02 August 2024
Ladies and gentlemen, esteemed guests, and distinguished partners,
It is with great pleasure that I welcome you all today to witness the unveiling of our new diesel generators here at the Fuluasou Substation. This project marks a significant milestone in our efforts to provide reliable and sufficient power to meet the growing electricity demand in Samoa.
Today, we celebrate a remarkable achievement in enhancing our power infrastructure. The installation of these three diesel generators is a crucial step in ensuring that our power supply can keep pace with the increasing needs of our communities, businesses, and industries. This project will help us maintain the stability and reliability of our power grid, thereby supporting our nation’s economic growth and development.
I would like to extend our deepest gratitude to HNAC Technology Company, the main contractor for this project. Your expertise, dedication, and collaboration have been instrumental in bringing this vision to life. The successful completion of this project is a testament to the strength of our partnership and your commitment to excellence.
A special thank you goes to the Electric Power Corporation (EPC) for initiating and driving this project forward. I would like to thank the dedicated teams who have worked tirelessly to ensure the success of this project. It is through your efforts that we can stand here today and celebrate this significant achievement.
To all our esteemed guests, your presence here today is greatly appreciated. Your support and enthusiasm inspire us to continue our work towards a brighter and more prosperous future for Samoa. May this project serve as a catalyst for further advancements and collaborations in the energy sector.
Thank you once again for being a part of this special occasion. Let us continue to work together towards a stronger and more resilient power infrastructure for Samoa.
Tofa Soifua and God bless.
SAUNOAGA AUTU A LE MINISITA O GALUEGA FELAUAIGA MA ATINAE TETELE A LE MALO IA OLO FITI AFOA VAAI I LE TATALAINA O AFI TISO FOU I FULUASOU
02 Aukuso 2024
Utu ia i lagi-tau ma lagi-nai-auloa le fue faasau ole talalelei. Aua ua iloga taeao & aso e si’i ai lo latou sa aua le Atua ole foafoaga & mataisau ole tamaoaiga ole soifuaga nei. Ae tau ia ina ou faamati’e laau na totofi, e tali fale ai le faamanu ma le viiga i lo tatou Tapaau. Ina ua tatou feiloa’i i tai sisina ae le o tai siisii. Lea ua tatou pale ai ma ula i tifa o malo, ae ua le o ula talaloa o manaia.
Ona iai lea ole taofi Tatou lalafo laia foe ole va’asā i le aufaigaluega totofi ale Atua. A’o le upu i le ava nai le Mulivai-tō i Atua, e lalaga ai fala o Tausala ae faamoe ile vai faasuagatā. Ae tali le matāfolau i ulu ā’au ina ia logo i pāpā taualuga o Samoa.
Lau Susuga ile Taitai ole Sauniga
Lau Afioga ile Taitai ole Malo, Lau Afioga ile Tamaitai Palemia & Sui Palemia
Afioga I Minisita ole Kapeneta
Faauluuluga o Matagaluega & Pulega Tumaoti ole tatou Malo
Faauluuluga o Pisinisi Tumaoti & Mamalu maualuga ua sasao nei
E ia te a’u le ava ma le migao tele e faatalofa ma faafeiloai aloaia atu lo outou mamalu i lenei taeao matagofie i Fuluasou nei. Ou te faafetaia ai lo outou mamalu, ona ole faaavanoa mai o lenei taimi taua, sei o tatou patipatia faatasi ai & faamanatuina ai lenei faamoemoe sa lupe a le Pulega ole Malosiaga Tau Eletise.
AUGA AUTU
O lenei atina’e e pei ona tatou molimauina ua ausia ai nei e le tatou Faalapotopotoga Malosiaga Tau Eletise, se taumafaiga a o se sao taua aua le tapenaga a le tatou Malo ile fonotaga a atunuu ole Taupulega ia Oketopa. Ina ia mautinoa, le atoatoa o le faatinoina o le pito-laau a le tatou Pulega. Aua o le taimi tonu lea, ole a matua siitia ai le faaogaina o le eletise.
