KEYNOTE ADDRESS by the Prime Minister Hon. Fiame Naomi Mata’afa [Thursday 3rd April 2025]
Reverend Puletua Tapumanaia,
Representatives of our Development Partners,
Chairpersons and members of Executive Boards of Government Public Bodies, and of Agriculture in Samoa,
Heads of Government Agencies, Private Sector and Exporters, Partners of the Samoa Export Authority,
Ladies and Gentlemen.
I am pleased to be here to witness the official Opening of the Office of the Samoa Export Authority and to celebrate the launch of its Corporate Plan for the first 5 years of its establishment, from the Financial Year 2025/2026 to 2029/2030.
The establishment of the Samoa Export Authority has been long in the making. An interim Board was established in February 2024 to guide the establishment phase, including consultations across the country and with communities and all stakeholders in developing the policies that underpin the establishment of the Authority and a legislation to legislate and govern its operations.
The Samoa Export Authority Bill 2024 was tabled and passed in Parliament during its sitting in August 2024, and the SEA Act 2024 came into force on 22nd August 2024 when it was signed by the Head of State. The SEA Act 2024, established the Samoa Export Authority as a Body Corporate under the Public Bodies (Performance and Accountability) Act 2001.
As well as opening the new Office, we are also this morning, launching the Corporate Plan for the Authority for the period of 2025/2026 Financial Year to the 2029/2030 Financial Year. The 5-year duration of the Corporate Plan was agreed upon by the SEA Interim Board, to align with a Cabinet decision for the Authority to be established as a Public Beneficial Body in its first 5 years, after which a review should be carried out to consider it becoming a Public Trading Body. Thus the Corporate Plan we are launching today, was developed with a view towards this review mandated by Cabinet to be carried out in August 2029, 5 years after the SEA Act 2024 came into force.
But why the need for an Export Authority? Right now, Samoa spends around $1 billion tala on imported goods. Only around 10% of that amount is earned from goods we export. It is a trade imbalance that is strangling our development and a situation we urgently need to address.
The SEA Act 2024 and the SEA Corporate Plan we are launching this morning, lays out the objectives and functions of the Authority, to address the trade imbalance mentioned-above, through effectively promoting exports or export products from Samoa.
The Objectives of the Authority are:
1. To address policy and legislative requirements to enable exports development and market access;
2. To boost exports through supporting production and productivity, development of export products, and access to export services along value-chains, in partnerships with producers, manufacturers and business operators; and,
3. To establish export markets, and strengthen capacity in standards for market access.
In performing its functions, the Authority will liaise and cooperate with other relevant organizations of the Government, such as MCIL, MFAT, MAF and SROS; private sector and civil society, to ensure that strategic planning and arrangements are in place to deal with exports from Samoa.
In addition, the Authority is to:
a) facilitate and coordinate export development;
b) facilitate and coordinate an enabling environment for the revival and growth of the export sector;
c) find new markets for Samoa’s export sector;
d) promote and facilitate compliance with market requirements; and,
e) facilitate and coordinate the availability of needed capacity building for exporters and other parties of the export value chain.
Before I conclude, I would like to acknowledge the great work by the SEA Interim Board, and the support of MPE as its Secretariat, during the establishment phase of the Authority. The leadership of the Interim Board allowed for a wide consultations process in the development of a SEA legislation, and your guidance facilitated the smooth passing of the SEA legislation through Parliament. It was an achievement to be applauded, when the SEA Act 2024 came into force on 22nd August 2024. Working closely with the new CEO, you also managed to develop a Corporate Plan to guide the work of the Authority in its first 5 years of existence. The SEA Interim Board, ladies and gentlemen comprised of:
Afioga Tagaloa Eddie Wilson, the Chairperson;
Afioga Fa’amausili Dr Matagialofi Lua’iufi;
Afioga Tuisa Tasi Patea;
And two ex-officios: Afioga Saoleititi Maeva Betham-Vaai, and Pouli Dr Keneti Faulalo.
I believe the achievements of the SEA Interim Board has set a solid foundation upon which the new SEA Board, established under the provisions of the SEA Act 2024, will guide the work of the Authority moving forward.
On that note, it is with pleasure that I welcome the members of the new SEA Board that has been approved by Cabinet:
Afioga Tuia’opo Andrew Aliki, Chairman;
Afioga Tuimaseve Kuinimeri Asora-Finau;
Afioga Peseta Peter Tone;
Afioga Tagaloa Eddide Wilson; and,
Afioga Vaai Kolone Vaai.
