E faasilasila aloaia atu i le mamalu ole atunuu le fesoasoani a le EPC, e pei ona folasia ai i le fonotaga a le Palemene ile vaiaso nei, Aso 7 Aperila 2020, e pei ona saunoa i ai le afioga i le Minisita o Tupe.
E tusa ma le $8.6 Miliona Tala le tuuaofa’i o lenei fesoasoani ma o lona aotelega e aofia ai vaega nei:
1. Tu’uititia le tau ole eletise i le 10sene mo le 6 masina
2. 50% o le a tu’uitiitia ai le tau faapitoa mo le eletise a Faletalimalo (reduced Daily Fixed Rate) mo le 3 masina
O lenei faamāmā avega mo le tau ole eletise na faamamaluina i le aso 1 Aperila 2020.
E momoli atu ai le faamalo ma le faafetai a le afioga i le Taitai Fono ma Sui o le Komiti Faatonu a le EPC, le Afioga i le Pule Sili, le Pulega ma le Aufaigaluega mo le lagolagosua a le atunuu; e ui ina tatou feagai ai ma le faama’i oti o le KOVITI-19, e pei ona aafia ai le lalolagi.
Tau ‘ina ia alofagia e le Atua lo outou saogalemu Samoa, ma ia maua pea lona filemu.
Fa’afetai,
Lupematasila Galumalemana Togia Tologata Tile
PULE SILI
Electric Power Corporation, Samoa