E le gata I lea ae o le tapenapena pea ma faasauni pea o le Pulega e talitali le vave siitia o manaoga a lo tatou atunuu I le faaogaina o le eletise. E oo foi i pisinisi tumaoti, Faalapotopotoga & Matagaluega a le tatou Malo ua faapena foi ona maitauina le siisii foi I luga ole faaogaina ole eletise mai lea masina I lea masina. Ma ua alaga-tatau ai ona siitia le tulaga o le auaunaga
PROJECT
Lenei la ua iai a tatou afi-moli ia e 4 (2MW) ole a faaolaina ile aso. E 3 afi tetele ia ua outou silasila atu iai mo Tumua nei ae 1 ua faapipiina ile Motu Tele I Salafai ma ole aso foi e tuuina atu ai loa I luga o a tatou wire malolosi mo le faafaigaluegaina a o talia ai a tatou poloketi solar ma isi metotia fou e pei ona faagasolo nei feutagaina ale Pulega ma nisi o Kamupani
Ole eletise oloo mafai ona gaosia ile taimi nei mai ia tatou afi kiso, afi vai, afi solar ma nai pe’ape’a e 2 oloo tau saili se savili malosi e taavilivili ai e tusa lea ma le 32MW le aofaiga atoa ae o lona faaogaina e le mamalu ole atunuu ua oo atu nei ile 30MW. O lona uigatoe 2 MW oloo totoe ma faaleoleo nei ma ose tulaga sa faapopoleina ai le Pulega ma mafua ai loa ona oka mai nei afi fou e 4 ma ua maua ai le isi 8MW faaopopo e puipui ai ni faaletonu e ono toe tulai mai. Ua atoa ai nei le 10MW faaleoleo ma e talitonu le Pulega ua lava ma totoe lea malosiaga mo le taimi nei. Ole upu moni, o le tele o tatou afi tuai oloo iai pea, ua tala a latou penisione ma ua oo ile taimi e faamalolo manumalo ai.
O afi foi nei e 4, sa faatupeina lava e le Pulega o Malosiaga Tau Eletise I lona tau e ST$10.7M. O lona uiga, o loo lelei lava le faasoasoa tatauina o tupe a le Pulega ma faasa’osa’o atu ai loa nisi o popolega faapea ua gau le EPC.
Ole upu moni ua tutu’a le EPC. Tutua le Taitaifono, tutua ma le CEO
PENEFITI mai le PULEGA
E ui ina feagai lenei Pulega ma luitau ole auaunaga ae o le agaga fiafia a lenei pulega, ua iai se sao taua ole tatou faigamalo tauala mai ile Pulega o Malosiaga Tau Eletise i le atunuu, e ala ile faapauina ole tau eletise I le tausaga 2022 se ia paia mai le aso ise taimi muamua talu ona faavae mai lenei Faalapotopotoga ole EPC.
E lei faigofie le faaiuga e pei ona sa faatinoina. Ona ose lui fou ile Pulega e lei masani ai.
Ae o le loto-tetele pea ole aufaigaluega le Afioga ile Alii Pule & Afioga ile Taitaifono & Komiti Faafoe aemaise le Minisita, ua mafai ai ona faatino lenei faamoemoe taua ua alalaga ai lo tatou atunuu ile taugofie ole eletise a o lenei lava e siisii pea I luga le tau ole suauu. Aisea? E faataua & amanaia ele Pulega aemaise le tatou Faigamalo le auaunaga I o tatou tagata.
FAAFETAI
E avea ai lenei avanoa e faafetaia ma avatu le faamalo ile tatou Konekarate poo le kamupani autu sa gafa ma le tatou galuega lenei, le HNAC Technology, ona ole agavaa ma le tomai ua faasoa mai, aua le fausiaina male faapipiina o vaega uma moomia, ina ia tino mai le atina’e ua o tatou molimauina I le aso, lona faataunuuina.
E faapito augafa se faafetai I lenei itula o le aso, I le tatou Faalapotopotoga o Malosiaga Tau Eletisele, I le tatou Komiti Faatonu, le Pulega ma le mamalu I le aufaugaluega, i lo outou mataala & aemaise le fuafuaina ma le faataunuuina o lenei faamoemoe.
O lo outou galulue punou a’i ma le manatu ane I la outou tautua ile atunuu lenei ua tau ai lau o le faamoemoe I lenei taeao. Faamalo le galulue ma le tauatai. Foi le viiga ile Atua
I le mamalu o tatou malo fa’aaloalogia, o lo outou auai mai i le asō ua maualuga ai le tatou faamoemoe.
O la outou lagolagosua I tatou atinae ina ia siitia ai le auaunaga a le EPC, o se fesoasoani sili lea mo galuega faatino aua le manuia lautele o si o tatou atunuu, e talitonu o galuega ma atinae nei ose pine faamau leai lo tatou galulue faatasi aua le faaauauina o galuega mo le siitia ole tamaoaiga o le tatou atunuu, aemaise le soifua manuia o tatou tagata.
UPU FAAIU
E iai le lagona ua pu’ea ulupapa i sa outou faafofoga e fai ma molimau i lenei aso taua. Ua tusia foi ile tusi, e galulue fua le Aufaigaluega, pe a le atinaeina e le Atua. AMEN
To mai lagi manu ole taeao I le aofia nei ma ia iai le manuia ole Atua le Tamā le Alo ma le Agaga Sa ile tapuaiga a si o tatou atunuu
SOIFUA
Ata Pueina – Malo o Samoa (Leota Marc Membrere)