We wish you all the best in guiding the journey of the Authority. I am confident that with strong leadership and strategic guidance, and with the commitment and drive of the SEA staff, the Authority will be effective in meeting its objectives in leading, facilitating and coordinating export development and export of products from Samoa.
I am now pleased to announce the official opening of the new Samoa Export Authority, as well as the official launch of their Corporate Plan for the first 5 years of its establishment.
May God bless the Authority in its journey and May God Bless Samoa.
Soifua ma ia Manuia!
TATALA ALOAIA LE OFISA FOU O LE PULEGA O OLOA AUINA ATU I FAFO A SAMOA MA LANA FUAFUAGA AUTASI ALUALU MAMAO
SAUNOAGA AUTU a le Afioga i le Palemia, Hon. Fiame Naomi Mata’afa [Aso Tofi 3 Aperila 2025]
Susu lau Susuga i le Ta’ita’i o le Sauniga, lau Susuga Puletua Tapumanaia, Fa’afeagaiga o le Ekalesia EFKS, Penieli Fou, Falelauniu,
Afifio Minisita o le Kapeneta,
Sui o tatou Paaga tau Atina’e,
Afifio Ta’ita’ifono o Komiti Fa’atonu ma Sui o Komiti Fa’afoe o Fa’alapotopotoga a le Malo,
Afifio Sui o Komiti Faufautua o Fa’atoaga ma Faigafaiva,
Afifio Fa’auluuluga o Matagaluega ma Fa’alapotopotoga Tumaoti a le Malo,
Aufai Pisinisi Gaosi Oloa Auina atu i Fafo,
Sui o Paaga a le Pulega o Oloa Auina atu i Fafo a Samoa,
Le paia ma le mamalu o Samoa ua potopoto,
E talitonu o lea ua mapu i le tuasivi le faiva o manusina. Ua mae’a fo’i ona utu le uila o matagi auā le fa’amua ma le fa’asani i le Atua ma Lona agalelei. Ua utūialā le sasaga i le ūtugāvai a tausala, ma ua fa’atofolia i tatou i le malilie o sua o vai, auā manū fa’aifo mai le Tapa’au Silisili’ese i le Lagi.
Ou te manatu fo’i ua mae’a paelago pa’ia o Samoa ua potopoto e le Fofoga o le aso, o le a le toe o’o i ai se tala.
Ae e ia te a’u le mitamitaga tele i lenei taeao, ua tatou auai fa’atasi e molimauina le tatalaina aloa’ia o le Ofisa fou o le Pulega o Oloa Auina Atu i Fafo a Samoa. Ua le o po malaē i le tatou fa’atasiga, o le Pulega ua faitau tausaga ona fuafua ma fa’atalatalanoa, ma ua leva fo’i ona fai galuega mo lona tau fa’atūina, e aofia ai le faufauina o ana Faiga Fa’avae, ma sana Tulafono Autū.
Pei ona silafia, o le Tulafono o le Pulega o Oloa Auina Atu i Fafo a Samoa 2024, sa pasia lea e le Palemene i lana fonotaga i le masina o Aukuso 2024, ma sa sainia ai e lana Afioga i le Ao Mamalu o le Malō, i le Aso 22 Aukuso, 2024. O lea Tulafono, ua fa’atuina ai le Pulega, o se Fa’alapotopotoga ua Tu’ufa’atasia Fa’aletulafono (Body Corporate).
E le gata i le tatala aloa’iaina o le Ofisa fou, ae o le taeao nei, o le a fa’apea fo’i ona tatou amana’iaina ai le Fuafuaga Autasi Alualu Mamao a le Pulega (Corporate Plan) mo lona ulua’i 5 tausaga o lona fa’atūina, mai le tausaga fa’aletupe 2025/2026 se’ia o’o i le 2029/2030. O le avea o le 5 tausaga e fa’atulaga ai le Fuafuaga Autasi Alualu Mamao, ina ia o gatasi ma le fa’avae fa’ata’oto a le Malō, mo le Pulega e avea ma Public Beneficial Body i le 5 tausaga muamua mai lona fa’atuina, ona toe iloilo lea pe agava’a ona liliu e avea ma Public Trading Body.
