(OFISA O LE SO’OUPU); I le toe iloiloina o lenei mataupu i le Aso 4 Setema 2020 na faamaonia ai e le Kapeneta le toe fetu’una’i o le Aso o le malaga sa fuafua e taunuu mai i le Aso Faraile 11 Setema 2020 i le Aso 18 Setema 2020, ona o tulaga i vaalele.
Peitai e leai se suiga ile Malaga faapitoa togipau (chartered flight) mo Tamaiti Aoga ua mae’a aoaoga ma nisi e nonofo mau i Samoa o lo’o poloka i Ausetalia e pei ona faatulafonoina e faataunu’uina ile vaiaso mulimuli ole masina o Setema.
O le a iloilo e le Kapeneta nisi faigamalaga e fuafua mai i Samoa i le lumanai.
O le isi foi teuteuga ua faamaonia ele Kapeneta o femalagaiga a vaalele i le vā o Upolu ma Savaii e tatala i Aso Sa mo le auina mai o gasegase tigaina.
E faatumauina pea isi aiaiga o Poloaiga o Faalavelave Tutupu Faafuase’i na mua’i tuuina atu.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
