urgently to address all issues, aiming to resolve these challenges and restore reliable and safe electricity services to our nation as soon as possible.
Causes of the Power Outages
Since February 2025, our electricity supply has faced major disruptions due to 3l key factors:
1. Underground Cable Failures – A major fault in the main underground cable between Fiaga and Fuluasou led to a total blackout across Upolu on February 23. Another section of the same cable failed on February 25, requiring further repairs before power could be restored.
2. Severe Weather – Heavy storms on March 9 caused extensive damage to power lines and poles, leading to widespread outages across the island.
3. Generator Breakdowns – On March 15, three key generators failed, significantly reducing power generation:
Fiaga No.1 Diesel Engine (5 MW) – A piston failure requires
repairs that will take 10 to 12 months due to part shortages.
Tanugamanono No.7 Diesel Engine (3 MW) – A turbocharger
issue requires four weeks of repair.
Taelefaga No.1 Hydro Plant (2 MW) – A bearing failure needs
three months of repair work.
With a total loss of 10 MW in power supply, EPC had to introduce a power rationing schedule starting March 16, 2025, to manage the limited electricity available.
Solutions to Address the Issue
The government and EPC have implemented the following 4 measures to address the power crisis:
– Emergency Power Supply – Five rental generators (5 MW total) will arrive by April 5, 2025, to help with the power shortage.
– New Diesel Generators – The government is finalizing the purchase of two diesel generators (4 MW) from HNAC, China, expected to arrive in August 2025.
– Repairs in Progress – Work continues on restoring the Tanugamanono, No.7 and Taelefaga No.1 generators, which will add 5 MW once
completed.
– Renewable Energy Expansion – A 10 MW solar farm with a 10 MWh battery storage system is set to launch in December 2025, increasing energy capacity by 20%.
Conclusion
The government and EPC are committed to strengthening and expanding power generation to ensure a stable and reliable electricity supply for Samoa. The demand for electricity has significantly increased over the past two years, and these strategic solutions will help prevent future power shortages.
I again extend sincere thanks and appreciation to all who have been affected by this electricity crisis, for your understanding and patience, especially for your continued support and endurance. The Electric Power Corporation with Government’s support are working to address the current situation to return electricity supply to meet the needs of the country.
FAAFETAI!
Photo by the Government of Samoa (Leaosa Faaifo Faaifo)