E pei ona lau silafia, o le fa’avae autū sa a’e ai le tofā mo le fa’atuina o le Pulega, o le tau fo’ia lea o le fa’afitauli tugā, i le ova mamao o le tele o oloa fa’aulufale mai i Samoa, pe a fa’atusatusa i oloa auina atu i fafo. I le taimi nei, e tusa ma le $1 piliona Tala tupe fa’aalu a Samoa i oloa fa’aulufale mai, ae na o le 10% o lea aofa’iga, e maua mai lea i ana oloa auina atu i fafo. O se tulaga lē paleni tele lea i fefa’atauaiga o oloa, ua fa’ama’ia ai le atina’e o le tatou atunu’u, ma o se tulaga e tatau ona vave fo’ia.
O le Tulafono o le Pulega o Oloa Auina Atu i Fafo a Samoa 2024, fa’apea le Fuafuaga Autasi Alualu Mamao ua tatou patipatia i le taeao nei, o lo’o fa’ata’atitia, ma aiaia ai matafaioi tau’ave, fa’apea galuega poutū a le Pulega.
O sini ma galuega autū o le Pulega, e aofia ai le fesoasoani malosi i le fa’amaopo’opoina ma le fa’afaigofieina o le auina atu i fafo o a tatou oloa, e ala i faiga fa’apa’aga ma isi fa’alapotopotoga ‘ese’ese a le Malo ua tutusa malosi’aga, e pei o le Matagalujega o Pisinisi, Alamanuia ma Leipa (MCIL) ma le Matagaluega o le Va i Fafo ma Fefa’ataua’iga (MFAT), aemaise vaega tuma’oti e i ai le Au faifa’ato’aga ma au’aunaga e mafai ona auina atu i fafo. E aofia ai fo’i le fesoasoani malosi mo alamanuia mo le aufai fa’ato’aga lima vaivai ma alalafaga o lo o gāfātia i le galuea’ina o latou fanua ma ‘ele’ele fa’aleaganu’u, e ala lea i galuega fuafuaina a le Pulega.
O galuega tau’ave autu a le Pulega, e aofia ai le fa’ateleina o fua faifa’ato’aga e fuafua mo ‘oloa, pe o le gaosia o ‘oloa e ‘auina atu i fafo, e ala lea i le fesoasoani e sui faiga faifa’ato’aga, mai i le na o le gaosia mo taumafa fa’ale’āiga (subsistence), ae faifa’ato’aga e gaosia taumafa fa’apea le faifa’apisinisi (commercialization).
E le gata i lea, o galuega tau’ave autū a le Pulega, e aofia ai fo’i le fa’amaopo’opo ma fa’afeso’ota’iga o le ‘au faifa’ato’aga, le ‘au fa’atau’oloa, ma i latou uma o lo o faia au’aunaga mo le atina’eina o oloa auina atu i fafo, aemaise o le fa’amautinoaina o lo’o iai se si’osi’omaga talafeagai mo le auina atu i fafo o a tatou oloa. O le Pulega fo’i e na te una’ia malosi le fa’alauiloaina o a tatou oloa e auina pe fefa’ataua’i atu i fafo.
I lona aotelega, o le Pulega ua fa’atuina ina ia mafai ai ona fa’afaigofie ma fa’amaopo’opo le auina atu i fafo o ‘oloa ma au’aunaga mai Samoa. O le fa’amoemoe autū, ia mafai lea ona tele ‘oloa ma au’aunaga auina atu i fafo, ina ia manuia ai o tatou tagata, o le toatele o i latou o faifa’ato’aga mai nu’u i tua.
A o le’i fa’amutaina la’u tautalaga, ou te avatu le fa’amalō tele i le Komiti Fa’atonu Le Tumau a le Pulega, o i latou ia sa latou ta’imua i le tu’ufa’atasiga o le Tulafono mo le Pulega, ma sa ta’ita’iina fo’i galuega fai mo le fa’atuina o le Pulega, e aofia ai le fa’afouina o le Ofisa, ma sa galulue fa’atasi ma le Pule Sili, i le tu’ufa’atasia o le Fuafuaga Autasi Alualu Mamao ‘ua tatou patipatia i le taeao nei.
