TALA LATA MAI O LE PEPESI AI TUA O LE KOVITI – 19
Ua lipotia mai e le Matāgaluega o le Soifua Mālōlōina e to’a 358 i latou fou ua pesia i le siama o le Koviti – 19 ma e to’aono (6) i latou o lo’o fa’anofoesea i nofoaga fa’apitoa i le Maota Gasegase i Moto’otua mai le 2:00 i le aoauli o le Aso 10 Me 2022 – 2:00 i le aoauli o le Aso 12 Me 2022. Peita’i e leai se maliu fou ua fa’amauina mai i totonu o lenei 48 itula.
E fautuaina le mamalu lautele o le atunu’u ina ia tausisia ma fa’amalosia fautuaga masani ua folasia mai e le Soifua Mālōlōina e aofia ai le faia o tali fofoga, tausisi i le lua mita mai le isi tagata aemaise i nofoaga faitele, nofo lelei i le fale ma fa’anofoesea i se nofoaga fa’apitoa o lou maota pe afai ua masalo lou a’afia i āuga o le fa’ama’i.
E talosagaina fo’i le mamalu o le atunu’u ina ia afifio e faia tui puipui auā o le puipuiga sili lea mo tagata uma, e tete’e atu ai i le sosolo fa’aafi o le Koviti – 19. O la tatou matāfaioi tau’ave fa’atasi, o le galulue feoeoea’i e puipuia i tatou mai lenei fa’ama’i, ae silisili ai ona puipuia i latou e pele iā te i tatou.
Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina i le ta tonu o le 2:00 i le aoauli o le Aso 10 o Me e agai atu ile itula e 2:00 ole aoauli o le Aso 12 Me 2022, ma ua au’ili’ili atu e fa’apea:
