E tusa ai ma aiaiga o Poloaiga mo Fa’alavelave Tutupu Fa’afuase’i mo le malu puipuia o Samoa mai le fa’ama’i o le KOVITI-19, e fautuaina le mamalu o le atunuu, e matuā tapu so’o se tagata e uia pe afea Nofoaga o lo’o fa’anofoesea ai (Quarantine sites) i latou na faimalaga mai i atunuu mamao.
E na o le aufaigaluega ua iai le fa’atagaga e ulufale i totonu o nei nofoaga, mo le tuuina atu o auaunaga mo’omia.
E fa’amanatu atu fo’i i le atunu’u, o lo’o TAPU PEA LE FA’APOTOPOTO i le malaevaalele i Faleolo ma le uafu i Matautu, se’i vaganā tagata malaga.
E faailoa atu o le solitulafono le lē usita’ia o tu’utu’uga o nei tapu, ma e mafai ona fa’asalaina soo se tasi i le sala tupe e $2,000 e pei ona faatulagaina i aiaiga o Poloaiga mo Fa’alavelave Tutupu Fa’afuase’i 2020.
Faamolemole ia faautagia mai lenei faasilasilaga mo le puipuiga o le saogalemu o si o tatou atunuu mai le KOVITI-19.
Ma le fa’aaloalo,
Agafili Tomaimano Shem Leo
Faauluuluga o le Ofisa o Fa’alavelave Tutupu Fa’afuase’i