E fa’apea fo’i ‘ona momoli le fa’afetai tele i le Matagaluega o Fa’alapotopotoga a le Malō (MPE), sa ‘avea ma failautusi (Secretariat) a le Komiti Fa’atonu Le Tumau, i le 12 masina o le latou galuega. Fa’afetai i le Komiti Le Tumau, ‘ua ma’ea la outou galuega sa tofia ai ‘outou e le Kapeneta, fa’amalo le fai o le faiva:
I lau Afioga i le Ta’ita’ifono o le Komiti le Tumau, lau Afioga Tagaloa Eddie Wilson;
Lau Afioga Fa’amausili Dr Matagialofi Lua’iufi;
Lau Afioga Tuisa Tasi Patea;
Fa’apea sui ex-officios: Afioga Saoleititi Maeva Betham-Vaai, ma le Afioga ia Pouli Dr Keneti Faulalo.
Talitonu ‘ua ‘outou fausia se paepae maumaututū e fai ma fa’avae malosi e fa’atino ai galuega fai a le Pulega i le ta’ita’iga a le Komiti Fa’atonu fou ua fa’atuina i lalo o le Tulafono.
Ia atonu o se avanoa lelei lenei e fa’atalofa atu ai i tou Afioga i le ulua’i Komiti Fa’atonu a le Pulega, ua fa’atuina i lalo o le Tulafono.
Fa’atalofa atu:
Lau Afioga Tuia’opo Andrew Aliki, o le Ta’ita’ifono lea o le Komiti Fa’atonu;
Afioga Tuimaseve Kuinimeri Asora-Finau;
Afioga Peseta Peter Tone;
Afioga Tagaloa Eddide Wilson; ma le
Afioga Vaai Kolone Vaai
O outou māmā na. O la outou ta’ita’iga ma le galulue faʻatasi ma le Ofisa Sili ma le aufaigaluega a le Pulega, o le a mautinoa ai le ‘ausia o sini autu ma matafaioi fa’atino a le Pulega, e pei ona fa’atulagaina i le Fuafuaga Autasi Alualu Mamao mo le Tausaga Fa’aletupe 2025/2026 – 2029/2030. Ia, fa’amanuia tele le Atua i le Pulega ma le amatalia o lana folauga, ma ia fai sona ‘ai mo se manuia o tatou tagata lautele.
Ou te fiafia lava e fa’asilasila atu, ua tatala aloaia nei le Ofisa fou mo le Pulega o Oloa Auina atu i Fafo a Samoa (Samoa Export Authority), fa’apea le Fa’alauiloaina aloaia o le latou Fuafuaga Autasi Alualu Mamao (Corporate Plan) mo le ulua’i 5 tausaga o lona fa’atuina.
Soifua ma ia Manuia.
Ata Pueina – Malo o Samoa (Asuisui V. Matafeo)
TATALA ALOAIA LE OFISA FOU O LE PULEGA O OLOA AUINA ATU I FAFO A SAMOA MA LANA FUAFUAGA AUTASI ALUALU MAMAO
SAUNOAGA AUTU a le Afioga i le Palemia, Hon. Fiame Naomi Mata’afa [Aso Tofi 3 Aperila 2025]
Susu lau Susuga i le Ta’ita’i o le Sauniga, lau Susuga Puletua Tapumanaia, Fa’afeagaiga o le Ekalesia EFKS, Penieli Fou, Falelauniu,
Afifio Minisita o le Kapeneta,
Sui o tatou Paaga tau Atina’e,
Afifio Ta’ita’ifono o Komiti Fa’atonu ma Sui o Komiti Fa’afoe o Fa’alapotopotoga a le Malo,
Afifio Sui o Komiti Faufautua o Fa’atoaga ma Faigafaiva,
Afifio Fa’auluuluga o Matagaluega ma Fa’alapotopotoga Tumaoti a le Malo,
Aufai Pisinisi Gaosi Oloa Auina atu i Fafo,
Sui o Paaga a le Pulega o Oloa Auina atu i Fafo a Samoa,
Le paia ma le mamalu o Samoa ua potopoto,
E talitonu o lea ua mapu i le tuasivi le faiva o manusina. Ua mae’a fo’i ona utu le uila o matagi auā le fa’amua ma le fa’asani i le Atua ma Lona agalelei. Ua utūialā le sasaga i le ūtugāvai a tausala, ma ua fa’atofolia i tatou i le malilie o sua o vai, auā manū fa’aifo mai le Tapa’au Silisili’ese i le Lagi.
Ou te manatu fo’i ua mae’a paelago pa’ia o Samoa ua potopoto e le Fofoga o le aso, o le a le toe o’o i ai se tala.
