TALA LATA MAI O LE PEPESI AI TUA O LE KOVITI – 19
Ua lipotia mai e le Matāgaluega o le Soifua Mālōlōina le pesia ai oi latou e to’a 31 i le siama o le Koviti – 19 ile piliota amata mai ile 2:00 ile aoauli ole Aso 21 o Iuni ile 2:00 ile aoauli ole Aso 23 Iuni 2022. Mai i lea aofa’iga e to’a 29 o le mamalu lautele o le atunu’u a’o le to’alua (2) na faimalaga mai fafo. Ma ua si’itia ai le aofa’i o e ua a’afia (community & border) i le fa’ama’i i le 14,843. E to’atasi (1) o lo’o fa’anofoesea i nofoaga fa’apitoa i le Falema’i i Moto’otua ae leai se tasi o i le Potu Tigāina (I.C.U.).
E toe tu’ualalo atu pea i le mamalu o Samoa ina ia tausisia pea le faia o tali fofoga, tutū ma le nofo vāvā mo le lua mita mai le isi tagata, fufulu mamā lima pe a mae’a ona tagofia ni meafaitino ina ia fa’aitiitia ai le so’ona pepesi o le siama.
E tumau pea fautuaga mo le atunu’u atoa ina ia aga’i i se falema’i lata ane mo le faia o tui puipui o le Koviti – 19, auā o le puipuiga sili lea mo i tatou e tete’e atu ai i le ma’ema’eā o lenei vairasi.
AOTELEGA O LE GALUEGA FA’AAUAU A LE MATĀGALUEGA O LE SOIFUA MĀLŌLŌINA MO LE PUIPUIGA O SAMOA MAI LE KOVITI – 19. O lenei lipoti sa tu’ufa’atasia mai le 2:00 i le aoauli o le Aso 21 Iuni 2022 se’ia aulia le Aso 23 Iuni 2022 i le 2:00 i le aoauli. Fa’amatalaga au’ili’ili o le tulaga o lo’o i ai le fa’ama’i i Samoa fa’apea le tuiga o lo’o tu’uina atu i le kalafi o lo’o i lalo. Ae mo nisi fa’amatalaga fa’aopoopo fa’amolemole asiasi i le ‘upega tafa’ilagi a le Matāgaluega o le Soifua Mālōlōina (http://www.health.gov.ws) po’o le valaau o le telefoni numera 6008440.
