TALA LATA MAI O LE PEPESI AI TUA O LE KOVITI – 19
I le lipoti a le Matāgaluega o le Soifua Mālōlōina mo lenei fitu aso (tasi le vaiaso) ua fa’amauina ai e to’a 64 i latou ua resitalaina le pesia ai i le siama o le Koviti – 19 i totonu o Samoa mai le 2:00 i le aoauli o le Aso 14 o Aokuso e agai atu i le 2:00 i le aoauli o le Aso 21 o Aokuso, 2022. Ma ua si’itia ai le aofa’i o e ua a’afia (community & border) i le fa’ama’i i le 15,767. Mai i lenei fuainumera, e 15,598 i latou mai i le mamalu lautele o le atunu’u (community transmission) ua fa’amauina ua pesia, ma e 169 le aofa’i oi latou na faimalaga mai i totonu o Samoa ua a’afia i le fa’amai talu mai le masina o Mati, 2022. E to’a 8 o lo’o fa’ataotolia mo le taimi nei i le Maota Gasegase i Moto’otua.
E fa’amanatu atu pea i le mamalu o le tatou atunu’u, fa’amolemole ia tausisia pea fautuaga mai le Soifua
Maloloina e tu’uina atu i taimi uma.
AOTELEGA O LE GALUEGA FA’AAUAU A LE MATĀGALUEGA O LE SOIFUA MĀLŌLŌINA MO LE PUIPUIGA O SAMOA MAI LE KOVITI – 19. O lenei lipoti sa tu’ufa’atasia mai le 2:00 i le aoauli o le Aso 14 Aokuso 2022 se’ia aulia le Aso 21 Aokuso 2022 i le 2:00 i le aoauli. Fa’amatalaga au’ili’ili o le tulaga o lo’o i ai le fa’ama’i i Samoa fa’apea le tuiga o lo’o tu’uina atu i le kalafi o lo’o i lalo. Ae mo nisi fa’amatalaga fa’aopoopo fa’amolemole asiasi i le ‘upega tafa’ilagi a le Matāgaluega o le Soifua Mālōlōina (http://www.health.gov.ws) po’o le valaau o le telefoni numera 8006440.
| TULAGA UA IAI LE FA’AMA’I I SAMOA | AOFA’I O GASEGASE |
| O le aofa’iga o i latou fou ua pesia i le siama o le Koviti – 19 i totonu o lenei fitu (7) aso. O i latou uma nei ua ma’ea su’ega fa’afoma’i o le PCR ma le RAT Tests* | 64 |
| Aofa’iga o i latou ua a’afia i le Koviti – 19 talu ona mama i tua le fa’ama’i i le Aso 17 Mati 2022 | 15,598 |
| Aofa’iga o i latou na malaga mai fafo i totonu o Samoa sa pesia i le Koviti – 19 talu mai Novema o le tausaga 2020 | 169 |
| Aofa’i atoa o e ua pesia i le Koviti – 19 i totonu o Samoa | 15,767 |
| LATOU NA TAOFIA I LE FALEMA’I ONA O LE KOVITI – 19 O le aofa’i atoa o e na pesia i le siama o le Koviti – 19 sa tu’uina atu i le falema’i i Moto’otua talu mai le Aso 17 Mati 2022 – 324 tagata Aofa’iga oi latou sa pesia ua toe malolosi ma te’a mai le falema’i o TTM – 287 Oi latou o lo’o taofia pea i totonu o lenei 24 itula – 8 -To’avalu (8) ua pesia o taofia i le maota gasegase i Moto’otua | |
| Aofa’i o maliu fou i totonu o lenei fitu (7) aso** | 0 |
| Aofa’i atoa o e ua māliliu talu ona pepesi i tua le fa’ama’i i le Aso 17 Mati 2022 | 29 |
| Aofa’iga o su’ega fa’afoma’i sa faia se’ia o’o mai i le Aso 16 Aokuso 2022 i le itula e 2:00 i le aoauli (RAT Tests) *** | 187,397 |
*O nofoaga uma o lo’o tu’uina atu sa faia ai su’ega o le Koviti – 19, e aofia ai falema’i, nofoaga fa’alesoifua mālōlōina, falema’i tumā’oti, o nofoaga o lo’o faia su’ega ua fa’atulagaina fa’atasi ai ma le lipoti mai lava a tagata ta’ito’atasi sa faia e ia lana lava su’ega.
**O i latou ua faitauina i e ua māliliu ona o le Koviti – 19, ua mae’a ma mautinoa uma i fa’amaumauga ma su’esu’ega ua lipotia e le Ofisa ma fa’amauina ai o sea maliu e feso’ota’i ma āuga o le Koviti – 19
FA’AMAUINA: E iai nisi o maliu sa resitalaina, ua fa’amauina e lê feso’ota’i ma le KOVITI-19
***O su’ega uma e faia e fesuia’i lava le fuainumera i aso uma pe a mae’a ona faitauina i aso ta’itasi
O lenei lipoti o loo tu’ufa’atasia ma au’ili’ili ai fa’amaumauga o le fa’amai mai lava i le aso 17 o Mati, 2022 ina ua fa’amaonia ai le pepesi atu ai i tua ile mamalu lautele o le atunu’u. Ua fa’amauina fo’i fa’amaumauga mo tui puipui ua mae’a fa’atinoina mo le mamalu o le atunuu. Silasila i le lipoti ua saunia e le Matagaluega ua tu’uina atu mo nisi fa’amatalaga.
—-MA’EA—
