E tusa ai ma aiaiga o le Fuaiupu e 2 o le Tulafono o Aso Malolo mo Tagata Uma 2008, e fa’ailoa atu ai e fa’apea, o le a fa’amamaluina le Aso Gafua, 1 Iuni 2020 e avea ma Aso Malolo mo tagata uma mo le fa’amanatuina o le Tuto’atasi o le Malo o Samoa.
E mafai ona tatalaina faleoloa mo le fa’atauina o oloa i aso malolo i lalo o aiaiga ole Tulafono o Aso Malolo mo Tagata Uma 2008. Mo tagata faigaluega ma i latou e puleaina galuega, e tatau ona usitaia tu’utu’uga o lo’o i lalo o le Fuaiupu 39 o le Tulafaono o Sootaga Va Lelei o Leipa ma Galuega 2013.
E fautuaina le mamalu o le atunuu ina ia utagia aiaiga ma tuutuuga o le Poloaiga o Faalavelave Tutupu Faafuasei na tuuina atu i le aso 20 o Me 2020. O itula faatulagaina nei mo supamaketi: O le Aso Gafua agai i le Aso Toonai e tatala i le 6 a.m. – 7 p.m ae mo le Aso Sa e tatala mai i le 3 p.m – 7 p.m.
Mo nisi fa’amatalaga, fa’amolemole fa’afesootai mai le Vaega o le Va Fealoai i Galuega, Pemita mo Tagata Faigaluega mai Fafo, ma le Saogalemu ma le Soifua Maloloina i Galuega i le telefoni 20441/20442.
Fa’afetai,
Pulotu Lyndon Chu Ling
OFISA SILI O PULEGA
