SO’O’UPU A LE MĀLŌ: Ua fa’ai’ugāfonoina e le Kapeneta le tofia aloā’ia o le Afioga iā Fagaloa Leti Setto Roy Tufuga, e avea ma Ofisa Sili o Pulega po’o le Fa’atonu Aoao o le Ofisa o le Komisi mo le Toe Fuata’ina o Tulafono a Samoa (Samoa Law Reform Commission).
O Fagaloa o se loia ma sa avea ma Fa’atonu Sili Aoao mo le Pulega o Uafu ma Taulaga a Samoa mai le 2012 i le 2015.
Sa a’oa’oina i le Kolisi o Samoa i le 1981, o le 1987 na fa’au’u mai ai i lona fa’ailoga tauāloa o le Bachelor of Arts a’o 1994 na maua ai le isi ona fa’ailoga tauāloa o le Bachelor of Laws mai le Iunivesite lava a Aukilani i Niu Sila, mulimuli ane fa’au’uina i lona fa’ailoga tauāloa o le Masters in Law mai le International Maritime Law Institute i le 1997.
O lenei tamāli’i o le atunu’u, ua sui tulaga i le Afioga iā Teleiai Dr. Lalotoa Mulitalo sa ia tau’aveina lenei tofiga tāua o le Mālō mai le tausaga e 2017 se’ia o’o mai i le 2022.
Ata – Tufuga Law Firm and Consultancy LinkedIn page