Ae e ia te a’u le mitamitaga tele i lenei taeao, ua tatou auai fa’atasi e molimauina le tatalaina aloa’ia o le Ofisa fou o le Pulega o Oloa Auina Atu i Fafo a Samoa. Ua le o po malaē i le tatou fa’atasiga, o le Pulega ua faitau tausaga ona fuafua ma fa’atalatalanoa, ma ua leva fo’i ona fai galuega mo lona tau fa’atūina, e aofia ai le faufauina o ana Faiga Fa’avae, ma sana Tulafono Autū.
Pei ona silafia, o le Tulafono o le Pulega o Oloa Auina Atu i Fafo a Samoa 2024, sa pasia lea e le Palemene i lana fonotaga i le masina o Aukuso 2024, ma sa sainia ai e lana Afioga i le Ao Mamalu o le Malō, i le Aso 22 Aukuso, 2024. O lea Tulafono, ua fa’atuina ai le Pulega, o se Fa’alapotopotoga ua Tu’ufa’atasia Fa’aletulafono (Body Corporate).
E le gata i le tatala aloa’iaina o le Ofisa fou, ae o le taeao nei, o le a fa’apea fo’i ona tatou amana’iaina ai le Fuafuaga Autasi Alualu Mamao a le Pulega (Corporate Plan) mo lona ulua’i 5 tausaga o lona fa’atūina, mai le tausaga fa’aletupe 2025/2026 se’ia o’o i le 2029/2030. O le avea o le 5 tausaga e fa’atulaga ai le Fuafuaga Autasi Alualu Mamao, ina ia o gatasi ma le fa’avae fa’ata’oto a le Malō, mo le Pulega e avea ma Public Beneficial Body i le 5 tausaga muamua mai lona fa’atuina, ona toe iloilo lea pe agava’a ona liliu e avea ma Public Trading Body.
E pei ona lau silafia, o le fa’avae autū sa a’e ai le tofā mo le fa’atuina o le Pulega, o le tau fo’ia lea o le fa’afitauli tugā, i le ova mamao o le tele o oloa fa’aulufale mai i Samoa, pe a fa’atusatusa i oloa auina atu i fafo. I le taimi nei, e tusa ma le $1 piliona Tala tupe fa’aalu a Samoa i oloa fa’aulufale mai, ae na o le 10% o lea aofa’iga, e maua mai lea i ana oloa auina atu i fafo. O se tulaga lē paleni tele lea i fefa’atauaiga o oloa, ua fa’ama’ia ai le atina’e o le tatou atunu’u, ma o se tulaga e tatau ona vave fo’ia.
O le Tulafono o le Pulega o Oloa Auina Atu i Fafo a Samoa 2024, fa’apea le Fuafuaga Autasi Alualu Mamao ua tatou patipatia i le taeao nei, o lo’o fa’ata’atitia, ma aiaia ai matafaioi tau’ave, fa’apea galuega poutū a le Pulega.
O sini ma galuega autū o le Pulega, e aofia ai le fesoasoani malosi i le fa’amaopo’opoina ma le fa’afaigofieina o le auina atu i fafo o a tatou oloa, e ala i faiga fa’apa’aga ma isi fa’alapotopotoga ‘ese’ese a le Malo ua tutusa malosi’aga, e pei o le Matagalujega o Pisinisi, Alamanuia ma Leipa (MCIL) ma le Matagaluega o le Va i Fafo ma Fefa’ataua’iga (MFAT), aemaise vaega tuma’oti e i ai le Au faifa’ato’aga ma au’aunaga e mafai ona auina atu i fafo. E aofia ai fo’i le fesoasoani malosi mo alamanuia mo le aufai fa’ato’aga lima vaivai ma alalafaga o lo o gāfātia i le galuea’ina o latou fanua ma ‘ele’ele fa’aleaganu’u, e ala lea i galuega fuafuaina a le Pulega.
O galuega tau’ave autu a le Pulega, e aofia ai le fa’ateleina o fua faifa’ato’aga e fuafua mo ‘oloa, pe o le gaosia o ‘oloa e ‘auina atu i fafo, e ala lea i le fesoasoani e sui faiga faifa’ato’aga, mai i le na o le gaosia mo taumafa fa’ale’āiga (subsistence), ae faifa’ato’aga e gaosia taumafa fa’apea le faifa’apisinisi (commercialization).
