TALA LATA MAI O LE PEPESI AI O LE KOVITI – 19 I SAMOA
Ua fa’amaonia mai e le Matāgaluega o le Soifua Mālōlōina e 362 i latou fou ua pesia i le siama o le Koviti – 19, 15 i latou o lo’o fa’anofoesea i le Falema’i ma le to’afa (4) o lo’o i le Potu Tigāina (ICU) mai le 2:00 i le aoauli o le Aso 16 Aperila 2022 i le 2:00 i le aoauli o le Aso 18 Aperila 2022.
E fautuaina le mamalu lautele o le atunu’u ina ia tausisia puipuiga uma mai le Matagaluega o le Soifua Maloloina ina ia faia tali fofoga, tausisia le va ma le isi tagata (social distancing) ma ia tautuanā le nonofo lelei i aiga ma ia fa’anofoesea i se vaega fa’apitoa o lou fale pe a masalomia ua e a’afia i āuga o le siama. E fa’amanatu atu foi i le atunu’u, ina ia faia tui puipui o le Koviti – 19 aua lava le tete’e atu i le fa’amai. O le saogalemu ma le malu puipuia o tatou aiga ma ê pele, o le tatou galuega fai fa’atasi lea.
I LATOU UA MĀLILIU I LE KOVITI – 19 I SAMOA
Ua fa’ailoa mai e le Matāgaluega o le Soifua Mālōlōina e to’atasi (1) ua fa’amauina ua maliu ona o le Koviti – 19 i totonu o lenei 48 itula ma ua si’itia ai i le to’a 13 i latou ua māliliu. O le ua māliu o se tamã 73 tausaga le matua. Ona o le fa’aaloalogia ma le amanaia o tau ‘āiga o e ua māliliu, o le a leai ai se isi fa’amatalaga fa’aopoopo mai le Mālō.
Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina i le ta tonu o le 2:00 i le aoauli o le Aso 16 Aeprila e agai atu ile itula e 2:00 ole aoauli o le Aso 18 Aperila 2022, ma ua au’ili’ili atu e fa’apea:
