SAUNOAGA AUTU a le Afioga i le Sui Palemia, Hon. Tuala Tevaga Iosefo Ponifasio.
Susu lau Susuga i le Ta’ita’i ole sauniga Rev. Eric Mulitalo
Afifio afioga i Minisita o le Kapeneta
Afifio le Afioga i le Ta’ita’ifono ma le Komiti Faatonu a le Samoa Airways
Susu Fa’auluuluga o Pisinisi Tuto’atasi, Matagaluega
ma Fa’alapotopotoga a le Malo
Alalata’i le paia ma le mamalu ua aofia i le asõ
O Samoa e le tau faailo ona tulaga faalupe I ona sa ma faiga ua taoto a’o se alao’o. O le a ou le toe oo iai, ona o paia lava mai le vavau e oo ile faavavau.
Faafetai ile susuga ile Faafeagaiga Taulagi mo talosaga ua molia, ina ia faatasi mai le Atua soifua i lo tatou faamoemoe I lenei afiafi.
O le asõ ua tatou potopoto fa’atasi ai e molimauina le toe taunuu mai ma le saogalemu o se tasi o va’alele a le tatou Kamupani Vaalele o le Samoa Airways, na auina atu i Kanata mo le toe fa’aleleia ma fa’afouina o lona tino atoa ma totoga uma. O se fa’ailoga lea o le naunautaiga o le kamupani ina ia mautinoa le fa’aauau pea o le lelei male saogalemu o femalaga’aiga i luga o le ea ma fa’aleleia atili le tulaga o feso’otaiga ma isi atunu’u.
I le masina o Iuni o le tausaga ua tuana’i na galulue fa’atasi ai le Samoa Airways ma le Unity Aviation Canada o Kanata mo le fa’atinoina o lenei galuega tele. O le ulua’i fuafuaga sa i ai e 7 masina e fa’atino ai le galuega i se tau e $7 miliona Tala Samoa. Ae pei ona i ai i so’o se fuafuaga tele ma faigata, e le tutusa le fuafuaga ma le taunu’uga na o’o i ai. O le taimi atoa sa fa’atino ai le galuega e 9 masina i le tau e $10 miliona Tala Samoa, O se si’itaga lea e 28% mai le taimi na ulua’i fuafuaina e fa’atino ai ma le 43% o le tupe na ulua’i fuafuaina e faatupe ai.
E lua mafua’aga autu ua eseese ai le ulua’i fuafuaga sa i ai ma le taunu’uga na taunu’u i ai. Ina ua taunu’u le va’a i Kanata ma faia ai loa ulua’i su’esu’ega i le tulaga sa i ai le tino ma totoga o le va’a, o lea na maua ai, e tele nisi totoga fou e mana’omia ma tele se isi taimi fa’aopopo e mana’omia. E ui lava la i le taimi ma le tau fa’aopopo na iloa o le a o’o i ai, ae na talia lava ona o le fa’amoemoe ia fa’afouina ma fa’aleleia atoa le va’a i le tulaga lelei e tatau ona i ai.
Ou te fiafia tele e fa’ailoa atu, o le fa’atupeina o lenei galuega tele na fa’atino lava i tupe maua a le kamupani e aunoa ma se aitalafu.
E tele ni fa’amanuiaga mo le tatou atunu’u o le a maua mai i lenei galuega tele. E le gata o le a fa’aleleia atili ai le lagolago i pisinisi tulisi, fefa’atauaiga ma le fa’afaigaluegaina o puna’oa, ae o le a fa’apea foi ona fesoasoani i le fa’aleleia atili o le saogalemu i femalagaiga i le ea. O se fuava’a e lelei ona fa’afoe ma pulea o le a si’itia ai lona tulaga ta’uleleia, ma o le a fa’apea ona si’itia ai fo’i ma le faatuputupulaia o pisinisi tulisi, ma fefa’atauaiga mai maketi i fafo.
Ae le gata i lea, o lenei galuega o le a fa’alaua’iteleina ai le tomai ma le poto masani i galuega tau va’alele sivili ma fa’amalosia ai o tatou tagata e si’itia ai latou tautua fa’atusatusa ma tulaga ua ausia fa’avaomalo.