E le gata i lea, o galuega tau’ave autū a le Pulega, e aofia ai fo’i le fa’amaopo’opo ma fa’afeso’ota’iga o le ‘au faifa’ato’aga, le ‘au fa’atau’oloa, ma i latou uma o lo o faia au’aunaga mo le atina’eina o oloa auina atu i fafo, aemaise o le fa’amautinoaina o lo’o iai se si’osi’omaga talafeagai mo le auina atu i fafo o a tatou oloa. O le Pulega fo’i e na te una’ia malosi le fa’alauiloaina o a tatou oloa e auina pe fefa’ataua’i atu i fafo.
I lona aotelega, o le Pulega ua fa’atuina ina ia mafai ai ona fa’afaigofie ma fa’amaopo’opo le auina atu i fafo o ‘oloa ma au’aunaga mai Samoa. O le fa’amoemoe autū, ia mafai lea ona tele ‘oloa ma au’aunaga auina atu i fafo, ina ia manuia ai o tatou tagata, o le toatele o i latou o faifa’ato’aga mai nu’u i tua.
A o le’i fa’amutaina la’u tautalaga, ou te avatu le fa’amalō tele i le Komiti Fa’atonu Le Tumau a le Pulega, o i latou ia sa latou ta’imua i le tu’ufa’atasiga o le Tulafono mo le Pulega, ma sa ta’ita’iina fo’i galuega fai mo le fa’atuina o le Pulega, e aofia ai le fa’afouina o le Ofisa, ma sa galulue fa’atasi ma le Pule Sili, i le tu’ufa’atasia o le Fuafuaga Autasi Alualu Mamao ‘ua tatou patipatia i le taeao nei.
E fa’apea fo’i ‘ona momoli le fa’afetai tele i le Matagaluega o Fa’alapotopotoga a le Malō (MPE), sa ‘avea ma failautusi (Secretariat) a le Komiti Fa’atonu Le Tumau, i le 12 masina o le latou galuega. Fa’afetai i le Komiti Le Tumau, ‘ua ma’ea la outou galuega sa tofia ai ‘outou e le Kapeneta, fa’amalo le fai o le faiva:
I lau Afioga i le Ta’ita’ifono o le Komiti le Tumau, lau Afioga Tagaloa Eddie Wilson;
Lau Afioga Fa’amausili Dr Matagialofi Lua’iufi;
Lau Afioga Tuisa Tasi Patea;
Fa’apea sui ex-officios: Afioga Saoleititi Maeva Betham-Vaai, ma le Afioga ia Pouli Dr Keneti Faulalo.
Talitonu ‘ua ‘outou fausia se paepae maumaututū e fai ma fa’avae malosi e fa’atino ai galuega fai a le Pulega i le ta’ita’iga a le Komiti Fa’atonu fou ua fa’atuina i lalo o le Tulafono.
Ia atonu o se avanoa lelei lenei e fa’atalofa atu ai i tou Afioga i le ulua’i Komiti Fa’atonu a le Pulega, ua fa’atuina i lalo o le Tulafono.
Fa’atalofa atu:
Lau Afioga Tuia’opo Andrew Aliki, o le Ta’ita’ifono lea o le Komiti Fa’atonu;
Afioga Tuimaseve Kuinimeri Asora-Finau;
Afioga Peseta Peter Tone;
Afioga Tagaloa Eddide Wilson; ma le
Afioga Vaai Kolone Vaai
O outou māmā na. O la outou ta’ita’iga ma le galulue faʻatasi ma le Ofisa Sili ma le aufaigaluega a le Pulega, o le a mautinoa ai le ‘ausia o sini autu ma matafaioi fa’atino a le Pulega, e pei ona fa’atulagaina i le Fuafuaga Autasi Alualu Mamao mo le Tausaga Fa’aletupe 2025/2026 – 2029/2030. Ia, fa’amanuia tele le Atua i le Pulega ma le amatalia o lana folauga, ma ia fai sona ‘ai mo se manuia o tatou tagata lautele.
Ou te fiafia lava e fa’asilasila atu, ua tatala aloaia nei le Ofisa fou mo le Pulega o Oloa Auina atu i Fafo a Samoa (Samoa Export Authority), fa’apea le Fa’alauiloaina aloaia o le latou Fuafuaga Autasi Alualu Mamao (Corporate Plan) mo le ulua’i 5 tausaga o lona fa’atuina.
Soifua ma ia Manuia.
Ata Pueina – Malo o Samoa (Asuisui V. Matafeo)