Mo le aga’i atu i le lumana’i, o le a fa’aleleia ma fa’afouina e le Samoa Airways isi ana va’alele e 2 i le tulaga na fa’aleleia ai le vaalele lea o lo’o tatou molimauina i le asõ. E tasi i le fa’ai’uga o lenei tausaga ma le lona tolu i le tausaga fou.
E avea ai a’u ma Sui o le Malo o Samoa e momoli atu ai le agaga fa’afetai tele i le Samoa Airways mo le agaga naunau e fa’aleleia ma fa’afou ana va’alele mo le saogalemu ma le puipuia o femalagaiga i le ea, fa’apea ma le Unity Aviation Canada mo le latou tomai fa’apitoa e fa’atino ai le galuega mana’omia e pei ona fuafuaina. O nei galuega e fa’amautinoa ai le fa’aauau pea o le tulaga lelei o feso’otaiga i le va o Samoa ma le lalolagi atoa i le lumana’i.
O lo ua taoto foi fuafuaga ale tatou malo, e lagolago pea ile tatou Kamupani vaalele ale Samoa Airways I nisi o ana fuafuaga ile lumana’I, mo le manuia lautele o tagata Samoa.
Ia faamanuia mai le Atua I lo outou faamoemoe, aemaise Samoa mo sona manuia mo a taeao.
Faafetai, soifua ma ia manuia.
INAUGURATION OF THE FAW AIRCRAFT HELD AT THE SAMOA AIRWAYS ENGINEERING HANGAR AT FALEOLO AIRPORT. (Friday, 14th March, 2025 At 6:00pm)
KEYNOTE ADDRESS By Hon. Tuala Tevaga Iosefo Ponifasio, Acting Prime Minister Of Samoa.
Rev. Eric Mulitalo, Congregational Christian Church from Fasitoo-tai
Chairman and Board of the Samoa Airways Limited
Distinguished Guests
Ladies and Gentlemen,
Today, we gather to celebrate a milestone that signifies more than just the return of an aircraft. The FAW aircraft is back in the skies with Samoa Airways after undergoing an extensive overhaul in Canada, representing our unwavering commitment to maintaining a strong, reliable national airline and enhancing Samoa’s global connectivity.
Last year, Samoa Airways joined forces with Unity Aviation Canada for this crucial overhaul. Originally, the project was planned for a 7month duration with an estimated cost of 7 million Tala. However, as is often the case with complex undertakings, the final outcome saw adjustments in both time and budget. The overhaul extended to 9 months, with the total cost rising to 10 million Tala — a 28% increase in time and a 43% increase in costs.
Two main factors contributed to these revisions. Upon the aircraft’s arrival in Canada, a thorough inspection uncovered the need for additional parts and more extensive work than initially expected. These adjustments were essential to ensure the aircraft met the highest safety and performance standards. While these changes led to increased costs and time, they were imperative in restoring the aircraft to optimal condition, ensuring its ongoing safety and reliability for all passengers.
I am pleased to note that the funding for this significant project was entirely provided through the company’s own revenue.
The return of FAW brings tremendous benefits to our nation. It enhances Samoa Airways’ capacity to support tourism, trade, and investment, while also ensuring safer, more reliable air travel. A fully operational and well-maintained fleet elevates our airline’s global reputation, further contributing to the growth of Samoa’s tourism sector and expanding export markets.
Moreover, this project has helped foster the growth of skills and knowledge within our local aviation industry, empowering our teams and aligning them with international aviation standards.
Looking ahead, Samoa Airways is committed to renewing its remaining two aircrafts in the same manner, with one scheduled for later this year and the third in the following year.
The Government of Samoa will continue to support the Airline’s future expansion projects towards the region for the benefit of our people and country.
On behalf of the Government of Samoa, I extend my heartfelt Faafetai tele to Samoa Airways for its unwavering dedication to renewing its fleet, and to Unity Aviation Canada for their exceptional work in carrying out this project. Their efforts ensure that our national airline is positioned for continued success, connecting Samoa with the world in the years to come.
Faafetai, Soifua, ma ia Manuia.
Photo by the Government of Samoa (Leota Marc Membrere)
Ata Pueina – Malo o Samoa (Leota Marc Membrere)
